Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பரமக்குடி கொலை வழக்கில் போலீஸ் பக்ருதீன் கூட்டாளி கைது!

பரமக்குடி: பரமக்குடியில் கடந்த மாதம் நடந்த பி.ஜே.பி. முன்னாள் கவுன்சிலர் கொலை வழக்கில் மதுரையை சேர்ந்த கூலிப்படையினர் உட்பட 4 பேர் இன்று கைது செய்யப்பட்ட‌னர்.

பரமக்குடியில் கடந்த மாதம் 19 ஆம் தேதி பி.ஜே.பியை சேர்ந்த முன்னாள் நகர்மன்ற உறுப்பினர் முருகன் வெடிகுண்டு வீசி கொல்லப்பட்டார். பரமக்குடி பெருமாள் கோயில் பகுதியில் பட்டபகலில் நடந்த கொலை முயற்சியில் முருகன் மீது வீசப்பட்ட பைப் வெடிகுண்டுகள் 2 வெடிக்காமல் போயின. இதனால் முருகனை கொளையாளிகள் அரிவாள், பட்டாக் கத்தியால் வெட்டி கொலை செய்துவிட்டு தப்பியோடினர். 

இந்தக் கொடூரக் கொலை பரமக்குடியில் பதற்றமான சூழலை உருவாக்கி இருந்த நிலையில், ராமநாதபுரம் எஸ்.பி. மயில்வாகனன் உத்தரவில் ஏ.எஸ்.பி. விக்ரமன் தலைமையில் தனிப்படை அமைக்கப்பட்டு கொலையாளிகளை தேடிவந்தனர்.

##~~##
தனிப்படையினர் நடத்திய விசாரணையில், சொத்து விற்பனை தொடர்பான மோதலில் முருகன் கொலை செய்யப்பட்டிருப்பதை கண்டுபிடித்தனர். இதைத் தொடர்ந்து பரமக்குடியை சேர்ந்த ராஜாமுகம்மது என்பவரை கைது செய்த போலீஸார், அவரிடம் நடத்திய விசாரணையைத் தொடர்ந்து, கொலையில் ஈடுபட்ட மதுரையை சேர்ந்த கூலிப்படையினர் ரபீக்ராஜா, சாகுல் ஹமீது மற்றும் மனோகரன் உள்ளிட்ட மூவரையும் கைது செய்தனர்.

இதில் ரபீக்ராஜா, பல்வேறு வெடிகுண்டு வழக்குகளில் போலீஸாரால் தேடப்படும் தீவிரவாதியும், இமாம் அலி கூட்டாளியுமான‌ போலீஸ் பக்ருதீனின் நெருங்கிய தோஸ்த் என்பது குறிப்பிடத்தக்கது.

-இரா.மோகன்
படங்கள்: உ.பாண்டி

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close