Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஆஹான் முதல் குருநாதாஆஆ வரை - வைரல் வார்த்தைகள்!

அந்த டயலாக்கை உண்மையில் சொன்னவர்கள்கூட அத்தனை முறை சொல்லியிருக்க மாட்டார்கள். அப்படி நாம் பேச்சுவழக்கில் அடிக்கடி யூஸ் பண்ணும் சில டயலாக்ஸ் ஜிஃப் இதோ!

டயலாக்

ஆஹான் :

இந்த வார்த்தையானது 'தவம்'  படத்தில் இடம்பெற்றது. அருண்விஜய், அர்பிதா நடிப்பில் வெளிவந்த திரைப்படம். இதில் வடிவெலு காமெடியெல்லாம் அல்டிமேட் ரகம். மிகவும் ஃபேமஸான டயலாக் 'ஆஹான்'. இதைச் சொன்னாலும் சொன்னார் எதைச் சொன்னாலும் இந்த கவுன்ட்டர் இல்லாமல் காமெடியானது முழுமையடையாது. ஆச்சரியமான விஷயமாக இருக்கட்டும், சீரியஸான விஷயமாக இருக்கட்டும், உங்கள் நண்பரிடம் சொன்னால் அடுத்த கவுன்ட்டரே ஆஹான் ஆகத்தான் இருக்கும். ஆஹான்!

தூக்கி அடிச்சுருவேன் பார்த்துக்க :

இதைச் சொன்னவர் நம்ம கேப்டன் விஜயகாந்த். ஒரு ப்ரஸ் மீட்டில் நிருபர் கேட்ட கேள்வியைத் தாங்க முடியாமல் கோபப்பட்டு ஒரு டி.வி சேனலைப் பார்த்து 'கம்முனு இருக்க மாட்டியா... தூக்கி அடிச்சுருவேன் பார்த்துக்க' என்றார். அவர் என்னவோ கோபமாகத்தான் சொன்னார். ஆனால் நம்ம பசங்களைப் பற்றிதான் தெரியுமே, அதையே ஃபேஸ்புக்கில் ஒரு பேஜுக்கு பேரா வெச்சுட்டாங்க. நம்ம வழக்கமா ஃப்ரெண்ட்ஸோட பேசும்போது அவனுக்குப் பிடிக்காதது எதையாவது சொல்லிட்டா போதும். அடுத்த கவுன்ட்டரே 'தூக்கி அடிச்சுருவேன் பார்த்துக்க' தான். ஆங்!

அம்மா வரட்டும்னு காத்திருக்கிறோம் :

இதை நம்ம நாஞ்சில் சம்பத் கூறினார். அதுவே அவருக்கும் வினையாக அமைந்துவிட்டது. சரி மேட்டருக்கு வருவோம் .வெளியில் நண்பர்களிடம்தான் இப்படியென்று பார்த்தால் வீட்டிலோ அதற்கு மேல் காமெடியெல்லாம் நடக்கும். 'ஏன்டா லேட் ஆச்சு இன்னும் சாப்பிடாமல் இருக்க. போய் சாப்பிடுடா'னு அப்பா சொன்னால் கொஞ்சம்கூட யோசிக்காமல் இந்த டயலாக்தான் வரும். அப்பாவோ 'தூக்கி அடிச்சுருவேன் போய் சாப்பிடு டா'னு அவரும் கவுன்ட்டர் கொடுப்பார்.

போலீஸைக் கூப்பிடுவேன் :

ஒரு டி.வி நிகழ்ச்சியில் இடம் பெற்றது இந்த டயலாக். இதற்கு அர்த்தம் 'அமைதியா இருங்க எல்லாரும் அமைதியா இருங்க போலீஸைக் கூப்பிடுவேன்' என்பதுதான். இந்த கவுன்ட்டர் எல்லாவற்றுக்கும் சூட் ஆகும். நம் நண்பனே ஏதாவது காமெடி பண்றேன்னு சொல்லி மொக்கையா பேசி சிரிச்சிட்டு இருப்பான். அப்போ சொன்னா இது 'தம்பி பேசாமல் போயிடு. இல்லைனா போலீஸைக் கூப்பிடுவேன்'. ஆக்ரோசமா சொன்ன டயலாக் இப்படி அல்டிமேட் கவுன்ட்டரா ஆகிப்போச்சே.

 

ப்ப்ப்ப்ப்பாஆஆஆ :

'நடுவுல கொஞ்சம் பக்கத்த காணோம்' படத்தில் விஜய் சேதுபதி கூறும் டயலாக். கொடூரமாக யாராவது மேக் அப் போட்டுவந்து நம் கண்ணில் சிக்கினால் போதும். வாயை அஷ்ட கோணலாய் வைத்துக்கொண்டு சொல்லும் வசனம். இது மீம் கிரியேட்டர்ஸின் ஃபேவரட் டெம்ப்லேட்டும்கூட. கொடுர மேக் அப்பில் பையனைப் பார்த்தாலும் பெண்ணைப் பார்த்தாலும் நினைவிற்கு வரும் டயலாக் இதுதான். 'ப்ப்ப்ப்பாஆஆஆஆஆஆஆஆஆஆ'

சிலிர்த்துப்போய் சில்லறையெல்லாம் விட்டு எறிந்தேன் :

'பயணம்' படத்தில் வரும் வசனம். ஒருவனை ஆஹா ஓஹோன்னு நினைச்சா அப்புறம்தான் தெரியும் அவன் ஒரு டுபாக்கூருனு. அப்போதுதான் இந்த டைலாக் டெலிவரியாகி ஃபேமஸானது. இது ஃபேஸ்புக்கிலும்கூட ஃபேமஸ் தான். நண்பன் யாராவது ப்ரொஃபைல் பிக்சரை மாற்றினால் கீழே இந்த கமென்ட்டைப் பார்க்கலாம். உன் டி.பி பார்த்து 'சிலிர்த்துப் போய் சில்லறையெல்லாம் எறிந்தேன்'.

சைத்தான் சைக்கிள்ல வருது :

'எல்லாம் அவன் செயல்' படத்தில் வடிவேலு மேடையில் பேசிக்கொண்டு இருக்கும்போது எதிர்க்கட்சியைத் தாக்கிப் பேசுவார். அப்போது முதுகில் அருவாள் ஒன்றை செருகிக்கொண்டு சைக்கிளில் வடிவேலுவை நோக்கி ஒருவர் மேடைக்கு வருவார். அப்போது சொல்லும் டயலாக்தான் இது. இப்போது ட்ரெண்டில் இருவருக்கும் இடையில் ஏதேனும் பிரச்னை வரும் டைமில் ஏதேனும் லூஸ் டாக் விட்டால் வரும் டயலாக் இதுவாகத்தான் இருக்க வேண்டும். 'ரைட்டு சைத்தான் சைக்கிள்ல வருது'. 

யாருய்யா அவரு எனக்கே அவரைப் பார்க்கணும் போல் இருக்கு :

'ரமணா' படத்தில் வரும் சிங் போலீஸ் ரொம்ப சீரியஸாக இதுவரைப் பார்க்காத மனிதனைப் பார்க்க வேண்டும் என்று ஆசைப்பட்டுச் சொல்லும் டயலாக் இது 'யாருய்யா அவரு... எனக்கே அவரைப் பார்க்கணும் போல் இருக்கு'. இப்போது உள்ள காலகட்டத்தில் சீரியஸாகச் சொல்லும் டயலாக்தான் காமெடியாகி விடுகிறது. பொதுவாக நம் நண்பனின் நண்பனைப் பற்றி நம் நண்பன் நம்மிடம் வந்து கூறுவது வழக்கம். அதுவும் மிகவும் பெருமையாகக் கூறுவான். அப்போது வரும் இந்த டயலாக் 'யாருய்யா அவரு எனக்கே அவரைப் பார்க்கணும் போல் இருக்கு'.

குருநாதாஆஆஆ :

'நேசம் புதிது' படத்தில் வரும். வடிவேலு அங்குள்ள லோக்கல் ரௌடியிடம் அடி வாங்குவார். அப்போது பொறுக்க முடியாமல் 'குருநாதாஆஆஆஆ... இதற்குமேல் தாங்க முடியாது குருநாதா' என்று சொல்லிவிட்டு ஏரியா டான் ஒருவரைக் கூட்டிக்கொண்டு அவர் பல்பு வாங்கும் காமெடி சீன். இந்த டயலாக்கானது தற்போது பயங்கர ட்ரெண்டிங். யாராவது ஒவ்வொரு கேங்கிலும் ஒருவன் பல்பு வாங்குவது வழக்கம். அப்போது சொல்லும் டயலாக்தான் இது 'குருநாதா... என்ன பாதி மூஞ்சியைக் காணோம்... என்ன உங்களுக்குப் புது இடமா இருக்கு'.

மண்டை பத்திரம் :

'முருகா' படத்தில் வரும் வடிவேலு காமெடிதான் இது. ரோட்டில் போய்க்கொண்டு இருப்பவரிடம் வம்பு இழுக்கும் காமெடி சீன். அபோது வரும் டயலாக் 'என்ன சண்டைக்கு வர்றியா? அப்படினு ரோட்டில் போய்க்கொண்டு இருப்பவர் கேட்க அதற்கு வடிவேலு 'தெரியுதுல மண்டை பத்திரம்'னு சொல்லும் டயலாக்கும் ஃபேமஸ். அதே காமெடியில் 'லேடன்கிட்ட பேசுறியா'னு கேட்கும் டயலாக்கும் ஃபேமஸ். இதை நாம் பேச்சுவழக்கில் பலமுறை பயன்படுத்தியிருப்போம்.  

-தார்மிக் லீ

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close