Vikatan.com

www.vikatan.com would like to send you push notifications.

Notifications can be turned off anytime from browser settings.

இயக்குநர் சேரனின் படத்தை நாவலாக்கும் தமிழாசிரியர். ஏன்?

தமிழ்நாட்டை சேர்ந்த ஒரு தமிழாசிரியரின் கவிதை கேரள அரசின் பாடத்திட்டத்தில் இடம்பெற்றிருக்கிறது. அவர் இயக்கிய குறும்படம் ஒன்று தேசிய  திரைப்பட மேம்பாட்டு அமைப்பு சார்பில் மும்பையில் நடைபெற்ற போட்டியிலும் பங்கு பெற்றுள்ளது. உதகை அரசு கலைக்கல்லூரியில் உதவி தமிழ் பேராசிரியர் மணிவண்ணன் அவர்களை சந்தித்தோம்

'புனிதா' குறும்படம் பற்றி...

தூய்மை பாரதம் என்ற நோக்கத்திற்காக உருவாக்கப்பட்ட இந்த திரைப்படத்தில் புனிதா என்ற மாணவி நடித்திருக்கிறார், ஒரே நாளில் உருவாக்கப்பட்ட இந்த திரைப்படத்தில் பள்ளி ஆசிரியர் ஒருவரால் சுற்றுப்புற தூய்மை குறித்து விழிப்புணர்வடையும் ஒரு சிறுமி அதை செல்லும் இடங்களிலும் பின்பற்றுகிறார் அவரை பார்த்து மற்றவர்களும் விழிப்புணர்வடையும் வகையில் இந்த குறும்படம் உருவாக்கப்பட்டிருக்கிறது.

ஒரே நாளில் இயக்கப்பட்ட இந்த திரைப்படத்தில் பணிபுரிந்த அனைவரும் இளம் கலைஞர்கள் என்பது குறிப்பிடத்தக்கது.

குறும்படத்திற்கு எந்த அளவிற்கு வரவேற்பு இருந்தது...

தேசிய திரைப்பட அமைப்பு மூலம் கடந்த மாதம் 2 ஆம் தேதி மும்பையில் நடைபெற்ற விழாவில் திரையிடப்படுவதற்காக  தேர்ந்தெடுக்கப்பட்டது,மேலும் நீலகிரி மாவட்ட ஆட்சியர் அவர்களும் முதன்மை கல்வி அலுவலரும் இந்த குறும்படத்தை அனைத்து பள்ளிகளிலும் திரையிடுவதற்கு பெரும் உதவி புரிந்தனர். நீலகிரி மாவட்டத்தில் பல பள்ளிகளில் படம் திரையிடப்பட்டுள்ளது. இந்தப் குறும்படத்தை பார்த்து குழந்தைகளிடையே  சுற்றுப்புறத்தை சுத்தமாக வைத்துக்கொள்ள ஒரு விதை மனதில் விதைக்கப்படுகிறது.

கேரள அரசின் பாடத்திட்டத்தில் உங்கள் கவிதை எப்படி இடம்பெற்றது..

அமைதி யுத்தம் என்ற பெயரில் நான் எழுதிய கவிதை தொகுப்பிலிருந்து ஒரு கவிதை கேரள அரசால் தேர்ந்தெடுக்கப்பட்டு பாலக்காடு மாவட்டத்தில் தமிழ் வழி பாடத்திட்டத்தில் 8 ஆம் வகுப்பு மாணவர்கள் பயிலும் புத்தகத்தில் இடம்பெற்றுள்ளது.
 

நீங்கள் எழுதிய வேறு புத்தகங்கள்..

முதன் முதலில் ஒரு பரிசோதனை முயற்சியாக பராசக்தி படத்தை கவிதை நடையில் எழுதினேன், அதற்கு அனுமதி தருமாறு கருணாநிதி அவர்களுக்கு ஒரு கடிதம் எழுதினேன் அவர் என்னுடைய முயற்சியை பாராட்டியதோடு மட்டுமில்லாமல் அதற்கு அணிந்துரையும் எழுதினார். பல புத்தகங்களை மொழிபெயர்த்திருக்கிறேன் பல  புத்தகங்களையும் எழுதியிருக்கிறேன் ஆனால் அதை வெளியிடுவதில் ஏற்பட்ட கசப்பான அனுபவங்கள் காரணமாக சொந்தமாக தகிதா பதிப்பகம் என்ற பதிப்பகத்தை தொடங்கி என்னுடைய நூல்கள் மட்டுமில்லாமல் மற்ற எழுத்தாளர்களின் புத்தகங்களையும் வெளியிடுகிறேன்.

இயக்குனர் சேரன் அவர்கள் என்னுடைய எழுத்தை வாசித்துவிட்டு என்னை சந்திப்பதற்கு அழைத்தார், மேலும் அவருடைய  தவமாய் தவமிருந்து திரைப்படத்தை நாவலாக எழுதி கொண்டிருக்கிறேன். அவ்வளவு அழகான உணர்வுகளை கொண்ட படம் அது. மிக விரைவில்  வெளி வரும் ,பல நாவல்கள் திரைப்படங்களாக வெளிவந்தாலும் ஒரு திரைப்படம் நாவலாக மாறுவது இதுதான் புதியது.

சங்க இலக்கியங்களை குறும்படமாக்கும் உங்களது முயற்சி பற்றி...?

சங்க கால பாடல்களில் தமிழர்களின் அனைத்து வாழ்வியல் முறைகளும் கூறப்பட்டுள்ளது அதை தற்கால சந்ததியினருக்கு விளக்கும் வகையில்ல அவற்றை குறும்படங்களாக மாற்றும் முயற்சியில் இருக்கிறேன். இதனால் சங்க கால இலக்கியங்களை பல தரப்பட்ட மக்களிடையே எளிதாக கொன்டு சேர்க்க முடியும் இது ஆக்கப்பூர்வமான முயற்சிகளுக்கு தமிழக அரசு ஆதரவு அளிக்க வேண்டும்.

-மு.ராஜேஷ்
மாணவப் பத்திரிகையாளர்

எடிட்டர் சாய்ஸ்