Advertisement
தனி தமிழ்நாடு கேட்டு ம.தி.மு.க. வழக்கு: மத்திய, மாநில அரசுக்கு நோட்டீஸ்!

மதுரை: தனி தமிழ்நாடு அமைக்க உத்தரவிடக் கோரி ம.தி.மு.க. சார்பில் தொடரப்பட்டுள்ள மனுவிற்கு பதில் அளிக்கும்படி  மத்திய, மாநில அரசுகளுக்கு நோட்டீஸ் அனுப்ப உயர் நீதிமன்ற மதுரை கிளை உத்தரவிட்டுள்ளது.

ம.தி.மு.க. மாநில செயலாளர் ஏ.பாஸ்கர சேதுபதி சார்பில் வழக்கறிஞர் பீட்டர் ரமேஷ்குமார், உயர் நீதிமன்ற மதுரை கிளையில் ஏப்ரல் 25ஆம் தேதி தாக்கல் செய்த மனுவில் கூறியிருப்பதாவது:

1947ஆம் ஆண்டு நாடு சுதந்திரம் பெற்ற பிறகு, பிரதமர் நேரு காலத்தில் இருந்து இன்று வரை தமிழகத்தின் உரிமைகள் புறக்கணிக்கப்பட்டு வருகிறது. நதிநீர் பிரச்னை, நிதி ஒதுக்கீடு, மீனவர் பிரச்னை என்று அனைத்து தரப்பிலும் வஞ்சிக்கப்பட்டுகிறது. இதனால் தமிழ்நாட்டு மக்கள் விரக்தியில் பாதுகாப்பற்ற நிலையில் இருக்கின்றனர்.

எனவே, தமிழ்நாட்டை தனி நாடாக அறிவிக்க வேண்டும். தனி அரசியல் அமைப்பு சட்டத்தை உருவாக்க வேண்டும்.
தமிழக மீனவர்கள் நாள்தோறும் இலங்கை கடற்படையினரால் கொல்லப்படுகின்றனர். தாக்குதலும் நடத்துகின்றனர். உரிய பாதுகாப்பு தரவேண்டிய மத்திய அரசு பாராமுகத்துடன் உள்ளது.

எனவே, தமிழக மக்களை காப்பாற்ற வேண்டிய உடனடி தேவை உள்ளதால் கப்பல் படை தேவைப்படுகிறது. எனவே, தமிழ்நாட்டையும் மக்களையும் பாதுகாக்க முப்படைகளை உருவாக்க வேண்டும். தமிழ்நாட்டுக்கு தனி அரசியலமைப்பு சட்டத்தை உருவாக்க வேண்டும். காஷ்மீரைப்போல தனி அந்தஸ்து வேண்டும்.

மத்திய அரசிடம் உள்ள அவசர நிலை பிரகடன அதிகாரத்தை முற்றிலும் ரத்து செய்ய வேண்டும். சென்னை உயர் நீதிமன்றத்தை தமிழ்நாட்டின் உச்சநீதிமன்றமாகவும், மதுரை கிளை உயர் நீதிமன்றத்தை, தமிழகத்தின் உயர் நீதிமன்றமாகவும் மாற்றி அறிவிக்க வேண்டும்.

இவ்வாறு மனுவில் கூறியிருந்தார்.

இந்த மனு, நீதிபதிகள் சித்ரா வெங்கட்ராமன், விமலா ஆகியோர் முன்னிலையில் கடந்த 29ஆம் தேதி விசாரணைக்கு வந்தது. அப்போது நீதிபதிகள் கூறுகையில், ‘‘இந்த மனு தேசத்தை துண்டாடுவது போல உள்ளது. எனவே, இந்த வழக்கை நாங்கள் விசாரிக்காமல் வேறு நீதிபதிக்கு மாற்றும்படி தலைமை நீதிபதியை கேட்டுக் கொள்கிறோம். ஏப்ரல் 5ஆம் தேதி மீண்டும், இந்த வழக்கு விசாரணைக்கு எடுத்துக் கொள்ளப்படும். மத்திய அமைச்சரவை செயலாளர், தமிழக தலைமைச் செயலாளர் ஆகியோருக்கு நோட்டிஸ் அனுப்பவும் அவர்கள் பதில் மனு தாக்கல் செய்ய வேண்டும்’’ என்று உத்தரவிட்டனர்.

படங்கள்: பி.காளிமுத்து

உங்கள் கருத்துக்களை இங்கே பகிருங்கள்

Your email will not be published. Required fields are marked *

(Press Ctrl+g or click
to toggle between English and Tamil)

இந்திய அரசின் புதிய IT கொள்கையின்படி, எந்தவொரு தனிநபர், சமூகம், மதம் மற்றும் நாடு போன்றவை தொடர்பான தலைப்பிற்கு எதிராக விரும்பத்தகாத கருத்தைத் தெரிவிப்பது தண்டனைக்குரிய குற்றமாகும். இதுபோன்ற கருத்திற்குச் சட்ட நடவடிக்கை (தண்டனை அல்லது அபராதம் அல்லது இவை இரண்டும்) எடுக்கப்படும். இந்தக் குழுவிற்கு அனுப்பப்படும் எந்தவொரு கருத்திற்கும் ஆசிரியர்தான் முழுபொறுப்பாளர் ஆவார்.

வாசகர்களின் கருத்துக்கள் விகடனின் கருத்துக்கள் அல்ல. இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு விகடன் நிர்வாகம் எந்த வகையிலும் பொறுப்பேற்க இயலாது.

வாசகர்களின் கருத்துக்கள் விகடனின் கருத்துக்கள் அல்ல.

கருத்துக்கள் நெறியாளுகைக்கு உட்பட்டவை.

தனி நபர்கள் மீதான தாக்குதல், கட்டுரை மற்றும் செய்திகளுக்கு பொருத்தமில்லாத கருத்துக்கள் இணையதளத்திலிருந்து நீக்கப்படும்.

வாசகர்களின் கருத்து சுதந்திரத்துக்கு வாய்ப்பளிக்கும் இந்த பகுதியை தவறாக பயன்படுத்துவோர் மற்றும் இணையதளத்தின் விதிகளுக்கு முரணாக செயல்படுவோர் இணையதளத்தை பயன்படுத்துவதை தடுக்கும் நடவடிக்கையும் மேற்கொள்ளப்படும்.

நல்ல முறையில் ஆரோக்யமான வகையில் கருத்து சுதந்திரத்தை பகிர்ந்துகொள்ள வேண்டுகிறோம்.

தவறான கருத்துக்களை கண்டால் துஷ்பிரயோகம் தெரிவி (REPORT ABUSE) என்ற பட்டனை அழுத்தவும்.

Comment(s): 6
Profile

V.P.SREEDHAR 7 Months ago

IF INDIA NOT CONSIDER TAMILS WHY SHOULD WE CONSIDER INDIA WE SEPERATE FROM INDIA NOT ONLY BECAUSE OF SRI LANKA ... TAMILS NEVER THINK SEPERATE FROM INDIA BUT WE ARE FORCED BEING BAD INDIA POLICIES

 
Profile

மாப்ளே 2 Years ago

அப்படி போடு அருவாளா... இப்பயாவது இந்தியா பேச்சு வார்த்தைக்கு வருதானு பார்போம். வல்லரசு நாடுகளிலேயே அந்த அந்த மாநிலத்து மக்களின் பாதுகாப்பு மற்றும் கலாச்சாரத்தை உறுதிப்படுத்தும் வகையில் சிறப்பு அதிகாரங்கள் கொடுக்கப்பட்டு வரி மற்றும் வளங்களை சரியான அளவில் பங்கிடுகிறார்கள். தேசிய ஒற்றுமைக்கு இது அவசியம். ஆனால் இந்தியாவில் மக்களை மாநிலங்களை பிரித்தாளும் கொள்கை மூலம் அரசமைக்க முற்படும் அரசியல்வாதிகள் தான் நாட்டின் ஒற்றுமைக்கு இடையுறு ஏற்படுத்துகிறார்கள். இப்படியே போய்கிட்டு இருந்தால் மாநிலங்கள் பிய்த்துக்கொண்டு போய்விட வாய்ப்பு உள்ளது. அவசர நிலை பிரகடனம் போன்ற அதிகாரங்கள் மூலம் தற்காலிகமாக பிரச்சனைய பசை போட்டு ஓட்டினாலும் நீண்ட காலத்துக்கு பசை நிற்காது. எத்தனை நாட்களுக்குத்தான் மக்கள் பயந்து கொண்டே வாழ்க்கைய நடுத்துவாங்க?. பயந்து கொண்டே மீன் புடிப்பாங்க? காந்தியடிகள் பொங்கி எழுந்து சுதந்திரம் அடைந்தது போல் மக்களும் ஒரு நாள் பொங்கி எழுந்து தங்களை சுதந்திரப்படுத்தி கொள்வார்கள்.

 
Profile

Ashokan 2 Years ago

வாழ்த்துக்கள் மதிமுக உங்களோடு நானும் இருக்கிறேன் என்பதில் பெருமைப் படுகிறேன்

 
Profile

shanmugam 2 Years ago

நாள் கடந்த நல்ல நடவடிக்கை நாங்கள் இருக்கிறோம் உங்களோடு

 
Profile

செல்வத்தமிழன் 2 Years ago

வாழ்த்துக்கள் மதிமுக உங்களோடு நானும் இருக்கிறேன் என்பதில் பெருமைப் படுகிறேன்.

 
Profile

Ramesh 2 Years ago

என்ன செய்வது? கேரளாவுக்கு ஒரு நீதி நமக்கு ஒரு நீதி

 
Advertisement

வாக்களிக்கலாம் வாங்க...

உலகக் கோப்பை அரையிறுதியில் இந்திய அணி தோல்விக்கு முக்கிய காரணம்...


placeholder
vikatan-library