Vikatan.com

www.vikatan.com would like to send you push notifications.

Notifications can be turned off anytime from browser settings.

விஜயகாந்த் மனநிலைதான் நமக்கு பாதுகாப்பு கவசம் - ஸ்ட்ரெஸ் ரெசிபி

நாம என்னதான் முட்டி மோதினாலும் டார்ச்சர் பண்ற பாஸை நம்மளால மாத்த முடியாது. ஏன்னா அவர்தான் நமக்கு மேலதிகாரி. அதையும் மீறி நமக்கு பிரஷர் தர்ற மேனேஜரை நாம திட்டம் போட்டு டார்ச்சர் பண்ணுவோம்னு கிளம்புனா, ஒரு நாள் இல்லேன்னா ஒரு நாள் திங்கிற சோத்துல மண்ணு விழுந்திரும். அதனால இப்போ நான் என்ன சொல்ல வர்றேன்னா... மெல்லியக் கோட்டுக்கு அந்தப் பக்கம் பாஸ், மேனேஜர், மேல் அதிகாரி, முதலாளி. இந்தப் பக்கம் நாம.

அவங்க எவ்வளவு அடிச்சாலும் தாங்குற மன வலிமையை நாம வளர்த்துக்கிறது எப்படி? இவங்க உருவாக்கும் மன அழுத்தத்தை மண்டையில தட்டி மண்டி போட வைக்கிறது எப்படி? அந்த பிரஷ்ஷர் ரெசிபி இதோ...


எப்போ புராஜெக்ட் முடியும், அடுத்த புராஜெக்டுல இருப்போமா, மாட்டோமான்னு எப்பவும் நம்மளை அந்தரத்துல தொங்குற ஆந்தை மனநிலையிலேயே வெச்சிருப்பாங்க. ஆனா அந்த சூழ்ச்சிக்கு நீங்க பலிகடா ஆகிடாதீங்க. ஆட்டம்னு வந்துட்டா எப்பவும் நாமதான் விஜயகாந்த்தா இருக்கணும். இவர் தி.மு.க. பக்கம் போவாரா, பி.ஜே.பி. பக்கம் சாய்வாரான்னு எல்லாரையும் ஒரு மாசம் கதற விடணும். கடைசில மக்கள் நலக் கூட்டணித் திண்டுல துண்டு போட்டு தூங்கிடணும். அதனால, புராஜெக்ட் வரும்போது வரட்டும். அதை அப்போ பார்த்துக்கலாம். இப்போதைக்கு விஜயகாந்த் மனநிலைதான் நமக்கு பாதுகாப்பு கவசம்.

கம்ப்யூட்டருக்கு கீ போட்டு, மவுஸ், மதர் போர்டுனு உதிரி பாகங்கள் இருக்கிறது மாதிரி, நம்மளையும் ஒரு உதிரி பாகமாதான் கம்பெனி நினைக்குது. இந்த உண்மையை முதல்ல நாம புரிஞ்சுக்கணும். அப்பதான் எதிர்பார்ப்பு இருக்காது. இல்லேன்னா, 12 மாடிக் கட்டடத்துல வேலைப் பார்க்குறதுனாலேயே அந்த பில்டிங் பூரா நம்மளுக்கு சொந்தம்னு நினைச்சுக்குவீங்க. அதனால எதிர்பார்ப்புகள் தவிர்.



அடுத்ததா, 'வாரம் முழுக்க வேலை...சனிக்கிழமை ஜாலி!' - அப்படின்னு ஐ.டி. வேலைக்கு இவங்களே ஒரு இலக்கணம் வகுத்து உலவ விட்டுருக்காங்க. அதுக்காக நாமளும் ஒவ்வொரு சனிக்கிழமையும் சொர்க்க வாசல் திறக்குறதா நினைச்சுக்கிட்டு வாரம் முழுக்க உழைச்சுக் கொட்டுறோம். ஆனால்,  எத்தனை சனி வந்தாலும் நம்மளைப் பிடிச்ச சனி மட்டும் போறதே இல்லை. அதனால சொல்ல வர்றது என்னன்னா... சனிக்கிழமை கொண்டாட்டம் என்பது, நமக்கு முன்னாடி கட்டப்பட்டிருக்கிற கேரட். அது கேரட் என்பதை புரிஞ்சுக்கணும்.

ஓ.கே. கண்மணி நித்யா மேனன் மாதிரி ஒரு பொண்ணு போன் பண்ணி, 'கல்யாணம் பண்ணிக்கலாமா மாமா'ன்னு கேட்டாலும், 'ஒரு தடவை ஆன்சைட் போயிட்டு வந்துடுறேன்'னு சொல்ற பலபேரை நாம பார்க்கிறோம். அப்ஃகோர்ஸ், கல்யாணம் பண்ணிட்டா அப்புறம் சைட் கூட அடிக்க முடியாது என்பதால் அவங்க அப்படி நினைக்கலாம். ஆனால், ஆன்சைட் போறது மட்டுமே வாழ்க்கை லட்சியமா வெச்சிருக்காதீங்க...

அப்ரைசலில் ஒண்ணும் தேறலைன்னா... 'feeling கடுப்'னு ஸ்டேட்டஸ் போட்டுட்டு, விஜய்-அஜித் சண்டையை அரை மணி நேரம் வேடிக்கைப் பார்த்துட்டு, ராஜா சார் பாட்டுக் கேட்டுக்கிட்டு இழுத்துப் போத்திக்கிட்டு தூங்குங்க. நிம்மதியான உறக்கம்,  உடம்பின் மெட்டபாலிசத்தை சரியா பராமரிக்கிறது என்று அமெரிக்காவிலே ஒரு பல்கலைக்கழக ஆய்வு சொல்லியிருக்கிற படியால்... கவலையை மறந்துட்டு தூங்குங்க பாஸ், உடம்புக்கு நல்லது!

- ராஜூ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ