உங்களுக்காக ஒரு ஷேர் போர்ட்ஃபோலியோ! கடந்த வாரம் மூன்று பங்குகளையும் அதற்கான பரிந்துரை விலையையும் சொல்லி இருந்தேன். மூன்று பங்குகளுமே நான் வாங்கச் சொன்ன விலைக்கு வந்தது. அனைத்து முதலீட்டாளர்களும் அந்த பங்கினை வாங்கி இருப்பார்கள் என்று நினைக்கிறேன். மூன்று பங்குகளை வாங்கி இருந்தாலும், எந்த பங்கும் இலக்கு விலையை அடைந்து வெளியேறவில்லை. சில பங்குகள் இலக்கு விலையை நோக்கி வேகமாகச் சென்றாலும் சந்தையின் சூழ்நிலைகள் சரியில்லாததால் வெளியேற முடியவில்லை. இப்போதைய நிலையில் நமது போர்ட்ஃபோலியோவில் 19 பங்குகள் இருக்கிறது. நமது விதிகளின்படி, இன்னும் ஒரு பங்கினை நாம் வாங்க முடியும். கர்நாடகா பேங்க், மஹிந்திரா ஹாலிடே ரெசார்ட் உள்ளிட்ட சில பங்குகள் இந்த வாரம் வெளியே செல்லும் சூழ்நிலையில் இருந்தாலும், இந்த வாரத்தில் புதிதாக எந்த முதலீடும் செய்ய வேண்டாம். வரும் வாரத்தில் ஏதாவது ஒரு பங்கு வெளியேறிய பிறகு புதிய முதலீடுகளைப் பற்றி யோசிப்போம். சந்தை எப்படி இருக்கும்?. . .