Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சுத்தமாகக் கைகளைக் கழுவுவது எப்படி? #PhotoStory

கைகளைக் கழுவுவது

`சுத்தம் சோறு போடும்' என்பது பழமொழி. யதார்த்தத்தில், சுத்தமாக இருப்பதுதான் பலவகையான நோய்களில் இருந்து நம்மைக் காத்துக்கொள்வதற்கான முதல் வழி. அதிலும், கைகள் வழியாகத்தான் நோய்த்தொற்றுகள் அதிகம் உண்டாகின்றன. அதாவது, ஒருவரிடமிருந்து மற்றொருவருக்கு கைகளின் மூலமாகத்தான் நோய்க் கிருமிகள் எளிதில் பரவும். எனவே, கைகளைச் சுத்தமாக வைத்துக்கொள்ளவேண்டியது மிகவும் அவசியம். உணவு பரிமாறும் ஊழியர்கள் முதல் உடலின் மேல் அக்கறை கொண்டவர்கள் வரை அனைவருக்குமே இது பொதுவான ஒன்று. கைகளைத் துல்லியமாகச் சுத்தம் செய்யச் சில வழிமுறைகள்... 

* முதலில் இரண்டு கைகளையும் குழாய் நீரில் கழுவ வேண்டும். சூடான அல்லது வெதுவெதுப்பான நீர் என்றால் நல்லது. இது கிடைக்காத பட்சத்தில், குளிர்ந்த நீரில் கழுவலாம். சிறிது திரவ சோப் (Liquid Soap Or Handwash Lotion) எடுத்து உள்ளங்கையில் விடவும். கைகளைக் கழுவ திரவ சோப்பை எடுத்துக்கொள்வதே சிறந்தது என்பதை நினைவில்கொள்ளவும்.

கைகளைக் கழுவுவது - 1

* இரண்டு உள்ளங்கைகளையும் சேர்த்து நன்கு தேய்க்கவும். இரண்டு கைகளிலும் சோப்பை நன்கு பரவச்செய்ய வேண்டும். இரண்டு கைகளிலும் சோப் பரவியுள்ளதா எனச் சரிபார்க்கவேண்டியது அவசியம். 

 

கைகளைக் கழுவுவது - 2

* வலது கை உள்ளங்கையால் இடது புறங்கையை நன்கு தேய்க்க வேண்டும். பின்னர் அதையே இடது கை உள்ளங்கையால் வலது புறங்கையைத் தேய்க்கவும். அந்த இடங்களிலும் சோப் நன்றாகப் பரவியுள்ளதா என்று சரிபார்க்கவும். 

 

கைகளைக் கழுவுவது - 3

* இரண்டு கைகளையும் கோர்த்து விரல்களுக்கு நடுவிலும் சோப் செல்லும்படியாக விரல் இடுக்குகளை நன்கு தேய்க்க வேண்டும். முன்னும் பின்னும் தேய்த்து நன்கு பரவச்செய்ய வேண்டும். 

 

கைகளைக் கழுவுவது - 4

* விரல்களின் பின்புறத்தை உள்ளங்கையில் தேய்க்க வேண்டும். இதனால் விரல்களின் பின்புறத்திலெல்லாம் சோப் செல்லும்.

 

கைகளைக் கழுவுவது - 5

* சுழல் முறையில் தேய்க்க வேண்டும். ஒரு கையின் உள்ளங்கையை மறு கையின் கட்டை விரலால் சுழற்சி முறையில் தேய்க்க வேண்டும். அப்படியே இரண்டு கைகளுக்கும் செய்ய வேண்டும். 

 

கைகளைக் கழுவுவது - 6

* சுழற்சி முறையை வைத்து இரண்டு உள்ளங்கைகளையும் சுத்தம் செய்ய வேண்டும். விரல்களை வைத்து உள்ளங்கையைத் தேய்க்க வேண்டும். 

 

கைகளைக் கழுவுவது - 7

* ஒரு கையை வைத்து மற்றொரு கையின் மணிக்கட்டை சுழல் முறையில் தேய்க்க வேண்டும்.

 

கைகளைக் கழுவுவது - 8

* நன்கு தேய்த்த பிறகு, குழாய் நீரில் இரு கைகளையும் கழுவ வேண்டும். சோப் முழுமையாக நீங்கும்படிக் கழுவ வேண்டும். அதுவும் இளஞ்சூடான நீராக இருப்பது நல்லது. 

 

கைகளைக் கழுவிய பிறகு உலரச்செய்ய வேண்டும். சுத்தமான துண்டால் நன்கு துடைக்க வேண்டும். துடைத்த துண்டை திரும்பவும் உபயோகிக்கக் கூடாது. 

இப்படிக் கைகளை முறையாகச் சுத்தம் செய்வதே சிறந்தது. இதன் மூலம் நோய்களிலிருந்து நம்மைப் பாதுகாத்துக்கொள்ளலாம்.

-செ.சங்கீதா,

படங்கள்: க.மணிவண்ணன் (மாணவப் பத்திரிகையாளர்கள்)

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close