Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இந்த வாரம் இதுதான் நிகழ்ந்தது...! #QuickRead #PhotoStory

ஆப்பிரிக்க மக்களுக்கு இணைய வசதியை அளிக்க உருவாக்கப்பட்ட ஃபேஸ்புக் நிறுவனத்தின் சேட்டிலைட், SpaceX ஏவுகணை தளத்தில் சோதனையில் இருந்தபோது வெடித்துச் சிதறியது. இதில் சேட்டிலைட் முழுவதும் சேதமடைந்தது.

 

பேட்டரியில் உள்ள குறைபாடால், சாம்சங் கேலக்ஸி நோட் 7 ஸ்மார்ட்போன் வெடிப்பதாகப் புகார்கள் எழுந்ததால், சாம்சங் நிறுவனம் கடும் அதிர்ச்சிக்குள்ளானது. இந்த நிலையில், ‘‘சாம்சங் கேலக்ஸி நோட் 7 ஸ்மார்போன் வாங்கியவர்களுக்கு புது போன் தரப்படும்’’ என அந்த நிறுவனத்தின் தலைவர் கோ டாங்-ஜின் அறிவித்துள்ளார்.

தமிழக கவர்னராக இருந்த ரோசய்யாவின் பதவிக்காலம் முடிவடைந்ததை அடுத்து, தமிழக ஆளுநர் பொறுப்பை மகாராஷ்டிரா மாநில ஆளுநர் வித்யாசாகர் ராவ் கூடுதலாகக் கவனிப்பார் என மத்திய அரசு அறிவித்தது. 

சிங்கப்பூரில் 41 பேர் ஜிகா வைரஸால் பாதிக்கப்பட்டு உள்ளனர். இதில், 13 பேர் இந்தியர்கள் என வெளியுறவுத் துறை உறுதிப்படுத்தி உள்ளது. ஜிகா வைரஸை தடுக்க சிங்கப்பூர் அரசு, தீவிர நடவடிக்கைகளை எடுத்துவருகிறது.

 

பாகிஸ்தானுக்கு எதிராக நடந்த ஒருநாள் போட்டியில், இங்கிலாந்து அணி அதிகபட்சமாக 444 ரன்கள் குவித்து உலக சாதனை படைத்தது. இதற்கு முன்பு இலங்கையின் 443 ரன்களே சாதனையாக இருந்தது.

புதிய ஓய்வூதியத் திட்டத்தை கைவிடுதல், விலைவாசி உயர்வை கட்டுப்படுத்துதல் உள்ளிட்ட 12 அம்ச கோரிக்கைகளை வலியுறுத்தி, அகில இந்திய தொழிற்சங்கங்கள்  நாடு தழுவிய அளவில் வேலை நிறுத்த போராட்டத்தில் ஈடுபட்டது.

தே.மு.தி.க-வில் இருந்து அ.தி.மு.க-வுக்கு வந்த ஆவடி தொகுதி எம்.எல்.ஏ மாஃபா பாண்டியராஜன், பள்ளிக்கல்வித் துறை அமைச்சராக நியமிக்கப்பட்டர்.

ஏழை மக்களுக்காக தன் வாழ்வையே அற்பணித்த அன்னை தெரசாவுக்கு, வாடிகன்  புனித பீட்டர் சதுக்கத்தில் நாளை புனிதர் பட்டம் வழங்கப்படவுள்ளது. இந்த விழாவில் கலந்துக்கொள்ள Missionaries of Charity தொண்டர்கள் வாடிகன் சென்றுள்ளனர்

மேற்கு வங்கத்தின் சிங்கூரில் டாட்டா கார் தொழிற்சாலைக்காக விவசாயிகள் நிலம் கையகப்படுத்தப்பட்டது செல்லாது என்றும், அந்த நிலங்களை உரிமையாளர்களிடம் ஒப்படைக்க வேண்டும் என்றும் உச்ச நீதிமன்றம் தீர்ப்பளித்தது.

 

அதிரடி நாயகன் ஜாக்கிசானுக்கு வாழ்நாள் சாதனையாளர் ஆஸ்கர் விருது அறிவிக்கப்பட்டுள்ளது. நவம்பர் மாதம் நடக்கும் விழாவில், இந்த விருதை ஜாக்கிசான் பெற்றுக்கொள்கிறார்.

 

தொகுப்பு : ஆ. நந்தக்குமார்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close