நீங்களும் அனலிஸ்ட்தான்! டெக்னிக்கல் அனாலிசிஸை அதிகம் விரும்புகிறவர்கள் கட்டாயம் தெரிந்துகொள்ள வேண்டிய ஒரு முக்கிய டெக்னிக்கைத்தான் இந்த வாரம் பார்க்கப் போகிறோம். இந்த வாரம் நாம் பார்க்கப் போவது 'பிபோனாசி ஸ்டெடிஸ்’ என்றழைக்கப்படும் டெக்னிக். இந்த டெக்னிக்கை சொல்லாவிட்டால் இந்தத் தொடர் முழுமையடையாது. 'பிபோனாசி (Fibonacci) ஸ்டெடிஸ்’ என்பது இத்தாலியைச் சார்ந்த லியர்னாடோ பிபோனாசி என்ற கணித மேதையின் கண்டுபிடிப்பான பிபோனாசி நம்பர்கள் என்ற கருத்தினை மையமாக கொண்டு செயல் படுவது. பிபோனாசி நம்பர்கள் எனப்படுவது ஒரு தொடர் எண்களை குறிப்பது. இந்தத் தொடர் எண்கள் பின்வருகிற மாதிரி இருக்கும். அதாவது, 1, 1, 2, 3, 5, 8, 13, 21, 34, 55, 89, 144, 233 என வளரும். இந்த எண் வரிசையில் என்ன புதுமை என்று உங்களுக்குத் தெரிகிறதா? சற்று உற்றுப் பாருங்கள். முதல் இரண்டு எண்களின் கூட்டல்தான் மூன்றாவது எண் (1 1 =2), இரண்டு. . .