Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

2011-ஐ விட அதிக தமிழர்கள் 2016-ல் வாக்களித்திருக்கிறார்கள்! - வாக்குசதவிகித பின்னணி

'தேர்தல் ஆணையம் செய்த செலவுகள் எல்லாம் விழலுக்கு இறைத்த நீராகிவிட்டது. மக்கள் இந்த தேர்தல் அரசியல், அரசியல் கட்சிகள் மீது நம்பிக்கை இழந்துவிட்டார்கள். வாக்கு சதவீதம் 78.02 (2011) சதவீதத்திலிருந்து 73.76 சதவீதமாக வருந்ததக்க அளவில் குறைந்துவிட்டது' என்று குரல்கள் ஒலிக்க துவங்கி உள்ள இத்தருணத்தில், 'இல்லையில்லை... உண்மையில் அறிவியல் பூர்வமாக ஆராய்வோமானால் வாக்கு சதவீதம் உயர்ந்துதான் இருக்கிறது' என்கிறது அந்த ஒற்றைக் குரல். அதற்கு அவர்கள் முன் வைக்கும் கணக்கும் அனைவரும் ஏற்றுக்கொள்ளும்படிதான் இருக்கிறது.

வாக்களித்தவர்களின் எண்ணிக்கை உயர்ந்துள்ளது:

அறப்போர் இயக்கம், தொடர்ந்து தமிழக அரசியலை, அரசியல்வாதிகளை கண்காணித்து, அவர்கள் செய்யும் தவறுகளை வெளியிடும் ஒரு அமைப்பு. அண்மையில் கூட அந்த அமைப்பு, நட்சத்திர வேட்பாளர்கள் தேர்தல் ஆணையத்திடம் கொடுத்த சொத்துக் கணக்கை ஆராய்ந்து,  அதில் உள்ள தகிடுதத்தங்களை வெளிப்படுத்தியது. அந்த அமைப்பு, வாக்காளர்களின் சதவீதத்தை ஆராய்ந்து இந்த தேர்தலில் உண்மையாக வாக்களித்தவர்களின் எண்ணிக்கை உயர்ந்துள்ளது என்று கூறுகிறது.

முன் வைக்கப்படும் ஆதாரங்கள்

2011 ம் ஆண்டு வாக்களித்தவர்களின் சதவீதம் 73.9. எண்ணிக்கையில் சொல்லவேண்டுமென்றால், 3.67 கோடி வாக்காளர்கள். அப்போது தமிழகத்தில் வாக்காளர்கள் பட்டியலில் இருந்த மொத்த வாக்காளர்களின் எண்ணிக்கை 4.72 கோடி. அதாவது 4.72 கோடி வாக்காளர்களில், 3.67 கோடி பேர் வாக்களித்து உள்ளார்கள்.

தமிழகத்தின் மக்கள் தொகை ஐந்து ஆண்டுக்கு 9 சதவீதம் என்ற அளவில் உயர்கிறது. இந்த ஐந்து ஆண்டு காலகட்டத்தில், அதே அளவு சதவீதம் மக்கள் 18 வயதை பூர்த்தி செய்து வக்காளர் பட்டியலில் இடம் பிடித்து இருப்பார்கள். அப்படியானால், 5.15 கோடி மக்கள் வாக்காளர் பட்டியலில் இருக்க வேண்டும். ஆனால், தேர்தல் ஆணையம் கிராம அளவில் வேலை செய்ததால், 5.79 கோடி மக்கள் வாக்காளர் பட்டியலில் இடம்பிடித்து உள்ளார்கள். அதில் 4.27 கோடி மக்கள் வாக்களித்து உள்ளார்கள். அதாவது, 26 லட்சம் புதிய வாக்காளர்கள் இந்த தேர்தலில் வாக்களித்து உள்ளார்கள். இது உண்மையில் வளர்ச்சிதான்.

இன்னும் எளிமையாக, புரிந்து கொள்ளும்படி கூற வேண்டுமென்றால், ஒரு கிராமத்தில் 100 பேர் வாக்களிக்கும் வயதுடையவர்கள் இருக்கிறார்கள் என்றால், சென்ற முறை அதில் விடுபட்டவர்கள் அதிகம். 80 பேர் மட்டுமே பட்டியலில் இடம்பிடித்து இருந்தார்கள். அதில் 60 பேர் மட்டுமே வாக்களித்தார்கள். அதாவது 75 சதவீதம். ஆனால், இம்முறை 100 க்கு 95 சதவீதம்பேர் வாக்காளர் பட்டியலில் இடம்பிடித்து விட்டார்கள். அதில் 70 பேர் வாக்களித்து விட்டார்கள்.  அதாவது 73 சதவீதம்.

சென்ற முறை வாக்காளர் பட்டியலில் இல்லாதவர்களின் எண்ணிக்கை அதிகம். ஆனால், இம்முறை வாக்காளர் பட்டியலில் தகுதியான பெரும்பாலானவர்கள் இடம்பிடித்துவிட்டார்கள். அதில், கணிசமானோர் வாக்களித்தும் விட்டார்கள் என்பது அறப்போர் இயக்கம் முன்வைக்கும் வாதம்.

தேர்தல் ஆணையத்தின் தோல்வி:


இது குறித்து அறப்போர் இயக்கத்தின் ஒருங்கிணைப்பாளர் ஜெயராம் வெங்கடேசனிடம் பேசிய போது, “வாக்காளர்கள் பட்டியலில் அதிக எண்ணிக்கையில் பேர் சேர்ப்பதில் தேர்தல் ஆணையம் வெற்றி பெற்று இருந்தாலும், அதில் இடம் பெற்று இருந்த அதிகம் பேரை வாக்களிக்க வைப்பதில் தவறிவிட்டது என்பதையும் குறிப்பிட வேண்டும்.” என்கிறார்.

அவருடன் உரையாடியதிலிருந்து....

என்னதான் வாக்காளர் பட்டியலில் அதிக எண்ணிக்கையில் பெயர் சேர்த்து இருந்தாலும், அதே எண்ணிக்கை வாக்கு சதவீதத்தில் பிரதிபலிக்கவில்லைதானே...?

ஆம். நாங்கள் நிறுவ வருவதும் அதுதான்.  சென்ற முறை அதிக தகுதியான வாக்காளர்களின் பெயர், வாக்காளர் பட்டியலில் விடுபட்டு இருந்தது. ஆனால், இந்த முறை தேர்தல் ஆணையம் உழைத்ததன் பயனாக அதிகம்பேர் வாக்காளர் பட்டியலில் இடம் பிடித்துவிட்டார்கள். அதில் கணிசமானோர் வாக்கும் அளித்துள்ளார்கள்.

சென்னையில் குறைவான வாக்கு சதவீதத்திற்கு என்ன காரணம்...?

படித்தவர்கள், வெற்றி பெறக் கூடிய மாற்று சக்திகளை தேடுகிறார்கள். அப்படி யாரும் இல்லாதபோது வாக்களிக்க தவறிவிடுகிறார்கள். சென்னை வாக்கு சதவீதத்தையே ஆராய்ந்தீர்கள் என்றால், அதிகம் படிக்காத மக்கள் வசிக்கும் பகுதி என்று குறிப்பிடப்படும் வடசென்னையில் 63 சதவீத மக்கள் வாக்களித்து இருக்கிறார்கள். ஆனால், படித்த மக்கள் வசிக்கும் தென் சென்னையில் 57 சதவீதம்தான்.



ஆனால், வெற்றி பெறக் கூடிய மாற்று சக்தியை தேடுவதே முரண்தானே... இவர்கள் வாக்களித்தால்தானே மாற்று சக்திகள் வெற்றி பெற முடியும்...?

ஆம். ஆனால் படித்த மக்கள் அப்படிதான் இருக்கிறார்கள். குறைந்தபட்சம் நம்பிக்கை அளிக்கும் சுயேட்சைகளுக்காவது வாக்களித்து இருக்க வேண்டும். ஆனால், அதையும் இவர்கள் செய்யவில்லை.

ஆம். யார் மீதும் நம்பிக்கை இல்லையென்றால் நோட்டாவிற்காவது வாக்களித்து இருக்கலாம்தானே...?

உண்மைதான். ஆனால், நோட்டாவை வலிமைப்படுத்த வேண்டும். ஒரு குறிப்பிட்ட சதவீத வாக்கு நோட்டாவிற்கு விழுந்தால்,  அந்தப் பகுதி தேர்தலை ரத்து செய்ய வேண்டும் என்று நோட்டாவை ஆதரிப்பவர்கள் எதிர்பார்க்கிறார்கள். அது நியாயமானதும் கூட.  ஆனால், நோட்டாவிற்கு அதிக அளவில் வாக்களித்தால்தான் இந்த கோரிக்கையை நாம் முன் வைக்க முடியும். எதுவும் செய்யாமல் நோட்டாவை வலிமைப்படுத்த வேண்டும் என்று மட்டும் நாம் கோருவது  எப்படி நியாயமாகும்

நாம் மாற்றத்தை விரும்புகிறோம் என்றால், ஜனநாயகத்தில் இருக்கின்ற எல்லா வழிகளையும் பயன்படுத்தி தான், நாம் விரும்பும் மாற்றத்தை கொண்டு வர முடியுமே அன்றி, வெறும் வெற்று கோஷங்களால் அல்ல  என்றார்.

ஆம் தானே...!

- மு. நியாஸ் அகமது
 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close