Vikatan.com

www.vikatan.com would like to send you push notifications.

Notifications can be turned off anytime from browser settings.

அம்மா உணவகத்திற்கு உதவிய பிரதமர் மோடி !

அம்மா உணவகம்

பழைய 500 ரூபாய் மற்றும் 1,000 ரூபாய் நோட்டுகள் செல்லாது என்ற பிரதமர் மோடியின் அறிவிப்பால்,  தமிழகத்தில் சென்னை உள்ளிட்ட முக்கிய நகரங்களில் செயல்பட்டு வரும் மலிவு விலை உணவகங்களான அம்மா உணவகங்களில் கடந்த சில நாட்களில் விற்பனை பெருமளவு உயர்ந்துள்ளது.

பிரதமர் மோடி, கடந்த 8-ம் தேதி திடீரென்று தொலைக்காட்சியில் தோன்றி வெளியிட்ட அறிவிப்பால், நாடே அல்லோல கல்லோலப் பட்டுள்ளது.

ஏற்கனவே புழக்கத்தில் இருந்து வந்த 500 ரூபாய், 1000 ரூபாய் நோட்டுகள் செல்லாது என்றும், அவற்றுக்குப் பதிலாக புதிய 500 ரூபாய் மற்றும் புதிய 2,000 ரூபாய் நோட்டுகள் வழங்கப்படும் என்றும் அறிவித்ததுதான்.

மக்கள் வங்கிகளிலும், ஏ.டி.எம் மையங்களிலும் குவிந்து தங்களது அன்றாடத் தேவைகளுக்காக பணத்தை மாற்றி வருகிறார்கள். திருமணம் போன்ற சுபகாரியங்களை நவம்பர் 10-ம் தேதிக்குப் பின்னர் நடத்தியவர்களின் நிலைமை இன்றும் மோசம். தொடர்ந்து, அடுத்த மாதம் வரை திருமணம் நடத்துவோர் இரண்டரை லட்சம் ரூபாய் வரை பெற்றுக் கொள்ளலாம் என்று அறிவிக்கப்பட்டிருப்பது சற்றே ஆறுதல் அளிக்கக் கூடியது.

மக்கள் தங்கள் கையில் வைத்திருந்த அல்லது இப்போதும் வைத்துக் கொண்டுள்ள  500, 1000 ரூபாய் நோட்டுகளை எடுத்துக் கொண்டு எங்கும் செல்ல முடியாத நிலையில், அவர்கள் பட்ட சிரமம் சொல்லி மாளாது. ஹோட்டல், வணிக வளாகங்கள், துணிக்கடைகள், நகைக்கடை என எல்லா வர்த்தகமும் பெருமளவு பாதிப்புக்குள்ளானது.

இந்த சூழ்நிலையில்தான், சென்னை மாநகராட்சி மற்றும் தமிழகத்தின் முக்கிய நகரங்களில் செயல்படும் தமிழக அரசின் மலிவு விலை உணவகமான அம்மா உணவகங்களில், சத்தமில்லாமல் விற்பனை பெருமளவு அதிகரித்துள்ளது. இப்போது சொல்லுங்கள், அம்மா உணவகங்களுக்கு பிரதமர் மோடி மறைமுகமாக உதவியுள்ளார் என்பதை ஏற்றுக் கொள்கிறீர்களா?

நடுத்தர மற்றும் உயர் நடுத்தர வகுப்பினர் பெரும்பாலும் அம்மா உணவகங்களில் சாப்பிடுவதை விடவும், சற்றே விலை அதிகமான ஹோட்டல்களை நாடிச் செல்வர். ஆனால், அதுபோன்ற ஹோட்டல்களுக்குச் சென்றால் 500 ரூபாய், 1,000 ரூபாய் நோட்டுகளைத் தான் கொடுத்தாக வேண்டும். டெபிட் கார்டு, கிரெடிட் கார்டுகளைப் பெற்றுக் கொள்ளும் ஹோட்டல்கள் என்றால், பரவாயில்லை.  கார்டுகளைப் பெற்றுக் கொள்ளாத ஹோட்டல்களுக்குச் செல்வதை விடவும் அதுபோன்ற நிலையில் உள்ளோர், சென்னை போன்ற நகரங்களில் செயல்படும் குறைந்த  செலவில், சீப் அண்ட் பெஸ்ட் உணவை வழங்கக்கூடிய அம்மா உணவகங்களை நாடிச் சென்றுள்ளனர். ஒரு நபர் அதிகபட்சம் 10 ரூபாய்க்குள் சாப்பிட்டு விடலாம். 3 நபர் சென்றாலும் 500 ரூபாய் நோட்டுகளை எல்லாம் மாற்ற வேண்டிய அவசியம் அம்மா உணவகங்களில் கிடையாது என்பதால், அந்த உணவகங்களில்  கடந்த 10 நாட்களில் மிக அதிக அளவு விற்பனை நடைபெற்றுள்ளதாக ஆதாரப்பூர்வ தகவல்கள் தெரிவிக்கின்றன.

தமிழகம் முழுவதும் பொதுமக்கள் அதிகம் கூடும் இடங்களில் உள்ள சுமார்  407 அம்மா உணவகங்களில் கடந்த சில தினங்களில் மட்டும் வழக்கமான விற்பனையை விட 10 சதவீதம் அதிகம் விற்பனை நடைபெற்றுள்ளதாக மாநகராட்சி அதிகாரிகள் தெரிவித்துள்ளனர்.குறிப்பாக சென்னை சென்ட்ரல் ரயில் நிலையம், எழும்பூர் ரயில் நிலையத்திற்கு அருகில் உள்ள அம்மா உணவகங்களில் அதிகளவு உணவு விற்பனை நடைபெற்றுள்ளது.ஆனால், வாடிக்கையாளர் வருகையைப் பொறுத்தவரை, ரூபாய் நோட்டுகள் செல்லாது என்ற அறிவிப்பைத் தொடர்ந்து ஒரு சதவீதம் அளவுக்கு உயர்ந்துள்ளது.

மோடி அறிவிப்பிற்குப் பின் அம்மா உணவகம்நவம்பர் முதல் வாரத்தில் சென்னை மாநகராட்சிக்குட்பட்ட அம்மா உணவகங்களில் 39 லட்சத்து 88 ஆயிரம் இட்லி விற்பனையாகி உள்ளது.பிரதமர் மோடியின் ரூபாய் நோட்டுகள் செல்லாது என்ற அறிவிப்பைத் தொடர்ந்து, நவம்பர் இரண்டாவது வாரத்தில் 40 லட்சத்து 33 ஆயிரம் இட்லி விற்பனை செய்யப்பட்டுள்ளது.

இதேபோல் தயிர் சாதம் எண்ணிக்கை 7 லட்சத்து 40 ஆயிரத்தில் இருந்து, 7 லட்சத்து 46 ஆயிரமாக அதிகரித்துள்ளது.இரவு நேரத்தில் அம்மா உணவகங்களில் விற்பனைக்குக் கிடைக்கும் சப்பாத்தியின் எண்ணிகை சுமார் 10 லட்சம் அளவுக்கு அதிகரித்துள்ளது. சென்னையின் முக்கிய போக்குவரத்துப் பகுதியான சென்ட்ரல், எழும்பூர் அருகேயுள்ள அம்மா உணவகங்களில் அன்றாடம் வந்து செல்வோரின் எண்ணிக்கையும் குறிப்பிடத்தக்க அளவுக்கு உயர்வை எதிர்கொண்டுள்ளது என மாநகராட்சி அதிகாரிகள் தெரிவித்துள்ளனர்.

அம்மா உணவகங்களுக்கு வருவோரின் எண்ணிக்கை அதிகரித்துள்ள போதிலும், சிலர் 500 ரூபாய் வைத்திருந்ததால், அவர்களுக்கு பணமின்றி உணவு வழங்க இயலாமல் போன நிகழ்வுகளும் உண்டு என்று அந்த அதிகாரி தெரிவித்தார். சிலர்  வங்கிகளில் பெறப்பட்ட புதிய 2,000 ரூபாய் நோட்டுகளை அம்மா உணவகங்களில் கொடுத்து மாற்ற முயன்ற போதிலும், அவர்களுக்கு உணவோ, சில்லறையோ  கொடுக்க முடியாத நிலையும் ஏற்பட்டதாக அவர் மேலும் கூறினார்.

தனியார் ஹோட்டல்களைப் பொறுத்தவரை 1,500 ரூபாய்க்கு உணவு சாப்பிட்டால் தான், புதிய 2,000 ஆயிரம் ரூபாயைக் கொடுத்து மீதி சில்லறை பெற முடியும் என்ற நிலை உள்ளது.

எப்படியோ, மோடியின் அறிவிப்பால் தமிழகத்தில் உள்ளாட்சி அமைப்புகளுக்கு செலுத்த வேண்டிய நிலுவை சொத்துவரியும் பல கோடி ரூபாய் அளவுக்கு வசூல் ஆகியுள்ளது. மாநகராட்சி சார்பில் நடத்தப்படும் அம்மா உணவகங்களில் கூடுதல் விற்பனை மூலமும் மோடி, தமிழக அரசுக்கு உதவியுள்ளார்.

-சி. வெங்கட சேது

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ