Vikatan.com

www.vikatan.com would like to send you push notifications.

Notifications can be turned off anytime from browser settings.

மதுபான விற்பனை: வருவாயைவிட நோயாளிகளுக்கு அதிகம் செலவிடும் அரசு!

துவிலக்குக்கு ஆதரவாக தமிழகம் உட்பட பல்வேறு மாநிலங்களில் வலுவாக குரல் எழுப்பப்பட்டு வரும் நிலையில், குறைந்தபட்சம் அதன் விற்பனையையாவது மட்டுப்படுத்த வேண்டும் என்ற கோரிக்கைகள் முன்வைக்கப்படுகின்றன. ஆனாலும் மத்திய, மாநில அரசுகள், மது விற்பனை மூலம் அரசாங்கத்தின் கஜானாவிற்கு கிடைக்கும் வருவாயை கருத்தில் கொண்டு மதுவிலக்கை கொண்டு வர ஆர்வம் இல்லாமலேயே இருக்கின்றன.

இந்நிலையில் பிரதமர் மோடி தலைமையிலான தற்போதைய தேசிய ஜனநாயக கூட்டணி அரசை ஆட்டுவிக்கும் ஆர்எஸ்எஸ், இப்பிரச்னையை கையில் எடுத்து, நாடு முழுவதும் மது விற்பனையை கட்டுப்படுத்துவதற்கான நடவடிக்கைகளை மேற்கொள்ளுமாறு மத்திய அரசை வலியுறுத்தி உள்ளதாக தகவல் வெளியாகி உள்ளது.

மகாராஷ்ட்ரா உள்ளிட்ட சில மாநிலங்களில் கொண்டுவரப்பட்ட மாட்டிறைச்சி மீதான தடை, வெற்றிகரமாக அமலானதாக கருதும் ஆர்.எஸ்.எஸ், இதே பாணியில் மதுவிற்பனையை கட்டுப்படுத்துவதையும் செயல்படுத்தலாம் என மோடி அரசுக்கு அழுத்தம் கொடுத்து உள்ளதாகவும், இதனைத் தொடர்ந்து நாட்டின் மது விற்பனையை கட்டுப்படுத்துவதற்கான செயல் திட்டம் ஒன்றை மத்திய அரசு தயாரித்து உள்ளதாகவும் கூறப்படுகிறது.

மதுபானங்கள் மீதான விற்பனை வரியை மிகக்கடுமையாக உயர்த்துவது, மதுவுக்கு எதிரான பிரசாரத்தை மிகத் தீவிரமாக மேற்கொள்ளுமாறு பெண்களை கேட்டுக்கொள்வது மற்றும் அவர்களையே இப்பிரச்சாரத்திற்கான பணிகளில் களமிறக்குவது என்பதுபோன்ற மதுவிற்பனையின் கழுத்தை நெரிக்கும் விதமான கிடுக்குப்பிடி நடவடிக்கைகளை மேற்கொண்டு, நாட்டில் மது நுகர்வின் அளவை குறைப்பது போன்ற யுக்திகள் அந்த திட்டத்தில் இடம்பெற்றுள்ளதாக மத்திய அரசு வட்டாரங்கள் தெரிவிக்கின்றன.

இது ஒருபுறம் இருக்க மத்திய அரசின் பல்வேறு துறைகளே, 'மதுபான விற்பனையை குறைக்க'  வலியுறுத்தி வருகின்றன. குறிப்பாக மத்திய சுகாதாரத் துறை அமைச்சகம், இதனை மிக வலுவாக வலியுறுத்தி வருகிறது. மது அருந்துவதால் பல்வேறு உடல் நல பிரச்னைகள் வருவதாகவும், இத்தகைய நோயாளிகளுக்காக அரசாங்க மருத்துவமனைகள் மூலம் செலவிடும் தொகை, ஒவ்வொரு மதுபான புட்டியிலிருந்து அரசாங்க கஜானாவுக்கு கிடைக்கும் வருவாயைப்போல நான்கு மடங்குக்கும் அதிகமாக உள்ளது என்றும், அதாவது ஒரு மதுபான புட்டி விற்பனை மூலம் அரசாங்க கஜானாவுக்கு ஒரு ரூபாய் வருவாய் கிடைத்தால், சுகாதாரத்துறைக்கு 4 ரூபாய்க்கும் அதிகமான இழப்பு ஏற்படுகிறது என்றும் கூறியுள்ளது.

மத்திய சமூக நலத்துறை அமைச்சகமோ,  தனது பங்கிற்கு பிரதமர் அலுவலகத்திற்கு எழுதியுள்ள கடிதத்தில், வீட்டு வன்முறைகள், தற்கொலைகள் போன்ற சமூக பிரச்னைகளுக்கு மது முக்கிய பங்கு வகிக்கிறது என்றும், இது நாளுக்கு நாள் அதிகரித்து வருவதாகவும், இது மிகவும் கவலைக்குரிய விஷயம் என்றும் கூறியுள்ளதோடு, மதுபான விற்பனையை கட்டுப்படுத்துவது மிகவும் முக்கியமானது என்றும் வலியுறுத்தி உள்ளது.

இந்த இரு அமைச்சகங்களுடன் இணைந்து பப்ளிக் பவுண்டேசன் ஆப் இந்தியா மற்றும் உலக சுகாதார நிறுவனம் ஆகிய இரு அமைப்புகளும் சேர்ந்து மதுபான நுகர்வுக்கு எதிரான பிரசாரத்தை மிகத் தீவிரமாக மேற்கொண்டு வருகின்றன.

இந்நிலையில் மேற்கூறிய வலியுறுத்தல்களை தொடர்ந்து, மதுபான விற்பனையை கட்டுப்படுத்தும் கருத்தை பிரதமர் அலுவலக அதிகாரிகளும் ஏற்றுக்கொண்டுள்ளதோடு, மதுபானத்தை பொது வரியின் கீழ் கொண்டுவந்து, அதனை கண்காணிக்கும் அதிகாரம் மத்திய அரசிடம் இருக்க வேண்டும் என்றும், மதுபானங்களின் விலையை மாநில அரசுகள் தீர்மானிக்கும் கொள்கைகளை அனுமதிக்கக்கூடாது என்றும், இவ்வாறு செய்வதன் மூலம் ஒரு மாநிலத்திலிருந்து மற்றொரு மாநிலத்திற்கு மதுபானம் கடத்தப்படுவது குறையும் என்றும் யோசனை தெரிவித்துள்ளனர்.

இதற்கு ஒரு நல்ல உதாரணம் மகாராஷ்ட்ரா. இங்கு மதுவிற்பனையை கட்டுப்படுத்துவதற்காக மதுபானங்கள் மீதான வரியை மிக அதிகமாக விதித்துள்ளது அம்மாநில அரசு. அதே சமயம் மகாராஷ்ட்ரா அருகில் உள்ள கோவா மற்றும் டாமன் அண்ட் டையூ போன்ற அண்டை பகுதிகளில் மதுபானங்கள் குறைந்த விலையில் தாராளமாக கிடைப்பதாலும், தளர்வான கொள்கைகள் இருப்பதாலும் அங்கிருந்து மகாராஷ்ட்ராவுக்கு மதுபானங்கள் கடத்தி வரப்படுகின்றன.  எனவே அனைத்து மாநிலங்களிலும் மது மீது ஒரே சீரான வரி விதிக்கப்பட்டால், குறைந்தபட்சம் இத்தகைய கடத்தல்கள் கட்டுப்படுத்தப்பட்டு மதுவிற்பனையும் குறையும் என்கின்றனர் பிரதமர் அலுவலக அதிகாரிகள்.

இந்நிலையில் நாட்டில் மது விற்பனையை மட்டுப்படுத்த வேண்டும் என கடந்த ஆண்டே மோடி அரசுக்கு தெரியப்படுத்திவிட்டதாக ஆர்.எஸ்.எஸ். மூத்த தலைவர் ஒருவர் தெரிவித்துள்ளார். யாரிடம் இந்த கருத்து வலியுறுத்தப்பட்டது என்பதை தெரிவிக்க மறுத்துவிட்ட அவர், " நாடு முழுவதும் ஒட்டுமொத்தமாக  மதுவிலக்கு கொண்டு வரவேண்டும் என நாங்கள் வலியுறுத்தவில்லை. அதே சமயம் சாமான்ய மக்களால் எளிதில் வாங்க முடியாத அளவுக்கு மதுபானத்தின் விலையை கடுமையாக அதிகரிக்க வேண்டும் என்றுதான் வற்புறுத்துகிறோம். இது மிக மெதுவான பலனளிக்கக் கூடிய நடவடிக்கைதான் என்றபோதிலும், அது நாட்டு மக்களின் நலனை நோக்கி அரசை செயல்பட வைக்கக்கூடியது என நாங்கள் நம்புகிறோம்" எனக் கூறுகிறார்.

ராமர் கோவில், பள்ளிகளில் சமஸ்கிருத திணிப்பு என இந்துத்வா அமைப்புகளின் தாளத்திற்கு ஏற்ப மோடி அரசு ஆடுவதாக குற்றம் சாட்டப்பட்ட நிலையில், ஆர்.எஸ்.எஸ். தரப்பில் இருந்து தெரிவிக்கப்பட்டுள்ள தற்போதைய உருப்படியான யோசனையை செயல்படுத்த மோடி அரசு முன்வந்தால், அது நிச்சயம் முந்தைய விவகாரங்களைப்போல சர்ச்சையை ஏற்படுத்தாது; மக்களின் ஏகோபித்த வரவேற்பை பெறும்.
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ