வங்கி மாறப் போறீங்களா? உஷார்..! வீட்டுக் கடனுக்கான வட்டி விகிதம் அதிரடியாக குறைப்பு என்கிற செய்திகள் தினப் பத்திரிகைகளில் வெளியாக, ஏற்கெனவே வீட்டுக் கடன் வாங்கியவர்கள் வங்கி மாறலாமா என தீவிரமாக யோசித்து வருகிறார்கள். வங்கிக் கடன் வாங்கியவர்கள் இப்போதைக்கு வங்கி மாறாமல் இருப்பதே நல்லது என்கிறார்கள் விஷயம் தெரிந்தவர்கள். ஏன் அப்படி சொல்கிறார்கள்? வங்கிகளுக்கான எஸ்.எல்.ஆர். விகிதத்தை சமீபத்தில் ரிசர்வ் வங்கி ஒரு சதவிகிதம் குறைத்தது. எஸ்.எல்.ஆர். என்பது அரசு ஆவணங்களில் வங்கிகள் சட்டப்படி முதலீடு செய்ய வேண்டிய விகிதம் ஆகும். இந்த குறைப்பின் மூலம் இந்திய வங்கிகளுக்கு 62,217 கோடி ரூபாய் கிடைத்திருக்கிறது. நாட்டின் மிகப் பெரிய வங்கியான எஸ்.பி.ஐ.க்கு மட்டும் 10,000 கோடி ரூபாய் கிடைத்துள்ளது. இந்த பணத்தை கடன் வழங்கும் விதமாக வட்டியைக் குறைத்துள்ளது. புதிய வாடிக்கையாளர்களுக்கான வீட்டுக் கடன் வட்டியில் 0.6% குறைத்துள்ளது எஸ்.பி.ஐ. வங்கி. வீட்டுக் கடனுக்கான மாறுபடும் (ஃப்ளோட்டிங்) வட்டி விகிதம். . .