Vikatan.com

www.vikatan.com would like to send you push notifications.

Notifications can be turned off anytime from browser settings.

சளி, மாத விலக்கு, வாந்தி, கர்ப்ப காலங்களில் மருந்தாகும் பழச்சாறுகள்!

 பழச்சாறுகள்

கோடைகாலம் வந்தால்தான் நாம் பழங்களையும் பழச்சாறுகளையும் தேடுவோம். காரணம், கோடையின் வெப்பத்தையும் அதிக தாகத்தையும் இயற்கையான பழச்சாறுகள் தணிக்கும் என்பதனால்தான். ஆனால், குளிர் காலங்களில் இந்தப் பழங்களை நாம் சளி, இருமலுக்கு பயந்து தவிர்த்துவிடுவோம். ஒவ்வொரு சீசனுக்கும் சிலவகைப் பழங்கள் கிடைக்கும். பழங்கள் கிடைக்கும்போதெல்லாம் அவற்றைக் கடித்தோ, ஜூஸாகவோ சாப்பிடலாம்.

பழங்களிலிருந்து பல வகை வைட்டமின்கள், கால்சியம், பொட்டாசியம், பாஸ்பரஸ், துத்தநாகம், இரும்பு, கார்போஹைட்ரேட் மற்றும் நார்ச்சத்துக்கள் உள்ளன. இந்தச் சாறு குடித்தால் இந்த நோய் போகும் என யாரும் குடிப்பதில்லை. காய்கறிகள் மற்றும் மருந்தாகும் பழங்களின் சாறுகள், எந்தெந்த நோய்களைத் தீர்க்கும் என்பதைச் சொல்கிறார், சித்த மருத்துவர் தி.வேணி.

சளியைக் கரைக்கும் ஆரஞ்சு + இஞ்சி பழச்சாறு:
ஆரஞ்சு, காரட், எலுமிச்சை, முள்ளங்கி, உரித்த பூண்டுப் பல் ஆகியவற்றை சம அளவு எடுத்து, மிக்ஸியின் போட்டு சாறாக்கிக்கொள்ளவும். அத்துடன் தோல் நீக்கிய இஞ்சி மற்றும் எலுமிச்சைச் சாறுகளைச் சிறிதளவு கலந்து, காலை மாலை இரு வேளை உட்கொள்ள, சளி கரையும்.

இருமலுக்கு விடைகொடுக்கும் காரட்+வெங்காயச் சாறு:
உரித்து எடுத்த சாம்பார் வெங்காயம் 10, பூண்டுப் பல் 10, காரட் இரண்டு ஆகியவற்றை மிக்ஸியில் அரைத்துச் சாறாக்கிக்கொள்ளவும். அதில், சிறிதளவு எலுமிச்சைச் சாறு கலக்கவும். அதோடு தேன் கலந்து, நீர் விடாமல் குடிக்க, இருமல் தணியும்.

வரட்டு இருமலைப் போக்கும் பூண்டு+வெங்காயச் சாறு:
உரித்த சிறிய வெங்காயம் 10, பூண்டுப் பல் 10 இந்த இரண்டுடன் சம அளவு அன்னாசிப் பழத் துண்டுகளைக் கலந்து, சாறாக்கிக் குடிக்கத் தீரும், வரட்டு இருமல்.

மாதவிலக்குப் பிரச்னை தீர்க்கும் மாதுளை + அன்னாசிப் பழச்சாறு:
தோல் நீக்கிய இஞ்சி, எலுமிச்சை, உரித்த பூண்டுப் பல், மாதுளை, பப்பாளி, அன்னாசி ஆகியவற்றைச் சம அளவு எடுத்து, நீர் விடாமல் அரைத்துச் சாறு எடுத்து, அதில் சிறிதளவு தேன் கலந்து, இரண்டு வேளை அருந்த, மாதவிலக்குக் கோளாறு சரியாகும்.

அனீமிக், பருமன் காரணமாக வராத மாதவிலக்கைச் சரியாக்கும் பேரீச்சம்பழச் சாறு:
பூண்டுப் பல், பேரீச்சை, பனைவெல்லம், தேன் ஆகியவற்றை சம எடை எடுத்து, சாறு பிழிந்து, தினம் இரு வேளை அருந்த மாதவிலக்கு பிரச்னை சரியாகும்.

வாந்தியை நிறுத்தும் இஞ்சி+எலுமிச்சைச் சாறு:
இஞ்சி, எலுமிச்சை, நாரத்தைச் சாறுடன் தேன் கலந்து அருந்த, வாந்தி நிற்கும்.

 

 

கர்ப்ப காலத்தில் அருந்தவேண்டிய சாறு:
காரட், தக்காளி, ஆப்பிள், அத்தி, பீட்ரூட், பாகற்காய், பூசணிக்காய் ஆகியவற்றைச் சம அளவு எடுத்து, நீர் விடாமல் சாறு தயாரித்து, அத்துடன் தேன் கலந்து குடித்துவந்தால், குழந்தையின் வளர்ச்சி ஆரோக்கியமாக இருக்கும். கர்ப்ப கால நீரிழிவு வராது, உடம்புக்குத் தேவையான நீரைச் சமநிலையில் வைக்கும். உடல் பருமன் ஏற்படாது. கால் வீக்கம், முக வீக்கம் வராது. அனீமிக் ஏற்படாது, பசி இன்மையைப் போக்கும், உள்ளுறுப்புகளில் உள்ள கழிவுகளை வெளியேற்றும்.

பருக்கள்: டீன் ஏஜ் பெண்களுக்கு எதிரி, பருத்தொல்லைதான். முகத்தில் மொட்டு மொட்டாகத் தோன்றி, அழகைக் கெடுக்கும். சிலருக்கு தழும்பு உண்டாகி அதனால் மன உளைச்சலைக்கூட ஏற்படுத்திவிடும்.  இதனைத் தவிர்க்க, காரட்டுடன் சிறிதளவு பசலைக்கீரையைச் சேர்த்துச் சாறு எடுத்துக் குடிக்கவும்.

மலச்சிக்கல்: உலர் பழங்கள், பசலைக்கீரை, காரட், வெள்ளரி, ஆப்பிள், அத்தி, கொய்யா ஆகியவற்றைச் சம அளவு எடுத்துச் சாறாக்கிப் பருக, மலச்சிக்கல் சரியாகும்.

தலைவலி: இஞ்சி, காரட், பீட்ரூட், வெள்ளரி, தக்காளி, முட்டைக்கோஸ், ஆப்பிள் ஆகியவற்றைச் சம அளவு கலந்து, நீர் கலக்காமல் அரைத்துச் சாறெடுத்து அருந்த, தலைவலி போகும்.

- கே.ஆர்.ராஜமாணிக்கம்,
படங்கள்: என்.விவேகானந்தன்.

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ