Vikatan.com

www.vikatan.com would like to send you push notifications.

Notifications can be turned off anytime from browser settings.

அறிந்தும் அறியாத யுவன் ஷங்கரின் க்ளாஸிக்ஸ்! #Yuvanism #U1BDay #HBDYuvan

இன்றைய யூத்களின் ஐகானாய் விளங்கும் ஸ்டைலிஷ்  இசையமைப்பாளர் யுவன்ஷங்கர்ராஜா. அரவிந்தனில் ஆரம்பித்து தொடர்கிறது அவரின் யுவனிசம். பல முன்னணி இசையமைப்பாளர்களுடன் இவரின் ட்ராவல் இருந்திருக்கிறது.  எல்லா இசையமைப்பாளர்களுக்கும் நேர்வதுபோல் மிகவும் அர்ப்பணிப்புடன் பண்ணப்பட்ட யுவனின் சில படங்களின் இசை சரிவர கவனிக்கப்படாமலே போனது இசை ரசிகனின் துரதிருஷ்டம்தான். அந்த வகையில்... 

'வேலை' என்றொரு படம். 'காலத்துக்கேற்ற ஒரு கானா' என்று அப்போதே தனது வெஸ்டர்ன் கலந்த ஃபோக்கில் நாசர் குரலில் பாட வைத்திருப்பார். ஐந்தே பாடல்கள் என்றாலும் ஐந்தும் வெவ்வேறு வெரைட்டி காட்டியவை. விக்னேஷ் ஹீரோவாய் நடித்த இந்தப் படம் யுவனின் ஆரம்பகால ஹிட் ஆல்பத்தில் ஒன்று. படம் கவனிக்கப்படாமல் போனதில் பாடல்களும் பலரின் காதுகளைச் சென்றடையவில்லை. நாசரின் கணீர் குரலில் உதித்த பாடல் கீழே...

 

 

 

'புன்னகைப்பூவே ' . நந்தா, காவேரி நடித்த இந்தப் படம் ஒரு மியூஸிக்கல் ட்ரீட். இந்த ஆல்பத்தில் கிட்டத்தட்ட 10 பாடல்கள். வெஸ்டர்ன், ஃபோக், மெலடி என்று எதற்கும் குறைவில்லாத விருந்து படைத்திருந்தார் யுவன். படம் நன்றாக இருந்தாலும் ஸ்டார் கேஸ்டிங் இல்லாதது , போதுமான விளம்பரம் இல்லாதது என்ற குறையினால் பாடல்கள் பெரிதாய் ரீச் ஆகவில்லை. 

 

 

 

'பாப்கார்ன்'. நாசர் இயக்கத்தில் வந்த மூன்றாவது படம். மோகன்லால், சிம்ரன் போன்ற பெரிய நடிகப் பட்டாளம் இருந்தும் படம் ஓடவில்லை. அதனாலேயே பல எக்ஸ்பரிமென்ட்டுகளை அள்ளித் தெளித்திருந்த யுவன் பாடல்கள் தேவையான செவிகளுக்கு சென்றடையவில்லை.

 

 

 

'அவன் இவன்'. பாலாவின் இயக்கம். ஆர்யா, விஷால் கூட்டணி. நான் கடவுளுக்குப் பிறகு வந்த படம் என்பதால் கூடுதல் எதிர்பார்ப்பு. ஆல்பம் ரீதியாக எந்தக் குறையும் வைக்கவில்லை யுவன். 'ஒரு மலையோரம்' என்ற டூயட் முழுவதும் தொடரும் மென்சோகம் எப்பவும் விலகாது அமைந்தது. விஷாலின் அறிமுகப்பாடலில் வெறும் 'டீயாடீயாடோலே' என்ற வார்த்தை மட்டும் வைத்து அதகளம் பண்ணியிருப்பார். கடுமையாக உழைத்தும் படம் தந்த ஏமாற்றம்  யுவனின் இசையைக் கவனிக்கப்படாமல் போகவும் அமைந்தது.

 

 

 

'சத்தம் போடாதே'. இயக்குநர் வசந்த் ப்ளஸ் யுவன் கூட்டணியில் வந்த 'பூவெல்லாம் கேட்டுப்பார்'  படம் சுமாராய்ப் போனாலும் பாடல் ஆல்பம் யுவனுக்கு தனிப்பெயரை வாங்கித்தந்தது. ஹீரோயின் அறிமுகப்பாடல், டூயட், பேத்தாஸ் சாங், பிட் சாங்ஸ் என்று சகல ஏரியாவிலும் தான் ராஜா மகன் என்பதை நிரூபித்தார்  யுவன். ஆனால் அதே கூட்டணியில் வெளிவந்த 'சத்தம் போடாதே' வணிக ரீதியான தோவியடைந்தாலும் படத்தில் இடம்பெற்ற நேஹா பாடிய ' பேசுகிறேன் பேசுகிறேன்' பலரின் ரிங்டோன். காலர் டியூன் எனப் பரவியது. 'அழகுக்குட்டிச்செல்லம்', அட்னன் சமி ப்ளஸ் யுவன் காம்பினேஷனில் வந்த ' ஓ இந்த காதல் வந்து என்னைக் கொல்லுகின்றதே' என்ற இசை இன்பம் ஆடியோவில் மட்டுமே நிரம்பி வழிந்தது.

 

 


-கணேசகுமாரன்

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ