Vikatan.com

www.vikatan.com would like to send you push notifications.

Notifications can be turned off anytime from browser settings.

இதுவும்தாண்டா போலீஸ்! #கர்நாடக காருக்கு பல மைல் பாதுகாப்பு!

கேரளாவைச் சேர்ந்த ஜோயல் பிந்து என்பவர், பெங்களூரில் உள்ள தனியார் நிறுவனத்தில் பணிபுரிகிறார். ஓணம் விடுமுறை கழிந்து, நேற்று மதுரை வழியாக பெங்களூர் செல்ல பயணித்துக் கொண்டிருந்தவர் மதுரை பைபாஸில்  போலீஸால் நிறுத்தப்படுகிறார்.
அதன்பின் நடந்தவை அவரது மொழியிலேயே:


”இன்று நடந்ததை நான் என்றும் எப்போதும் மறக்க முடியாது. தமிழக காவல்துறை செய்த ஒரு செயல் அந்த அளவுக்கு என்னையும் என் குடும்பத்தாரையும் மனதைத் தொட்ட நிகழ்வாக அமைந்துவிட்டது. பொதுமக்களுக்கு  தகுந்த பாதுகாப்பு கொடுப்பதில் தமிழக காவல்துறையின் தீரமும், அர்ப்பணிப்பும், நேர்மையும் எங்களை மிகவும் நெகிழ்ச்சிக்குள்ளாக்கியது. 

ஓணம் விடுமுறை முடிந்து நான் பெங்களூர் திரும்பிக் கொண்டிருந்தேன். கொல்லத்திலிருந்து, மதுரை பைபாஸ் அருகே உள்ள டோல் கேடில் வண்டியை நிறுத்தினேன். அமைதியான ஒரு பெண் போலீஸ் கான்ஸ்டபில் கர்நாடக பதிவெண் பொருத்தப்பட்ட எனது வாகனத்தைப் பார்த்து ஓரமாக நிறுத்தச் சொன்னார். காவேரி பிரச்னையால் எங்கள் வாகனத்துக்கு ஆபத்து ஏதும் நேராமல் இருக்க போலீஸ் பாதுகாப்புடந்தான் நாங்கள் செல்ல வேண்டும் என்றும் அவர் அறிவுறுத்தினார். எனக்கு ஒன்றுமே புரியவில்லை. ஒரு சாதாரண பொதுஜனம்.. பைபாஸில்  போலீஸ் பாதுகாப்புடன் செல்வதா என்று குழம்பியபடி காத்திருந்தேன். சிறிது நேரத்தில் மேலும் இரண்டு கர்நாடகா பதிவெண் கொண்ட கார்கள் எங்களோடு சேர்ந்து கொண்டன. காலை பத்து மணிக்கு எங்கள் பயணம் ஆரம்பித்தது.

எவ்வளவு தூரம் இந்த போலீஸ் எஸ்கார்ட் எங்களுக்கு என்று தெரியாமல் இருந்தது. மதுரை பைபாஸ் எல்லை தாண்டியதும், நாங்கள் போய்க்கொள்ள வேண்டியதுதான் என்று நினைத்தேன். ஆனால்.. ம்ஹும்!  போலீஸ் வாகனங்கள் ஒவ்வொரு செக் போஸ்ட்டிலும் நின்று, கர்நாடக பதிவெண் வாகனங்களைச் சேர்த்து அனுப்பிக் கொண்டே இருந்தன. நான்கில் ஆரம்பித்த கர்நாடக பதிவெண் வாகனங்கள்,  மொத்தம் 16 வாகனங்கள் சேர்ந்து கொள்ள பயணம் தொடர்ந்து கொண்டே இருந்தது. சூரியன் மறைய ஆரம்பித்தது. காலையில் ஆரம்பித்து, தொடர்ந்து கொண்டே வந்த மதுரை போலீஸின் உற்சாகம் வடியவே இல்லை. தமிழ்நாடு எல்லையைத் தாண்டி கர்நாடக எல்லைக்குள் எங்கள் வாகனங்கள் நுழையும் வரை அவர்கள் தொடர்ந்தனர். என் வாகனத்தை நிறுத்தி ஒரு நன்றி தெரிவிக்க எண்ணினேன். ஆனால், பைலட்டாக எங்களுடன் வந்த வாகனமோ, நன்றி எதுவும் எதிர்பார்க்காமல் சடாரென யு டர்ன் அடித்து இருளில் மறைந்து விரைந்து சென்றது.

இரவு ஒன்பது மணிக்கு பெங்களூருக்குள் வந்துவிட்டோம். எங்கள் வாகனங்களை நுணுக்கமாக கண்காணித்து, கட்டுபாட்டோடு வழிநடத்தி பொதுமக்களின் பாதுகாப்பிற்காக.. - 350+ கிலோ மீட்டர்கள்.. ஓ... இது ஜோக் இல்லை. நிஜம்!

கடவுள் இவர்களைப் போன்ற வைராக்கியம் மிக்க நல்ல மனிதர்களை நமக்குத் தந்து நம் நாட்டை இன்னும் பலப்படுத்துவார் என வேண்டிக்கொள்கிறேன்”

இப்படி முடிகிறது அவரது நிலைத்தகவல். 

ஜோயலிடம் பேசினோம்.

“இதுவரை நம்பமுடியவில்லை. என் வாகனத்தில் நான், மனைவி, ஒன்றரை வயது குழந்தை, கஸின் ஆகியோர் இருந்தோம்.  எத்தனையோ டெக்னாலஜி உண்டு. சிசிடிவி, ட்ராக்கிங் சிஸ்டம் என்று எங்கள் வாகனத்தைக் கண்காணிக்க எத்தனையோ வழிகள் உண்டு. அதைக் கேட்கவும் செய்தேன். ‘ஒரு விஷயம் நடக்காமல் இருக்கத்தான் நாங்கள் முயல்கிறோம். நடந்த பின் கண்டுபிடிக்க அல்ல. ஒரு கல் விழுந்தாலும்  விளைவுகள் வேறு விதமாகலாம். உங்களை பாதுகாப்பாகக் கொண்டு செல்ல வேண்டும் என்பது எங்களுக்கு மேலிடத்து உத்தரவு’ என்றார் அந்தப் பெண் அதிகாரி. சரி.. கொஞ்ச தூரம் வருவார்கள் என்று எதிர்பார்த்தோம். ஆனால் அங்கங்கே இருக்கும் போலீஸ், எல்லா கர்நாடகா பதிவெண் வாகனங்களையும் ஒன்று சேர்த்து இப்படி ரிலே ரேஸ் போல கிட்டத்தட்ட 350 கிலோ மீட்டருக்கும் மேலாக பாதுகாப்பு அளிப்பார்கள் என்று எதிர்பார்க்கவே இல்லை” என்று நெகிழ்கிறார்.

இதுவும்தான் போலீஸ்! 

-பரிசல் கிருஷ்ணா

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ