Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'நம்புங்கள்... நம்மால் முடியும்!' உலகப் புற்றுநோய் தினம் சிறப்புப் பகிர்வு

 

உயிரைப் பறிக்கக்கூடிய கொடிய நோய்ப் பட்டியலில் முதலில் இருப்பது புற்றுநோயே..! உலக சுகாதார நிறுவனத்தால் ஒவ்வோர் ஆண்டும் பிப்ரவரி 4-ம் தேதி உலகப் புற்றுநோய் தினம் கடைப்பிடிக்கப்படுகிறது. இன்றையச் சூழலில் புற்றுநோய்க்கான சிகிச்சைகளும் மருந்துகளும் புதிது புதிதாக கண்டறியப்பட்டு வருகின்றன. ஆனாலும், ஆண்டொன்றுக்கு இந்தியாவில் 12 லட்சம் பேர் புற்றுநோயால் பாதிக்கப்படுகின்றனர்; ஏழு லட்சம் பேர் புற்றுநோயால் உயிரிழக்கின்றனர்.  

புற்றுநோய்

 

பொதுவாக, 30 முதல் 50 வயதுக்கு உட்பட்டவர்களே புற்றுநோயால் அதிகம் பாதிக்கப்படுகின்றனர். இந்த ஆண்டு, உலக சுகாதார நிறுவனம், `2030-ம் ஆண்டுக்குள் புற்றுநோயால் ஏற்படும் உயிரிழப்பைப் பாதி அளவாகக் குறைப்போம்’ என்று உறுதிமொழி எடுத்து உள்ளது.  
இனி, புற்றுநோய்க்கான அறிகுறிகள், அதைத் தவிர்க்கப் பின்பற்றவேண்டிய சில விஷயங்களைப் பார்ப்போம்!

புற்றுநோய்... பொதுவான அறிகுறிகள்!

வாய், நுரையீரல், சிறுநீரகம், ரத்தம், தோல், மார்பகம்... என உடலின் எந்த உறுப்பிலும் புற்றுநோய் உண்டாகலாம். நோய் வரும் உறுப்பைப் பொறுத்து, அவற்றின் அறிகுறிகள் மாறுபடும். பொதுவாக,

* மூச்சுவிடுவதில் சிரமம்.

* ரத்தம் கலந்து சளி வருவது.

* நீண்ட நாட்களாக தொடர் இருமல் இருப்பது.

* செரிமானம் தாமதமாவது.

* புண் அல்லது அல்சர் குணமாகாமல் இருப்பது.

* உணவு விழுங்குவதில் சிரமம்.

* அதீதப் பசி, சோர்வு, கவலை மற்றும் அதிக அளவுக்கு எடை குறைவது ஆகியவை புற்றுநோய்க்கான அறிகுறிகள்!


புற்றுநோயைக் கண்டறிய... 

மேலே காணும் அறிகுறிகள் தென்பட்டால் உடனே மருத்துவரை அணுகி உடல் பரிசோதனை செய்துகொள்ள வேண்டும். 

* மாதம் ஒரு முறை உடல் எடையைப் பரிசோதித்து , உடலைச் சீராகப் பராமரிக்க வேண்டியது அவசியம். 

* 40 வயதுக்கு மேல் உள்ளவர்கள், ஆறு மாதங்களுக்கு ஒரு முறை மருத்துவரின் ஆலோசனைப்படி உடல் பரிசோதனை செய்துகொள்ளலாம்.

தடுக்க... தவிர்க்க!

* உடலை உறுதி செய்யும் வேலை அல்லது உடற்பயிற்சிகளை தினசரி செய்யலாம். உடற்பயிற்சியோடு யோகா செய்யலாம். இதமான வெயிலில் நடைப்பயிற்சி மேற்கொள்ளலாம்.

*  சீரான, ஆழ்ந்த தேவையான அளவு தூக்கம் வேண்டும்.

* கார்பனேட்டட் குளிர்பானங்கள், ஃபாஸ்ட் ஃபுட், ஜங்க் ஃபுட் போன்றவற்றைத் தவிர்ப்பது நல்லது.

* புகைப்பிடிப்பது, புகைபிடிப்பவரின் அருகில் இருப்பதைத் தவிர்க்க வேண்டும். 

* பூச்சிக்கொல்லி தெளித்த உணவைத் தவிர்க்கலாம்.

* அழகுசாதனப் பொருட்களை அதிகமாகப் பயன்படுத்துவதைத் தவிர்க்க வேண்டும்.

* பிளாஸ்டிக் டப்பாக்களில் உணவை அடைத்து எடுத்துச் செல்வதையும், அவற்றைச் சாப்பிடுவதையும் தவிர்க்கவும்.

உலக அளவில் புற்றுநோய் பாதிப்புகளைக் குறைக்க, ஒவ்வொரு தனிமனிதனும் தன்னால் முடிந்ததைச் செய்ய வேண்டும். அதற்காகவே, உலக சுகாதார நிறுவனம், `நம்மால் முடியும்... என்னால் முடியும்’ (We can... I can) என்ற கருப்பொருளை அறிவித்திருக்கிறது. அதற்காக இன்றைய தினத்தில் நாமும் உறுதி எடுப்போம்! நம்மால் முடியும்... என்னால் முடியும்!
 

- ச.மோகனப்பிரியா

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close