இந்திய சரித்திரக் களஞ்சியம் ( 8 தொகுதிகள்) ப.சிவனடி, பதிப்பு: அ.வெண்ணிலா, அகநி வெளியீடு, 3, பாடசாலைவீதி, அம்மையப்பட்டு, வந்தவாசி_ 604408, விலை: 5,000  நடமாடிய பல்கலைக்கழகமாக உண்மையில் இருந்தவர் ப.சிவனடி. எந்தப் பல்கலைக்கழகமும் செய்யத் தவறி​யதை, தனிமனிதனாக செய்து காட்டியவர். கப்பற்படைக்கு வேலைக்குப் போய்... அங்கே இருந்து பாதியில் வந்து... தமிழ்த் தென்றல், இலக்கியம், பகுத்தறிவு, தனிஅரசு ஆகிய பத்திரிகைகளில் வேலை பார்த்ததன் மூல​மாக வரலாற்று ஆர்வம் வந்து... அதனையே தொகுக்க ஆரம்பித்து... பல்லாயிரம் பக்கங்​களுக்குத் தொகுத்துக் கொடுத்தவை அனைத்தையும் மொத்தமாய் திருப்பிப் பார்க்கும்​போது, ஒரு வரலாறே உட்கார்ந்து எழுதிய வரலாறாக இருக்கிறது. சிவனடிக்கு மலைப்புத் தருகின்ற வரலாற்றாசிரியர் 'வரலாறுகள்’ என்ற புத்தகத்தை எழுதிய ஹீரோ​டாட்டஸ். இந்தத் தொகுதியைப் பார்க்கும்போது சிவனடியே தமிழகத்தின் ஹீரோடாட்டஸாகத் தெரிகிறார். 1700-ம் ஆண்டு முதல் 1840-ம் ஆண்டு வரைக்குமான 140 ஆண்டு காலத்தை ஆண்டு வரிசைப்படி எழுதி இருக்கிறார் சிவனடி. அவர் வாழ்ந்த காலத்தில். . .