Vikatan.com

www.vikatan.com would like to send you push notifications.

Notifications can be turned off anytime from browser settings.

சென்னையின் No. 1 அவலம்: தேவை 50 ஆயிரம்.... இருப்பதோ வெறும் ஆயிரம்! #WhereisMyToilet

சென்னை மாநகராட்சியின் மூலமாக கடந்த நான்கரை ஆண்டுகளில் 348 கழிவறைகளே கட்டப்பட்டுள்ளன என்று வேதனைப்படுகிறார் ‘தேவை’ இயக்கத்தின் ஒருங்கிணைப்பாளர் இளங்கோ. சென்னை மாநகராட்சி இவருக்கு வழங்கிய விருதை இன்று (16-ம் தேதி) திருப்பி அளித்தார்.

சென்னை, வியாசர்பாடி பகுதியில் செயல்பட்டு வருகிறது 'தேவை' இயக்கம். சென்னை மாநகர மக்களின் கழிப்பிடம், குடியிருப்பு வசதி உள்ளிட்ட அடிப்படை தேவைகளுக்காக இந்த அமைப்பு போராடி வருகிறது. குறிப்பாக தலித் மக்கள் அதிகம் வசிக்கும் வடசென்னைப் பகுதிகளில் அதிக கவனம் செலுத்தி வருகிறது.

விருதை திருப்பி அளித்தது குறித்தும், கடந்த நான்கரை ஆண்டுகளில் சென்னை மாநகராட்சியின் செயல்பாடுகள் குறித்தும் பேசிய இளங்கோ, "சென்னையின் மக்கள் தொகை சுமார் 1 கோடி. இவ்வளவு மக்களுக்கு 50 ஆயிரம் கழிவறைகள் தேவைப்படுகின்றன. ஆனால், கடந்த நான்கரை ஆண்டுகளில் 348 கழிவறைகளே சென்னை மாநகராட்சி மூலம் கட்டப்பட்டுள்ளன. மும்பையின் மக்கள் தொகை 1 கோடியே 35 லட்சம். அங்கு 80 ஆயிரம் பொதுக் கழிவறைகள் இருக்கிறது. ஆனால், இங்கு இந்த 348 கழிவறைகளையும் சேர்த்து சுமார் ஆயிரம் கழிவறைகளே உள்ளன. இருப்பதையும் இடித்து தள்ளி வருகிறார்கள்.

வியாசர்பாடி, டாக்டர் அம்பேத்கர் சாலையில் இருந்த கழிவறை, தனியார் கட்டுமானத்தின் வாசலில் இருப்பதாக கூறி அகற்றப்பட்டுள்ளது. இதேபோன்று பட்டாளம் மணிகூண்டுக்கு பக்கத்தில் இருந்த 60 ஆண்டுகள் பழமையான செல்வபதி செட்டியார் பூங்கா,  தனியார் கட்டுமானத்துக்காக இடித்து தள்ளப்பட்டிருக்கிறது. இதுகுறித்து சென்னை மாநகர மேயருக்கும், ஆணையருக்கும் மனுக்கள் அளித்தும் நடவடிக்கை இல்லை. பல இடங்களில் கட்டப்பட்ட கழிவறைகளும் பராமரிப்பின்றி இருக்கின்றன. இதுகுறித்து 10க்கும் மேற்பட்ட புகார் மனுக்கள் அளித்தும் நடவடிக்கை இல்லை. இதனால் சென்னை மாநகராட்சி மீது தார்மீக கோபம் எங்களுக்குண்டு.

இப்படி இருக்கும்போது, சென்னை மாநகராட்சியின் மூலம் எங்கள் சேவையை பாராட்டி கேடயமும், நற்சான்றிதழும் எங்கள் அமைப்புக்கு அளிக்கப்பட்டுள்ளது. இதை கடந்த திங்கட்கிழமை கொண்டு வந்து கொடுத்திருக்கிறார்கள். இந்த விருதுக்கு நாங்கள் விண்ணப்பிக்கவும் இல்லை. இதோடு, தேர்தல் விதிமுறை அமலில் இருக்கும்போது, முதல்வரின் படம் போட்ட கேடயத்தை கொண்டு வந்து கொடுத்துவிட்டு போயிருக்கிறார்கள். சென்னை மக்களின் நியாயமான தேவைக்களுக்காக பாடுபடாத இந்த மாநகராட்சி  கொடுக்கும் விருது எங்களுக்கு வேண்டாம். இதை திருப்பி அளிக்கிறேன்" என்றார்.

விருதை திருப்பி அளிக்க ரிப்பன் பில்டிங்கில் உள்ள மாநகராட்சி ஆணையர் அலுவலகத்துக்கு சென்றார் இளங்கோ. அங்கு பார்ப்பதற்கு நேரம் கேட்டும் தரப்படவில்லை.

இதையடுத்து மாநகராட்சி ஊழியர்கள்,  ‘எங்களிடம் கொடுங்கள்; நாங்கள் கொடுத்துவிடுகிறோம்’ என்றனர். ஆனால், தர மறுத்துவிட்டார். ‘நீங்கள் வாங்கவில்லை என்றால், தேர்தல் ஆணையத்திடம் கொடுத்துவிடுகிறேன்’ என்றார்.

இதையடுத்து மாநகராட்சி ஆணையர் அலுவலகத்தின் வாசலில் கேடயம் மற்றும் நற்சான்றிதழை வைத்துவிட்டு சென்றார் இளங்கோ.

-த.ஜெயகுமார்

படங்கள்: ப. சரவணக்குமார்

 #WhereisMyToilet

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ