Vikatan.com

www.vikatan.com would like to send you push notifications.

Notifications can be turned off anytime from browser settings.

தி.மு.கவின் 1 ராஜ்ய சபா சீட்டை குறைக்க பாஜக செக் வைக்கிறதா..?

மிழக சட்டமன்றத் தேர்தலில் வாக்காளர்களுக்கு பணம் கொடுக்கப்படுவதாக பரவலாக குற்றச்சாட்டுகள் எழுந்தன. அதன் எதிரொலியாக தஞ்சாவூர், அரவக்குறிச்சி ஆகிய தொகுதிகளில் நடக்கவிருந்த தேர்தலை ரத்து செய்து விசாரணைக்கு உத்தரவிட்ட தேர்தல் ஆணையம், மீதமிருந்த 232 தொகுதிகளுக்கும் கடந்த 16-ம் தேதி தேர்தலை நடத்தியது.

19-ம் தேதி நடந்த வாக்கு எண்ணிக்கையின் முடிவில் அ.தி.மு.க.வுக்கு 134 இடங்களும், தி.மு.க கூட்டணிக்கு 98 இடங்களும் கிடைத்தன. இதன் மூலம்  அ.தி.மு.க.வே மீண்டும் ஆட்சியை தக்கவைத்துக் கொண்டது.

இந்நிலையில் தஞ்சை மற்றும் அரவக்குறிச்சி தொகுதிகளுக்கு உடனே தேர்தலை நடத்த வேண்டும் என்று சென்னை உயர் நீதிமன்றத்தில் பல்வேறு தரப்பில் இருந்து மனுக்கள் தாக்கல் செய்யப்பட்டன. இதனையடுத்து மே 23-ம் தேதி இந்த இரண்டு தொகுதிகளுக்கும் தேர்தலை  நடத்த இருப்பதாக  சென்னை உயர் நீதிமன்றத்தில் தேர்தல் ஆணையம் பதில் மனு தாக்கல் செய்தது.

இந்நிலையில், நேற்று (21-ம் தேதி) மீண்டும் இந்த மனு விசாரணைக்கு வந்தது. தேர்தல் ஆணையம் சார்பில் வழக்கறிஞர் நிரஞ்சன் தாக்கல் செய்த மனுவில், "அரவக்குறிச்சி, தஞ்சாவூர் ஆகிய தொகுதிகளுக்கு தேர்தல் நடத்துவதை மேலும் 3 வார காலத்துக்கு ஆணையம் தள்ளி வைத்துள்ளது.

இந்த தொகுதிகளில் நிலவும் சூழ்நிலை குறித்து தேர்தல் ஆணையம் ஆய்வு செய்து வருகிறது. அதேபோல் வேட்பாளர்களின் சூழ்நிலை குறித்தும், அவர்களது கருத்துகளை அறிந்த பின்னரும் உரிய முடிவினை தேர்தல் ஆணையம் மேற்கொள்ளும்" என்று  சொல்லியிருந்தார்.

ஆணையத்தின் இந்த பதிலை, நீதிமன்றம் பதிவு செய்து கொண்டதையடுத்து, வழக்கு விசாரணையை கோடை விடுமுறை காலத்துக்குப் பின்னர் தள்ளி வைப்பதாக நீதிபதிகள் தெரிவித்தனர்.

இதுகுறித்து, தி.மு.க தலைவர் கருணாநிதி நேற்று (20-ம் தேதி) அளித்த பேட்டியில், "அரவக்குறிச்சி, தஞ்சாவூர் ஆகிய இரண்டு தொகுதிகளிலும் தேர்தல் நடத்தக் கூடாது என பா.ஜ.க.வும், பா.ம.க.வும் தேர்தல் ஆணையத்திடமும், நீதிமன்றத்திலும் கேட்டுக் கொண்டதால், தேர்தல் தேதியை 3 வாரங்களுக்கு தள்ளி வைப்பதாக கூறியுள்ளனர். இது தி.மு.க.வுக்கு எதிராக செய்யப்படும் மாபெரும் சூழ்ச்சி" என்றார்.

தொடர்ந்து அவர் அளித்த பேட்டியில், "பா.ம.க.வும், பா.ஜ.க.வும் எத்தனை தொகுதிகளில் வெற்றி பெற்றுள்ளனர், அவர்கள் கேட்டுக் கொண்டதின் பேரில் இப்படி ஒரு முடிவை எடுப்பதாக, தேர்தல் ஆணையம் காரணம் காட்டுகிறதே, தி.மு.க.வின் கருத்தை இதில் ஏன் கேட்கவில்லை?" என்றார்.

'கருணாநிதியின் கோபத்துக்கு என்ன காரணம்? தஞ்சை அரவக்குறிச்சியில் உடனே தேர்தலை நடத்தாவிட்டால் நானே  களத்தில் இறங்கி போராடுவேன் என்று சொல்லும் அளவுக்கு இதன் பின்னணியில் இருப்பது என்ன?' என தி.மு.க ஏரியாவில் விசாரித்தேன்.

"இப்போதுள்ள சூழ்லையில் தேர்தலை நடத்தினால், ஆட்சி அமைத்த உடனேயே ஆளுங்கட்சி தன்னுடைய 'திறமை'யை இந்த இரண்டு தொகுதிகளிலும் காட்டி எடுத்த எடுப்பிலேயே மக்களிடம்  கெட்ட பெயரை வாங்க நினைக்காது.

அதேபோல் தேர்தல் அதிகாரிகளாக, யாரை அங்கே போட்டால், ஆளுங்கட்சிக்கு சாதகமான சூழ்நிலை இருக்கும் என்பதையெல்லாம் இப்படி குறைந்த நாட்களில் முடிவு செய்து காரியமாற்ற முடியாது. அதற்கு கால அவகாசம் தேவை.

மேலும் 170 தொகுதிகளில் நேரடியாக அ.தி.மு.க.வுடன் மோதிய தி.மு.க 89 தொகுதிகளைக் கைப்பற்றியது. அ.தி.மு.க 81 தொகுதிகளை மட்டுமே வென்றிருக்கிறது. இப்போது அந்த 2 தொகுதிகளுக்கும் உடனே தேர்தல் நடந்தால் அ.தி.மு.கவால் வெற்றி பெற முடியாது.

அ.தி.மு.க, காங்கிரசின் 41 தொகுதிகளில் மோதி, 33 தொகுதிகளை பிடித்துள்ளது. காங்கிரசுக்கு  கிடைத்த வெற்றி 8 தொகுதிகளில் மட்டும்தான். நேரடியாக தி.மு.க.வுடன் மோதி வெற்றிகளாய் தொடர்ந்து குவித்து வந்த கட்சி அ.தி.மு.க. ஆனால் இந்த முறை , காங்கிரசை மட்டும்தான் வெல்ல முடியும், தி.மு.க.வை வெல்ல முடியாது என்று நிலைமை மாறியுள்ளது. அதேபோன்று அ.தி.மு.க.வின் வாக்கு சதவீதமானது 40.8%. தி.மு.க பெற்றிருப்பதோ 39.8%. ஆக, தி.மு.க.வைவிட 1.1% சதவீதமே கூடுதலாய் வாக்குகள் பெற்று அ.தி.மு.க ஆட்சியைப் பிடித்திருக்கிறது.

தமிழகத்தின் 6 எண்ணிக்கையிலான ராஜ்யசபா உறுப்பினர்கள் பதவி அடுத்த மாதம் முடிவடைகிறது. அந்த இடத்துக்கு தி.மு.க சார்பில் டி.கே.எஸ்.இளங்கோவன், ஆர்.எஸ்.பாரதி ஆகியோரை தி.மு.க அறிவித்துள்ளது. இன்னும் இரண்டு எம்.எல்.ஏ.க்கள் கைவசம் இருந்தால் தகுதி அடிப்படையில் மூன்று எம்.பி.க்களாக பெறமுடியும்.

கூட்டணி தர்மப்படி, தி.மு.க கூட்டணியில் இடம் பெற்றுள்ள காங்கிரசுக்கு அந்த எம்.பி.பதவியை தி.மு.க விட்டுத் தருகிற முடிவில் இருந்ததை அறிந்து கொண்ட பா.ஜ.க.தான்,  அதற்கு 'செக்' வைக்கும் விதமாக தேர்தல் ஆணையத்திடம் மனு கொடுத்துள்ளது.

ஏதோ நியாயத்துக்காக உண்மையாகவே போராடுவது போல ஒரு மனுவைக் கொடுத்து விட்டு,  அ.தி.மு.க.வுக்கு சாதகமாக  வேலை பார்த்துள்ளது. இதற்கு பா.ம.க உள்ளிட்ட சில தமிழக கட்சிகளும், தேர்தல் ஆணையமும் துணை போயுள்ளன. இதை எந்த நோக்கத்துடன் எதிர்தரப்பு கையில் எடுத்துள்ளது என்பதை கருணாநிதி அறிந்துள்ளதால்தான் இதை கண்டித்து நானே களத்தில் இறங்குவேன் என்று எச்சரிக்கை விடுத்தார்" என்றனர்.

பரபரப்பான இந்த சூழ்நிலையில், அரவக்குறிச்சி, தஞ்சாவூர் தொகுதிகளுக்கு உடனடி தேர்தல் கோரி, தி.மு.க தரப்பில் சென்னை உயர் நீதிமன்றத்தில் இன்று மனு தாக்கல் செய்யப்பட்டது.

இதை விசாரித்த நீதிபதிகள் ''தஞ்சை மற்றும் அரவக்குறிச்சியில் தேர்தலை முன்கூட்டியே நடத்துவது குறித்த தி.மு.க. உள்ளிட்ட அனைத்து தரப்பு கோரிக்கைகளையும் 27-ம் தேதிக்குள் பரிசீலிக்குமாறு தமிழக தேர்தல் ஆணையத்துக்கு உத்தரவிட்டுள்ளனர்.

தேர்தல் ஆணையம் என்ன முடிவெடுக்கப்போகிறதோ...?

-ந.பா.சேதுராமன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ