தவம் ரத்த ஓட்டம் காதலி கடவுள்   நமக்கு எந்த பைக் பிடிக்குமோ, அந்த பைக்கை கையில் கொடுத்து, 'இந்தியா¬வ ஒரு ரவுண்டு வாருங்கள். செலவையெல்லாம் நாங்கள் பார்த்துக்கொள்கிறோம்’ என்று யாராவது சொன்னால்...? கேஸ்ட்ரால் பவர் ஒன் நிறுவனம் கொடுத்த உற்சாகத்தில், எஃப்ஸி-1, நின்ஜா 250, ஹோண்டா சி.பி.ஆர் 250, சுஸ¨கி பேண்டிட் 1250, கேடிஎம் 200 என்று ஐந்து சூப்பர் பைக்குகளில், புது டெல்லியில் புறப்பட்டு, அரைவட்டம் அடித்து சென்னை வந்திருந்தது சூப்பர் பைக்கர்ஸ் குழு. அவர்களை சென்னை மெரினா பீச்சில் சந்தித்தேன்.  இந்தக் குழுவில் போட்டோகிராபர், ஐடி இன்ஜினீயர், ஆட்டோமொபைல் துறையைச் சார்ந்த ஊடகத் துறையினர் எனக் கலவையாக இருந்தனர். குழுவின் தலைவரான சுனில் குப்தா, ''மார்ச் 11-ம் தேதி புதுடெல்லியில் பயணத்தைத் தொடங்கிய நாங்கள் ஜெய்ப்பூர், அஹமதாபாத், மும்பை, புனே, கோவா, பெங்களூரூ, கேரளா வழியாக கன்னியாகுமரியைத் தொட்டோம். அங்கிருந்து நேராக உங்கள் சிங்காரச் சென்னைக்கு வந்துள்ளோம்.. . .