Vikatan.com

www.vikatan.com would like to send you push notifications.

Notifications can be turned off anytime from browser settings.

‘அன்னமே, ரஞ்சிதமே...!’ தோழர் நல்லக்கண்ணுவின் முற்றுப்பெற்ற கவிதை!

ரஞ்சிதம் அம்மாள்

ந்திய கம்யூனிஸ்ட் கட்சியின் மூத்த தலைவர் நல்லகண்ணுவின் மனைவி ரஞ்சிதம் அம்மாள் உடல் நலக்குறைவு காரணமாக இன்றுகாலை 10.20 மணிக்கு சென்னையில் காலமானார். அவருக்கு வயது 82. குறைந்த ரத்த அழுத்தம், அல்சர் போன்ற நோய்களுக்காக சென்னையில் தனியார் மருத்துவமனை ஒன்றில் அவர் அனுமதிக்கப்பட்டிருந்தார். சிகிச்சை பலனின்றி ரஞ்சிதம் அம்மாள் இன்று காலை உயிரிழந்ததாக குடும்பத்தினர் தெரிவித்தனர்.

கம்யூனிச குடும்பத்தில் இருந்து வந்தவர் !

ஸ்ரீ வைகுண்டம் அருகே ஏ.கே அண்ணாசாமி - சந்தோசியம்மாள் தம்பதிகளுக்கு மகளாகப் பிறந்தவர் ரஞ்சிதம் அம்மாள். மருதன் வாழ்வூரில் தலித் சமூகத்தைச் சேர்ந்த மக்களுக்கு கடைகளில் பொருட்கள் வழங்க மறுத்தபோது, தலித் மக்களுக்காக அத்தியாவசியப் பொருட்கள் வழங்கும் கடையை திறந்து, பொருட்களை வழங்கியவர் அவருடைய தந்தை அண்ணாசாமி. அவரிடம் கம்யூனிச கொள்கை பரவிக் கிடந்தது. அத்தகைய குடும்பத்தில் இருந்து வந்தவர் ! ஆசிரியர் பணியை ஸ்ரீவைகுண்டத்தில் உள்ள தொடக்கப் பள்ளியில் தொடங்கினார் ரஞ்சிதம் அம்மாள்.

 

இந்த நிலையில் கட்சிப்பணி காரணமாக நல்லகண்ணு ஒருமுறை சிறையில் இருந்தபோது 'அன்னமே, ரஞ்சிதமே’ என்று எதார்த்தமாக கவிதை எழுதி இருக்கிறார்.அந்த கவிதையாக அவரை கரம் பிடித்தவர்தான் ரஞ்சிதம் அம்மாள்.அம்மையாரை அவர் வீட்டில் செல்லமாக அழைப்பதும் 'அன்னம்’ என்றுதான். இதனை தனக்கு நெருங்கி பழகியவர்களுடன் நான் எழுதிய கவிதை போன்று மனைவியும் அமைந்து விட்டார் என்று புகழ்வாராம் .

 கட்சிப்பணி, பொதுமக்களுக்கான போராட்டம் என தனது கணவர் களத்துக்கு சென்ற போதெல்லாம் அவருக்கு உறுதுணையாக நின்றவர். கம்யூனிஸ்ட் கட்சி இந்தியாவில் தடைசெய்யப்பட்ட காலத்தில், தலைமறைவு வாழ்க்கையை நல்லகண்ணு மேற்கொண்டபோதும், சற்றும் கலங்காமல் அவருக்கும், அவருடன் இருந்த தோழர்களுக்கும் ஏராளமான உதவிகளைச் செய்தார். அதுமட்டுமின்றி, தலைமறைவாக இருந்த தோழர்களின் குடும்பத்தைச் சேர்ந்த பெண்களைச் சந்தித்து, அவர்களுக்கு தைரியம் சொல்வதோடு, உதவிகளையும் செய்தார். நல்லகண்ணு போராட்டக் களத்தில் இருந்ததால், தனது இரண்டு மகள்களையும் வளர்க்கும் பொறுப்பான தாயாகவும், சிறந்த ஆசிரியையாகவும் செவ்வனே பணியாற்றியவர்.

நல்லகண்ணுவின் முதுகெலும்பாகத் திகழ்ந்தவர் !

எந்தவொரு நெருக்கடியான காலத்திலும் முகத்தில் புன்னகையை அவர் தவறவிட்டதே இல்லை. மிகவும் தைரியமான பெண்மணியாக இருந்தவர் ரஞ்சிதம் அம்மாள். குடும்ப நிர்வாகத்தை தனியாளாக இருந்து கவனித்துக் கொண்டவர். புத்தகங்கள் வாசிப்பிலும் அதிக ஆர்வம் கொண்டு, தொடர்ந்து பல்வேறு புத்தகங்கள் படிப்பதை வழக்கமாகக் கொண்டிருந்தார். 'ஆனந்த விகடன்' இதழை தவறாமல் படிக்கும் பழக்கத்தை கொண்டவர். கம்யூனிச கொள்கையையும், குடும்பத்தையும் ஒன்றாக எண்ணியவர். போராட்ட காலத்தில், நல்லகண்ணுவுக்கு நாட்டு நடப்புகளையும், செய்திகளையும் தவறாமல் சொல்வார் . நல்லகண்ணு பற்றி வரும் தகவல்களை ஒன்று விடாமல் சேகரித்து, அவரிடம் சேர்த்து விடுவார்.அவரைப் பற்றிய துண்டுசெய்திகள் ஆனாலும், அவற்றை எல்லாம் சேகரித்து புத்தகமாக மாற்றி அவரிடம் கொடுப்பார். சில நேரங்களில் தனது கணவருக்கு அரசியல் ஆலோசனைகளையும் சொல்லியிருக்கிறார். நல்லகண்ணுவின் முதுகெலும்பாக திகழ்ந்தவர் . மனைவியை இழந்து வாடும் ஐயா நல்லகண்ணுவுக்கு, ரஞ்சிதம்மாள் அனைவர் மீதும் கொண்டிருந்த மகத்தான அன்பும், அக்கறையுமே என்றென்றும் அருமருந்தாக விளங்கும் என்பதில் ஐயமில்லை.

-கே. புவனேஸ்வரி

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ