Vikatan.com

www.vikatan.com would like to send you push notifications.

Notifications can be turned off anytime from browser settings.

மார்பகப் புற்றுநோய், மூட்டுவலி... தடுக்கும் கோலாட்டம்!

                                 

கோலாட்டம் பெண்களின் ஆரோக்கியத்தில் எப்படியெல்லாம் பயனளிக்க வல்லது என்று கூறும்  ஈரோடு, ‘கலைத்தாய்’ கிராமிய பயிற்சி அறக்கட்டளையின் நிர்வாகி மாதேஷ்வரன், இன்றைய பெண்கள் தங்களின் உடல்நல ஆரோக்கியத்துக்கு கோலாட்டம் கற்கவேண்டிய அவசியத்தையும் எடுத்துரைக்கிறார்.

''இரு கைகளைத் தட்டுவதன் மூலம் கிடைக்கும் ஓசைதான், கும்மி விளையாட்டு. அதிலிருந்து உருவானதுதான் கோலாட்டம். கும்மியும் சரி, கோலாட்டமும் சரி பெண்களுக்காகவே உருவாக்கப்பட்ட விளையாட்டுகள்.

அதிக வெப்பநிலை சார்ந்த பாலை நிலப்பகுதி மக்களுக்காகக் கண்டுபிடிக்கப்பட்டது கோலாட்டம். அப்பகுதியில் வசிக்கும் பெண்களின் உடலில் உஷ்ணம் மிகுந்திருக்கும் என்பதாலும், அவர்களின் உடல் சூட்டினைத் தணிக்கவும், உடல்நிலைப் பிரச்னைகளை இயற்கையாகவே தடுக்கவும், சரிசெய்யவும்... அப்பெண்களால் கோலாட்டம் அதிகமாகப் பயன்படுத்தப்பட்டது. மூங்கில் குச்சியினைப் பயன்படுத்தி கோலாட்டத்தை ஆடும்போது, அக்குச்சியின் வாயிலாகவும், உடலில் இருந்து வெளியேறும் வியர்வை மூலமாகவும் உடலின் வெப்பம் தணியும்.

5 வயதில் இருந்து எல்லா வயதுப் பெண்களும் கோலாட்டம் விளையாடலாம். பல திசைகளிலும் மாறி மாறி கோலாட்டம் விளையாடுவதால், பாதம் முதல் உச்சந்தலை வரை பெண்களின் உடல் உறுப்புகள் நன்கு வலிமை பெறும். குறிப்பாக, இந்த ஆட்டத்தின் மூலம் பெண்களுக்கு மாதவிடாய் பிரச்னைகள் மற்றும் குடல் பிரச்னைகள் ஏற்படுவது கட்டுப்படுத்தப்படும். 

சிறு வயதில் இருந்து கோலாட்டம் விளையாடும் பெண்களுக்கு கர்ப்பப்பைப் பிரச்னைகள், செரிமானப் பிரச்னைகள் அதிகம் நேராது. இரு கைகளிலும் கோல்களைப் பிடித்து மேலும் கீழுமாக உடலினை அசைத்து விளையாடும்போது, பெண்களின் மார்பில் அதிர்வுகள் ஏற்படும். அவை, பெண்களின் மார்பில் இருக்கும் தேவையற்ற கட்டிகளைக் கரைத்து வியர்வையின் மூலமாக வெளியேற்றிவிடும். மார்பகப் புற்றுநோய் அதிக அளவில் பெண்களை தாக்கிவரும் இன்றைய சூழலில், நமக்கு முந்தய தலைமுறைப் பெண்களில் பெரும்பாலானோர் இப்பிரச்னை பற்றியே அறியாமல் இருந்ததற்கும், இன்றைய பெண்களின் பிரதானப் பிரச்னையான மூட்டு வலி அவர்களை அண்டாமல் இருந்ததற்கும் கோலாட்டமே காரணமாக அமைந்துள்ளது.

கர்ப்பிணிகளும் கோலாட்டம் விளையாடலாம். ஆனால், மற்ற பெண்களைப்போல் வேகமான உடல் அசைவுகளுடன் வளைந்து, குதித்து விளையாடாமல், மிதமான மூன்று நிலைகளில் விளையாடலாம். அதாவது, கைகளை தலைக்கு மேல் தூக்கி, வயிற்றுக்கு நேராக, குனிந்து கால் பகுதிக்கு நேராக என மெல்லிய உடல் அசைவுகளைக் கொண்டு விளையாடலாம். இதனால் உடலுக்கு பலம் கிடைப்பதுடன் பிரசவம் எளிதாக நடைபெறவும் வழிவகுக்கும். பிறக்கும் குழந்தையும் ஆரோக்கியமாகப் பிறக்கும்.

பிடிவாதம் மற்றும் கோபம் அதிகம் கொண்ட பெண்களுக்கு அந்த குணாதிசயங்களை கோலாட்டம் கணிசமாகக் குறைக்க வல்லது. இவ்விளையாட்டை தனிநபராகவும், கூட்டமாகவும் விளையாடலாம். மற்ற விளையாட்டுகளைப்போல பக்கவாத்திய இசை தேவையில்லாததுடன், இசையை உருவாக்கக்கூடிய விளையாட்டு இது. 

                                 

 

கோலாட்டத்தில், வாய் திறந்து பேசாமலேயே மற்றவர்களிடம் இரு கோல்களின் வாயிலாகவே சைகை மொழியில் பேசுவார்கள். கோலின் ஒவ்வொரு சத்தத்துக்கும் ஓர் அர்த்தம் உருவாக்கலாம். கோலாட்டத்தில் 20-க்கும் அதிகமான அசைவுகள் இருக்கின்றன. ஒவ்வொரு அசைவையும் நான்கு முறை விளையாட வேண்டும். இப்படி விளையாடும் ஒவ்வொரு அசைவுகளுமே ஒவ்வொரு வகையான உடல் உறுப்புகளுக்கு பயிற்சியும், சக்தியும் கொடுக்கும். 

கோலாட்டம் எவ்வளவு நேரம் விளையாடினாலும் உடல் தசைகளுக்கு வலி ஏற்படாது, பசி எடுக்காது. விளையாடி முடித்ததும் நன்றாகப் பசி எடுக்கும். உடல் சுறுசுறுப்பாக இயங்கும். தொடர்ந்து பயிற்சி செய்த நிலையில், நடுவில் சில காலம் ஓய்வு கொடுத்து மறுபடியும் விளையாடினாலும், இடைப்பட்ட காலங்களில் உடல் வலியோ, தசை வலியோ இருக்காது.

புதிதாகக் கற்றுக்கொள்பவர்கள் அதிகபட்சமாக நான்கு நாட்களில் கோலாட்டத்தினை நன்கு கற்றுக்கொள்ளலாம். புதிதாகக் கற்றுக்கொள்பவர்களும், கர்ப்பிணிகளும் பயிற்சியாளர்களின் துணையின்றி கோலாட்டத்தினை விளையாடக்கூடாது. நன்றாக விளையாடத் தெரிந்தவர்களுக்கு பயிற்சியாளர்களின் உதவி தேவையில்லை.

இவ்வளவு சிறப்புகள் வாய்ந்த கோலாட்டத்தை மறக்கக்கூடாது என்பதற்காகவே திருமண, சுப நிகழ்ச்சிகளில் கோலாட்டம் விளையாடி ஆடிப்பாடும் நிகழ்வுகள் நம் முன்னோர்களால் கலாச்சாரமாக கட்டமைக்கப்பட்டன. ஆனால் இன்றைய தலைமுறையினர் இந்த விளையாட்டைப் பற்றி தெரிந்துகொள்ளாமலும், அதைப் பின்பற்றாமலும் இருக்கிறார்கள் என்பது வருத்தத்துக்கு உரியது. 

கோலாட்டம், பெண்களின் உடல் ஆரோக்கியத்துக்கும், பல உடல்நலப் பிரச்னைகளில் இருந்து அவர்கள் தங்களை தற்காத்துக்கொள்வதற்கும் ஏற்ற அருமையான பயிற்சி!"

- கு.ஆனந்தராஜ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ