Vikatan.com

www.vikatan.com would like to send you push notifications.

Notifications can be turned off anytime from browser settings.

துப்புற மணி #TheSpitSong - video

பேருந்து நிலையம் பொது இடங்கள் என எங்கே பார்த்தாலும் எந்த கவலையும் இன்றி எச்சில் துப்புபவர்களை பார்த்திருப்போம்.  நம்மில் பலருக்கு அந்த பழக்கம் உண்டு. அந்த மனிதர்களை கிண்டலடித்து அவர்களை நோக்கி சாட்டையை சுழற்றி இருக்கிறார் நடிகர் மதன் பாபுவின் மகன் அர்ச்சித். அவர் இயக்கியுள்ள ’துப்புறமணி’ வீடியோ இப்போது இணையத்தில் வைரல்.

அவரிடம் பேசினோம்.  

" இப்போ எல்லோருமே சிங்கிள்ஸ் பண்றதுனா லவ் பிரேக் அப்,  காதல் , அது சார்ந்த பிரச்சனைகளை மையமா வைச்சு தான் பண்றாங்க. அதையும் மீறி ஒண்ணு ரெண்டு வீடியோக்கள் தான் பொதுமக்களோட  பிரச்னைகள் சார்ந்தும் விழிப்புணர்வு கொடுக்குற மாதிரியும் வருது. வழக்கமா நாம எல்லோருமே பிடிச்ச விஷயங்கள் மேல தான் ரொம்ப கவனம் செலுத்தி ஆர்வத்தோட செய்வோம் ஆனா எனக்கு பிடிக்காத விஷயமா செய்யணும்னு நினைச்சேன். அப்படி  ஒரு சிங்கிள்ஸ் வீடியோ பண்ணனும்னு யோசிச்சப்போ முதல்ல தோணினது துப்புறமணி கான்செப்ட் தான். அதுக்கான பாடலை எழுதும் போதே மியூசிக்கான வேலைகளையும் ஆரம்பிச்சுட்டேன். இப்படி ஒரு விஷயம் பண்ண போறேன்னு சொன்னதுமே எவ்வளவோ நல்ல கான்செப்ட்ஸ் இருக்கே... அதை விட்டுட்டு எச்சில் துப்புறதை பத்தி பண்ணா யார் பாப்பாங்கனு தான் நிறைய பேர் சொன்னாங்க. ஆனா ஒரு வழியா பண்ணி முடிச்சு மக்களோட பார்வைக்கு வந்தப்புறம் நிறைய பேர்கிட்ட இருந்து நல்ல ரிவியூஸ் வந்துட்டு இருக்கு. வீடியோ முழுக்க முடிக்கிற வரைக்கும் அப்பாக்கு சர்ப்ரைஸா இருக்கட்டும்னு நினைச்சு முடிச்சிட்டு தான் காண்பிச்சேன். ரொம்ப நல்லா வந்திருக்குனு சந்தோஷப்பட்டார். இதுல என்னோட வேலை பார்த்த நண்பர்களுக்கும் முக்கிய பங்கு இருக்கு. அவங்களோட சப்போர்ட் இல்லன்னா  வீடியோ இவ்ளோ வெற்றிகரமா வந்திருக்காது.

இப்போ அடுத்ததா குடிச்சுட்டு வண்டி ஒட்டுறவங்கள பத்தின வீடியோவுக்கு வேலை செஞ்சுட்டு இருக்கோம். மத்திய அரசோடு இணைந்து இதோட  இந்தி வெர்ஷன் பண்ற வேலைகள்லயும் இறங்கியிருக்கோம்" என விவரிக்கும் அர்ச்சித். தொழில்முறைப் பாடகரும் கூட.

 அடுத்த முறை பொது இடங்கள்ல எச்சில் துப்புறதுக்கு முன்னாடி அப்படி செய்றது சரியானு கொஞ்சம் யோசிப்போம் பாஸ்...! 

 
வீடியோ லிங்க் :

 

 

 

 

- க. பாலாஜி

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ