Vikatan.com

www.vikatan.com would like to send you push notifications.

Notifications can be turned off anytime from browser settings.

வழக்கறிஞர் ரவி கொலை: குற்றவாளிகளை கைது செய்ய தனிப்படை!

சென்னை: சென்னை வியாசர்பாடியில் வழக்கறிஞர் ரவி  இன்று (22.6. 2016 ) வெட்டிக் கொல்லப்பட்ட சம்பவத்தால் அந்தப் பகுதியில் பதற்றம் ஏற்பட்டுள்ளது. குற்றவாளிகளைக் கைது செய்ய தனிப்படை அமைத்து போலீசார் தீவிரமாகத் தேடி வருகின்றனர்.  

வியாசர்பாடியில் கொல்லப்பட்ட ரவி, புரட்சி பாரதம் கட்சியில் சில ஆண்டுகள் முன்னர் வரையில் பொறுப்பில் இருந்தவர். பின்னர் அங்கிருந்து வெளியேறி,  'ஜனநாயக புரட்சி முன்னணி' என்ற பெயரில் தனியாக இயக்கம் தொடங்கினார். மேலும் திருநங்கையர் நலனுக்காக பல்வேறு ஆர்ப்பாட்டங்கள், போராட்டங்களை நடத்தியுள்ளார். 

இந்நிலையில் ரவுடிகளுக்குள் மோதல், மாமூல், கட்டப்பஞ்சாயத்து என வடசென்னையின்  வியாசர்பாடி தகித்துக் கொண்டிருக்கிற வேளையில்தான் வழக்கறிஞர் ரவியின் படுகொலைச் சம்பவமும் சாதாரணமாக நடந்து முடிந்திருக்கிறது என்கிறார்கள் அப்பகுதியில் வசிப்போர்.

இது தொடர்பாக போலீசார் தரப்பில், " மாதவரத்தைச் சேர்ந்த கோவிந்தராஜ்  என்பவரின் நிலத்தை ஆக்கிரமிக்க முயன்று, அவருக்கு கொலை மிரட்டல் விடுத்த வகையில் மாதவரம் காவல் நிலையத்தில் ஒரு  வழக்கும், வியாசர்பாடி காவல் நிலையத்தில் நுழைந்து இளைஞர் காவல் படையைச் சேர்ந்த தினேஷ் என்பவரை தாக்கியதாக ஒரு வழக்கும் ரவி மீது உள்ளது. இதில் ரவி முன் ஜாமீன் பெற்றுள்ளார்.

'வியாசர்பாடி,  சத்தியமூர்த்தி நகரில் வசிக்கும் 6 பேருடன் எங்கள் அண்ணன் ரவிக்கு முன் விரோதம் இருந்தது' என்று ரவியின் தம்பி மதுரைவீரன் போலீசில் கொடுத்துள்ள புகாரின் அடிப்படையில்,  விசாரணையை மேற்கொண்டு வருகிறோம்" என்று தெரிவிக்கின்றனர்.

சென்னை பெரியமேடு பகுதியில் கொலை செய்யப்பட்ட ஆர்.டி.ஐ.ஆர்வலர் பாரஸ்மல், புழலில் கொல்லப்பட்ட வழக்கறிஞர் அகிலன், வியாசர்பாடியில் கொல்லப்பட்டிருக்கும் வழக்கறிஞர் ரவி என அனைவருமே காலை 10 மணியளவில் கொல்லப்பட்டுள்ளனர். இந்த நேர ஒற்றுமையில் ஏதாவது பின்னணி இருக்குமா என்ற கோணத்திலும் விசாரணை நடந்து வருகிறது.

சென்னை மற்றும் புறநகர்ப் பகுதிகளில் இது போன்ற கொலைகள் அடிக்கடி நிகழ்ந்து வருவது பொதுமக்கள் மத்தியில் அச்சத்தை ஏற்படுத்தியுள்ளது. இதற்கு கூலிப்படையின் அட்டகாசம்தான் காரணம் என்று கூறும் சமூக ஆர்வலர்கள், இதுபோன்ற நிகழ்வுகளைக் கட்டுப்படுத்த போலீசார் உரிய நடவடிக்கைகளைத் தீவிரப்படுத்த வேண்டும் என்று கோரிக்கையும் வைத்துள்ளனர்.

                                                                                                                                                                                                                                 -ந.பா.சேதுராமன்


 
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ