உங்கள் குழந்தையின் உயரமும், எடையும் சரியாகத்தான் இருக்கிறதா? ''என்னோட பையனுக்கு ஐ.பி.எஸ். ஆகணும்கறது கனவு. வயசு, எடை எல்லாமே சரியா இருந்துச்சு. ஆனா, போலீஸ் வேலைக்கு 165 செ.மீ. உயரம் வேணும். அவனோட உயரம் 160 செ.மீ. இந்த ஒரு காரணத்தினாலேயே அவனால போலீஸ் ஆக முடியலை. உயரம் மட்டும் சரியா இருந்திருந்தா என் மகனும் இந்நேரம் காக்கி சட்டை போட்டிருப்பான். எல்லா விஷயங்கள்லேயும் கவனமா இருந்து பார்த்துக்கிட்ட நான் அவனோட உயரத்துல மட்டும் அக்கறை எடுத்துக்காமப் போயிட்டேன்'' - பக்கத்து வீட்டு அம்மாவிடம் லட்சுமி அம்மாள் பகிர்ந்துகொண்ட வருத்தம் இது.  பக்கத்து வீட்டுப் பெண்ணோ, ''சின்ன வயசுல என்னோட பையன் பப்ளிமாஸ் மாதிரி அழகா இருப்பான். கொழு கொழுனு குழந்தை அழகா இருக்கானேனு அப்படியே விட்டுட்டேன். இப்போ 10 வயசுக்கும் மேல ஆகுது. இன்னும் உடல் பருமனோடதான் இருக்கானே தவிரக் கொஞ்சமும் இளைக்கவே இல்லை. அதனால, குள்ளமா வேற தெரியறான்''. . .