Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சிம்புவின் அடுத்த ஹீரோயின்! முத்தையாவை டிக் செய்த சூர்யா! #க்விக்-செவன்

அன்பானவன் அசராதவன் அடங்காதவன் படத்திற்கான முதல் கட்ட படப்பிடிப்பை திண்டுக்கலில் முடித்துவிட்டு சென்னை திரும்பியிருக்கிறது படக்குழு. இப்படத்தில் சிம்பு மூன்று வேடத்தில்  நடிக்கிறார். ஸ்ரேயா மட்டுமே நாயகியாக ஒப்பந்தமாகியிருக்கிறார். மற்றொரு நாயகி ஹன்சிகா என்று கூறிவந்த நிலையில், அந்த வதந்திக்கு முற்றுப்புள்ளி வைத்திருக்கிறார் ஹன்சிகா. தனது ட்விட்டரில், “ அச்செய்தி வதந்தியே, உண்மை இல்லை” என்று ட்விட்டியிருக்கிறார். #HeroineWanted


ராஜேஷ் இயக்கத்தில் “கடவுள் இருக்கான் குமாரு”, பிரசாந்த் இயக்கத்தில் “ப்ரூஸ்லி” படத்திலும் நடித்துவருகிறார் ஜி.வி.பிரகாஷ். இவ்விரு படங்களின் படப்பிடிப்பும் இறுதிக் கட்டத்தை நெருங்கியுள்ளது. ஆகஸ்ட் மாதம் முதல் ராஜூவ் மேனன் இயக்கும் படத்தில் நடிக்க தேதியை ஒதுக்கியிருக்கிறார் ஜி.வி. இப்படத்திற்கான 9 பாடல்களில் 4 பாடல்களை முடித்துக் கொடுத்துவிட்டார் ஏ.ஆர்.ரஹ்மான். தவிர சாய்பல்லவி தமிழில் நடிக்கும் முதல் படம் இது என்பது கூடுதல் செய்தி! #Malare


'வேலைனு வந்துட்டா வெள்ளக்காரன்' படத்தைத் தொடர்ந்து இயக்குநர் எழில் இயக்கவிருக்கும் படத்தில் உதயநிதி நடிக்கவிருக்கிறார். இப்படத்திற்கு நாயகியாக ரெஜினா நடிக்கவிருக்கிறார். காமெடிக்கு சூரி இப்படத்தில் நடிக்கவிருக்கிறார். முதல்கட்ட பணிகள் தீவிரமாக நடந்துவருகின்றன. இசை டி.இமான் இசையமைக்கும் இப்படத்தின் படப்பிடிப்பு ஆகஸ்ட்டில் தொடங்கவிருக்கிறது. #SuperJi


இயக்குநர் ரஞ்சித் இயக்கத்தில் சூர்யா நடிக்கவிருப்பதாக தகவல்கள் வெளியாகிவந்த நிலையில், ரஞ்சித் அடுத்ததாக விஜய்யை இயக்கவிருப்பது உறுதியாகியிருக்கிறது. சிங்கம் மூன்றாம் பாகத்தில் நடித்துவரும் சூர்யா அப்படத்தைத் தொடர்ந்து, முத்தையா இயக்கவிருக்கும் படத்தில் நடிக்கவிருக்கிறார். குட்டிப்புலி, கொம்பன், மருது படங்களை இயக்கியவர் முத்தையா என்பது குறிப்பிடத்தக்கது. #AllTheBest


ஜீவா, காஜல் அகர்வால் நடிப்பில் உருவாகிவரும் படம் தான் கவலை வேண்டாம். இப்படத்திற்காக நீச்சல் குளத்தில் ஒரு பாடல் படமாக்கப்பட்டது. அந்தப் புகைப்படங்கள் இணையத்தில் வைரலாகியுள்ளன. ரொமாண்டிக் பாடலாக உருவாகியிருக்கும் இப்பாடலே படத்தின் அறிமுகப் பாடல் என்றும் கூறுகின்றனர் படக்குழுவினர். மஹாப் ஹோட்டலின் நீச்சல் குளத்தில் படமாக்கப்பட்ட இந்தப் பாடலுக்காக இருவரும் சுமார் 7 மணிநேரம் நீச்சல் குளத்தில் இருந்திருக்கிறார்கள். இந்தப் படத்தின் படப்பிடிப்புகள் முடிந்துவிட்ட நிலையில், அஜித்தின் 57வது படத்திற்கு தயாராகிவருகிறார் காஜல் அகர்வால். #Thala57


கபாலி ஜூலை 22ம் தேதி வெளியாகி, இன்று வரையிலும் எல்லா திரையரங்கிலும் ஓடிக் கொண்டிருக்கிறது. கபாலியால பல படங்கள் தள்ளிச்சென்ற நிலையில் இந்த வாரம் வெள்ளிக்கிழமை ஆகஸ்ட் 5ம் தேதி ஏழு படங்கள் வெளியாக உள்ளன. ஜீவாவின் “திருநாள்”, “மீண்டும் ஒரு காதல் கதை”, ஜெய் நடிக்கும் “ தமிழ்செல்வனும் தனியார் அஞ்சலும்”, சண்டிகுதிரை, என்னமா கதவுடுறானுங்க, காதல் காலம் படங்கள் வெளியாகின்றன.மேலும், மோகன்லால், கெளதமி நடிக்கும் 'நமது' படமும் ரிலீஸாகிறது.வரும் வெள்ளிக்குள் இதில் மாற்றங்களும் நடக்கலாம் பாஸ்! #MovieFriday


காலில் ஏற்பட்ட காயத்தால் மருத்துவமனையில் சேர்க்கப்பட்டு சிகிச்சை பெற்றுவந்தார் நடிகர் கமல்ஹாசன். முதலில் அவரின் காலில் சிறிய அளவில் அறுவை சிகிச்சை ஒன்று நடந்தது. தற்பொழுது மீண்டும் காலில் வலி ஏற்பட்டுள்ளது. எனவே மீண்டும் ஒரு சின்ன அறுவை சிகிச்சை நடைபெற்றுள்ளது. தற்பொழுது நலமாக இருக்கிறார் கமல். கமலின் நிலையைக் கேள்விப்பட்ட உடனே கமலுக்கு போன் செய்து உடல்நலம் பற்றி விசாரித்திருக்கிறார் நடிகர் ரஜினி. #GetwellSoon

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close