Vikatan.com

www.vikatan.com would like to send you push notifications.

Notifications can be turned off anytime from browser settings.

அரசு கல்லூரிகளின் தரம் ஆரம்ப பள்ளிகளில் ஏன் இல்லை?

ல்வி இன்று வியாபாரமாகி விட்டது. அரசு நடத்த வேண்டிய கல்வி நிறுவனங்கள் தனியார் கையில் இருக்கிறது. தனியார் பள்ளிக்கும், அரசு பள்ளிக்கும் இடையே உள்ள கல்வித்தர வேறுபாட்டினால்தான், தனியார் பள்ளியை நோக்கி பெற்றோர்கள் படையெடுக்கின்றனர். இதற்காகவே சமச்சீர் கல்வி முறையை அரசு அறிமுகப்படுத்தியது.
 

அரசு பள்ளிகளின் தரத்தை உயர்த்த பல்வேறு முயற்சிகள் முன்னெடுத்து வைக்கப்படுகின்றன. ஆனால் அவைகளில் பெரும்பாலானவைகள் திட்ட வடிவிலேயே இருந்துவிடுகின்றன. ஆங்கில வழிக்கல்வி அரசு பள்ளிகளில் அறிமுகப்படுத்தப்பட்டன. ஆனால், அதற்கான ஆங்கிலப்புலமை சில ஆசிரியர்களிடம் இல்லை. இதனால் ஆங்கிலவழிக்கல்வி முறைக்கு வரவேற்பு, அரசு பள்ளிகளில் இல்லை. அரசு தரப்பில் ஆசிரியர்களுக்கு பயிற்சி எதுவும் பெரியளவில் வழங்கப்படவில்லை.

அரசு பள்ளிகளில் ஒவ்வொரு ஆண்டும் மாணவர்களின் எண்ணிக்கை குறைந்து கொண்டே செல்கிறது. ஆனால் தனியார் பள்ளிகளில், அதிலும் மாநில அளவில் ரேங்க் பிடித்த தனியார் பள்ளிகளில் மாணவர்கள் சேர்க்கைக்கு இடம் கிடைக்காமல் பெற்றோர் திண்டாடுகின்றனர். அத்தகைய பள்ளி வாசலில் அட்மிஷனுக்காக தவம் கிடக்கிறார்கள். அரசு பள்ளிகளை விட குறிப்பிடும் வகையில் எந்தவித வசதிகளும் பெரும்பாலான தனியார் பள்ளிகளில் இல்லை. இடவசதி இல்லாமல் குறுகிய இடங்களிலேயே தனியார் பள்ளிகள் செயல்படுகின்றன.

மேலும், தகுதியான ஆசிரியர்கள் பணியமர்த்தப்படுவதில்லை. இருப்பினும் தனியார் பள்ளிகளின் நிர்வாகத்திறனால் ஒவ்வொரு கல்வியாண்டிலும் மாநில அளவில் ரேங்க் பிடித்து சாதனை படைத்து விடுகிறார்கள் மாணவர்கள். ஒருமுறை மாநில ரேங்க் கிடைத்தால்போதும், அதை விளம்பரப்படுத்தியே கட்டணத்தை அதிகப்படுத்திவிடுகிறார்கள்.
 

சென்னையில் உள்ள பிரபலமான தனியார் பள்ளியில், எல்கேஜி சேர்க்கைக்கு லட்சக்கணக்கில் கட்டணம் வசூலிக்கப்படுகிறது. அதையும் செலுத்த வசதியான பெற்றோர்கள் தயார் நிலையில் இருக்கிறார்கள். நடுத்தர வர்கத்தினர்கள் மட்டுமே கட்டண அதிகரிப்பால் பாதிக்கப்படுகிறார்கள். வறுமை கோட்டின் கீழ் வாழ்பவர்களுக்காக காத்திருக்கிறது அரசு மாநகராட்சி பள்ளிகள். இவ்வாறு ஒவ்வொருவரின் வசதிக்கு ஏற்ப கல்வி நிறுவனங்கள் உள்ளன. இவைகள் மாற்றப்பட வேண்டும்.

மாணவர்கள் மத்தியில் ஏற்றத்தாழ்வு ஏற்படக்கூடாது என்பதற்காகவே ஒரே விதமான சீருடை பின்பற்றப்படுகிறது. ஆனால் சீருடையில் ஒற்றுமையை காட்டிவிட்டு, கட்டணத்தில் வித்தியாசத்தை ஏற்படுத்துவதில் எந்தவிதத்தில் நியாயம்? என்ற கேள்வி ஒவ்வொரு பெற்றோரின் மனதிலும் உள்ளது.

ஆரம்பக்கல்வியை தனியாரிடம் கற்க விரும்புபவர்கள், உயர்கல்வியாக கருதப்படும் மருத்துவம், பொறியியல், வேளாண்மை உள்ளிட்டவைகளை மட்டும் ஏன் அரசிடம் கற்க விரும்புகிறார்கள். ஏனெனில் அரசு மருத்துவக்கல்லூரி, பொறியியல், வேளாண்மை கல்லூரிகளில் படித்தால் மட்டுமே சமூக அந்தஸ்து கிடைக்கிறது. அதோடு அத்தனை வசதிகளும் அங்கேயே கிடைக்கிறது என்று மாணவர்கள் கருதுகின்றனர்.

இன்றைய கல்வி ஆண்டில் கூட மருத்துவ கலந்தாய்வில் முதல் ரேங்க் பட்டியலில் இடம் பெற்ற மாணவர்கள் சென்னை அரசு மருத்துவக்கல்லூரியையே தேர்வு செய்தனர். இதுபோல பொறியியல் கலந்தாய்விலும் அரசு பொறியியல் கல்லூரிகளையே மாணவர்கள் தேர்ந்தெடுப்பதுண்டு. இவர்களின் ஆரம்பக்கல்வியை ஆராய்ந்தால் தனியார் பள்ளிகளிலேயே பிளஸ் 2 வரை பயின்று இருப்பார்கள். இந்த நிலையை மாற்ற அரசும், அதிகாரிகளும், ஆசிரியர்களும் முன்வர வேண்டும்.

தேர்வு முடிவின்போது தனியார் பள்ளிகளில் பயின்ற மாணவர்கள் முதலிடத்தைப் பிடித்து முன்னிலையில் இருக்கும்போது, அரசு பள்ளியில் பயின்ற மாணவர்களும் சில நேரங்களில் தங்களின் திறமையை நிரூபித்து இருப்பார்கள்.

எனவே உயர்கல்வியில் சிறந்து விளங்கும் அரசு கல்லூரிகளைப் போல, ஆரம்ப கல்வியிலும் அரசு பள்ளிகள் சிறந்து விளங்க வேண்டும் என்று கல்வியாளர்கள் எதிர்பார்க்கிறார்கள்.

-எஸ்.மகேஷ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ