கரன்சி டிரேடிங்! குளித்து முடித்து டைனிங் டேபிளுக்கு வந்தால் விதவிதமாக சாப்பாட்டு வகை. இருக்கும் மூன்று பேருக்கு கிட்டத்தட்ட 12 விதமான டிஷ்கள். சாமி எல்லாவற்றிலிருந்தும் கொஞ்சம் கொஞ்சமாக பிளேட்டில் எடுத்துப் போட்டு நிதானமாகச் சாப்பிட்டபடி பேச ஆரம்பித்தார். ''வட்டி விகித மாறுதல் களுக்கு ஏற்ப பணம் ஒரு நாட்டிலேயிருந்து மற்றொரு நாட்டை நோக்கிப் பாயுறதால, வட்டி விகிதத்தை மாத்தினா கரன்சியோட மதிப்பும் மாறும்ங்கிறதை நீ நல்ல புரிஞ்சிக்கணும்'' என்றவரிடம், ''சாமி, ஃபுல் கன்வர்ட்டபிலிட்டின்னா என்னன்னு சொல்றேன் னீங்க!'' என்று ஞாபகப்படுத்தினான் செல். ''சிம்பிளா உங்களுக்குப் புரியற மாதிரிச் சொல்றேன். ஆனா, அதுதான் முழுசுன்னு நினைச்சுக்கப்படாது. ஏன்னா, இதுல நிறைய சட்டதிட்டம் இருக்கு. உதாரணமா, நீ ஒரு எக்ஸ்போர்ட் பிஸினஸ்மேன்னு வச்சுக்குவோம். அமெரிக்கா வுக்கு ஏற்றுமதி பண்றே. அமெரிக்காவுல இருந்து உன் சரக்கை வாங்குறவன் டாலர்ல பணம் கொடுப்பான். அதை நீ ரூபாயா மாத்திக்கலாம். நீ உன்கிட்ட சாமான் வாங்குறவனை பார்த்து. . .