Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சுட்டீஸ்களுக்கு இந்த கார்ட்டூன்கள் ஏன் பிடிக்கிறது..?

இந்த உலகம் வேறு மாதிரியானது. சமோசா, மூங்கில் விமானம், எங்கேயும் போகக்கூடிய கதவு, லட்டு, டோலக்பூர் எனப் பலபல கோட் வேர்ட்ஸ்கள் உள்ளன. ஒவ்வொரு குழந்தைக்கும் ஒரு ஹீரோ பிடிக்கும். பகல் முழுக்க லீவு நாட்களில் சேனல்களை அங்கும் இங்குமாக மாற்றியபடி இருப்பார்கள். எத்தனை முறை ரீ-டெலிகாஸ்ட் செய்தாலும், அவர்கள் பார்க்கும் கார்ட்டூன்களில் ஒரு ‛டாப் - 5’ இல்லாமலா இருக்கும். இதோ லிஸ்ட்... 

கார்ட்டூன்


ஓகி மற்றும் கரப்பான்கள் 

'டாம் அண்ட் ஜெர்ரி' -  'சில்வெஸ்டர் அண்ட் ட்வீட்டி' மாதிரி மற்றொரு 'அடி புடி' வகை ‛ஸ்லாப்ஸ்டிக் அட்வென்ஞ்சர்’ நிகழ்ச்சிதான் என்றாலும் செம ஹிட்டாகி விட்டது. ஓகி என்கிற சோம்பேறி பூனை அதன் நிம்மதியைக் குலைக்கும் மூன்று கரப்பான் பூச்சிகள்தான் கதை. கார்டூன் நெட்வொர்க்கில் ஒளிபரப்பாகும் இந்தத் தொடர் டாப்- 5 இடத்தில் உள்ளது. 

மோட்டு பத்லு குங்ஃபு கிங்ஸ் 

‛நிக்’ சேனலில் ஒளிபரப்பாகும் இந்த நிகழ்ச்சி முழுக்க முழுக்க இந்திய கார்ட்டூனாக உருவாகி, மோட்டு-பத்லுவின் வெற்றியைத் தக்க வைத்துள்ளது. காலை 11.30 மணிக்கு ஒளிபரப்பினாலும் இதைப் பார்க்கும் நேயர்கள் அதிகம் என்பதால் நான்காவது இடத்தில் உள்ளது.

மோட்டு பத்லு குங்ஃபு கிங் ரிட்டர்ன்ஸ் 

இதுவும் அதே நிக் சேனலில்தான் ஒளிபரப்பாகிறது. குங்ஃபூ கிங்ஸின் போலவே திரைப்படமாகவும் வெளியாகி வெற்றிகரமாக ஓடியது இந்த கார்ட்டுன் படம். தொடராகவும் ஒளிபரப்பாகிறது. இதற்கும் குழந்தைகளிடையே நல்ல வரவேற்பு. இந்திய அளவிலான டி.ஆர்.பி ரேட்டிங்கில் பிப்ரவரி முதல் வார நிலவரத்தின் படி டாப் - 3 இடத்தில் உள்ளது. தமிழில் டப் செய்யப்பட்டிருப்பதால் அதிகளவிலான குட்டிப் பார்வையாளர்களை போய்ச் சேர்கிறது.

சோட்டா பீம் - பேட்டில் ஆப் ஹீரோஸ் 

இந்தியாவில் முழுக்க முழுக்க உருவாகிய மற்றொரு கார்ட்டூன் ஹீரோதான் இந்த சோட்டா பீம். வழக்கமாக அமெரிக்க சேனல்களில் உருவான கார்ட்டூன் கேரக்டர்கள்தான் தொடர்ந்து உலகம் முழுவதும் ஹிட் ஆகும். ஆனால் இந்திய ரசிகர்கள் மத்தியில் ஜப்பானில் உருவான கார்ட்டூன் கேரக்டர்களும், இந்தியாவிலேயே உருவான கார்ட்டூன் சூப்பர் ஹீரோக்களுமே அதிகம் விரும்பப்படுகிறார்கள். கிராமத்துப் பையனாக வரும்  சோட்டா பீம் மற்றும் அவரது சிறு நண்பர்களுமே கேரக்டர்கள். அவர்கள் தீயசக்திகளிடம் இருந்தும் தீயவர்களிடம் இருந்தும் தங்கள் கிராமத்தையும் டோலக்பூரையும் காப்பாற்றுகிறார்கள். ‛போகோ’ சேனலில் ஒளிபரப்பாகும் இந்த ‛சோட்டா பீம்’ தொடரின் திரைப்படமான 'பேட்டில் ஆப் ஹீரோஸ்' சக்கைப்போடு போடுவதால் இந்திய அளவில் டி.ஆர்.பி ரேட்டிங்கில் இரண்டாவது இடத்தில் உள்ளது.  

டோரேமான் மற்றும் நோபிட்டா 

'ஷிஷுகா மினாமோட்டோ'... 'ஜியான்'... 'சுனேவொ ஹோனே ஹவா'... இதெல்லாம் என்னவென்றுதானே நாம் யோசிப்போம். சின்னக் குழந்தைகளிடம் கேளுங்கள். உடனே பதில் வரும். ஒவ்வொன்றும் 'டோரேமான்' கார்ட்டூனில் வரும் கேரக்டர்களின் பெயர்கள். நோபிட்டா ஒரு மக்கு சிறுவன், அழுமூஞ்சி. அவனை நிறையப் பேர் வம்பில் மாட்டிவிடுவதும், சீண்டுவதுமாக இருக்கின்றனர். நோபிட்டாவின் வம்சாவளியினர் ‛டோரேமான்’ என்கிற ரோபட் பூனையை அனுப்புகின்றனர். அதனுடன் சேர்ந்துகொண்டு இருவரும் அடிக்கும் கொட்டம்தான் இந்த டோரேமான் கார்ட்டூன் சீரிஸ். 'ஹங்காமா' சேனலில் ஒளிபரப்பாகும் இந்த கார்ட்டூன் மூவி சீரிஸ்தான் டி.ஆர்.பி-யில் டாப் -1 இடத்தில் உள்ளது.

- வரவனை செந்தில்

Advertisement
Advertisement
Advertisement
Advertisement
Advertisement

MUST READ

Advertisement

எடிட்டர் சாய்ஸ்

[X] Close