Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சிவாஜி முதல் சிவகார்த்திகேயன் வரை - என்னம்மா இப்படிப் பின்றீங்களேம்மா! #ladygetup

சிவாஜி முதல் சிவகார்த்திகேயன் வரை பெண் வேடத்தில் தமிழ் சினிமாவைக் கலக்கியவர்களின்  ஜிஃப் லிஸ்ட் இதோ!

குங்குமம் :

நடிகர் சிவாஜி கணேசன் இந்தப் படத்தில் போலீஸை சந்திப்பது போன்று ஒரு காட்சி இடம் பெறும். அச்சு அசல் பெண் போலவே இவரது தோற்றம் இருக்கும். புடவை அணிந்து போலீஸிடம் நகைச்சுவையாகப் பேசும் காட்சி.

காதல் வாகனம் :

எம்.ஜி.ஆர் 'என்ன மேன்' என்ற பாடலுக்கு இந்தப் படத்தில் மாடர்ன் உடை அணிந்து அசத்தலான நடனம் ஆடுவார். குட்டைப் பாவாடை அணிந்து இவர் அடிக்கும் லூட்டி, பார்ப்பவர்களைச் சந்தேகத்தில் ஆழ்த்தும். ஏனென்றால் இவர் கெட் அப் அப்படி!

அவ்வை சண்முகி :

உலக நாயகன் கமல்ஹாசன் மாமி வேடத்தில் இடம் பெறும் நகைச்சுவை காட்சிகள்தான் படத்தின் பலம். திரையில் சண்முகமாகவும் சண்முகியாகவும் அசத்தும் ரோல்.

பணக்காரன் :

ரஜினிகாந்த் இந்தப் படத்தில் 'நூறு வருஷம் இந்த மாப்பிள்ளையும் பொண்ணும்தான்' என்ற பாடலில் சிவப்பு நிறப் புடவை அணிந்து வருவார். வந்தது மட்டுமின்றி பாடலுக்கு நடனமும் ஆடுவார்.

மாமன் மகள் :

இத்திரைப்படத்தில் கதாநாயகன் சத்யராஜ், மீனாவைக் காதலித்து திருமணம் செய்துகொள்வதற்காகப் பெண் வேடம் அணியும் கட்டாயம் ஏற்படும். அதற்காக சத்யராஜ் கறுப்புப் புடவை அணிந்து மீனா முன் வந்து நிற்க மீனாவே ஆச்சரியத்துடன் பார்க்க, கவுண்டமணியுடன் கலந்துகட்டி நடக்கும் அலப்பறைதான் இந்தக் கலகல காட்சி.

ப்ரியமானவளே :

இந்தப் படத்தில் விஜய் ''ஜூன் ஜூலை மாதத்தில்'' என்னும் பாடலில் பெண் வேடம் அணிந்து சிம்ரனிடம் ''ஹாய்'' என்று கூறி அவரோடு ரொமான்டிக் ஸ்டெப் ஒன்று போட்டு ரசிகர்ளைப் பார்த்து அழகாகக் கண் அடிப்பார்.

கந்தசாமி :

இப்படத்தின் ஹீரோ விக்ரம். மயில் சாமி, சார்லி ஆகியோருக்குப் பாடம் கற்பிக்க பெண் வேடம் அணிந்து வருவார். பார்ப்பதற்கு அப்படியே இந்தி நடிகை போலவே இருப்பார். ஆனால் ரொமான்ட்டிக்காக வந்து சண்டையில் வெளுத்துக் கட்டுவார். 

புதுக்கோட்டையிலிருந்து சரவணன் :

தனுஷ் ஹீரோயினை பாதுகாப்பாக கூட்டிச்சென்று அவரின் வீட்டில் விடுவதுதான் கதை. இதில் ஒரு காட்சியில் போலீஸிடமிருந்து தப்பி செல்வதற்காக ஸ்கூல் படிக்கும் மாணவிகளுடன் இவரும் பெண் போல கெட் அப் மாற்றி அவர்களோடு சேர்ந்து போய் விடுவார்.

அவன் இவன் :

விஷாலும் ஆர்யாவும் இத்திரைப்படத்தின் ஹீரோக்கள். இதில் விஷாலின் அறிமுகக் காட்சியான 'டியா டியா டோலு' என்னும் பாடலில் பெண் வேடம் அணிந்து செம ஆட்டம் போடுவார்.

ஆணழகன் : 

இப்படத்தில் ப்ரசாந்த் லேடி கெட் அப்பில் வருவார். அப்போது வந்த திரைப்படங்களில் அப்படி ஒரு மேக் அப்பை யாரும் கண்டதில்லை. அழகானப் பெண் தோற்றத்தில் பார்ப்பவர்களை மயக்கும் வண்ணம் படத்தில் அட்டகாசமாக நடித்திருப்பார். அருமையான பரதமும் உண்டு.

ரெமோ :

 

தமிழ் சினிமாவின் லேட்டஸ்ட் லேடி கெட்டப் இவருடையதுதான். மீசை பியூட்டி மொழு மொழு பேபியாக வந்தபோது ஆச்சரியப்பட்டுத்தான் போனார்கள் ரசிகர்கள்.

- தார்மிக் லீ  

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close