Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

தினமும் அதிகம் சேர்த்துக்கொள்ளக் கூடாத 5 உணவுகள்! #HealthAlert

ம்மில் சிலர் ஏதாவது பிரச்னை என்றால், `சாப்பிட்டா மூட் சரியாகிடும்’ என்று நினைப்பார்கள். சில வேளைகளில் அந்த முயற்சி பலன் தரவும்கூடும். ஆனால் ஆசைப்பட்டுச் சாப்பிடும் உணவிலேயே பிரச்னை என்றால் என்ன செய்வது? சரியான உணவை , சரியான அளவில், சரியான இடைவெளியில் சாப்பிடுவதுதான் ஆரோக்கியம். நாம் சாப்பிடுவது ஆரோக்கியமானதா, சத்தானதா என யோசிக்க ஆரம்பித்தால், நம் உணவுப்பட்டியலில் பல உணவுகள் இருக்காது. அப்படி அன்றாடப் பட்டியலில் அதிகம் சேர்த்துக்கொளக் கூடாத 5 உணவுகள் இருக்கின்றன. அவை...

உணவுகள் - அரிசி

பாலீஷ் செய்யப்பட்ட வெள்ளை அரிசி 

ஒரு வேளை சாதம் அமிர்தம். இரண்டு வேளை அரிசி சார்ந்த உணவுகள் உடலில் நோயை உண்டாக்கும். அதுவே மூன்று வேளைகளானால், உடலில் கழிவுகளை அதிகரிக்கும். பாலீஷ் செய்த அரிசி உணவுகளைச் சாப்பிடுவதால் பசி அதிகமாக எடுக்காது; அத்துடன் அன்றைய நாள் முழுவதற்கும் தேவைப்படும் ஆற்றலும் கிடைக்கலாம். ஆனால், ஒரு கப் அரிசி உணவில் இரும்புச்சத்து, பாஸ்பரஸ், பொட்டாசியம், தயாமின் மற்றும் ஃபோலேட் போன்றச் சத்துக்கள் குறைந்த அளவிலேயே இருக்கின்றன.

உங்கள் சாப்பாட்டு மெனுவில் பெரும்பாலும் வெள்ளை அரிசியால் ஆன உணவுகளாக இருந்தால், உங்களுக்கு நுண் ஊட்டச்சத்துக் குறைபாடு ஏற்படும் வாய்ப்புகள் உள்ளன. மூன்று வேளையும் இதைச் சாப்பிட்டால், உடல்பருமன் மற்றும் டைப் 2 சர்க்கரைநோய் உண்டாகும். சாதம் மட்டுமல்ல, வெள்ளை அரிசியால் தயாரிக்கப்பட்ட நூடுல்ஸ், பாஸ்தா, பிரெட் போன்றவற்றையும் தவிர்ப்பதே நல்லது.

அசைவ உணவு

இறைச்சி

நமது நாடு வெப்பநாடு. எனவே, நமது ஆரோக்கியத்துக்கு தாவர உணவுகள்தான் சரியான சாய்ஸ். புலால் மற்றும் இறைச்சி உணவுகள் அதிக அமிலத்தன்மைகொண்டவை. சமீபத்தில் உலக சுகாதார அமைப்பு ஓர் அறிக்கையை வெளியிட்டது. அதில், `159 வகையான நோய்கள் அசைவ உணவுகளைச் சாப்பிடுவதால்தான் ஏற்படுகின்றன’ என்பதைத் தெளிவுபடுத்தியிருக்கிறது அந்த அமைப்பு.குறிப்பாக, பதப்படுத்தப்பட்ட இறைச்சிகளில் உப்பின் அளவு அதிகமாக இருப்பதால், உயர் ரத்த அழுத்தம் மற்றும்  இதய நோய் வருவதற்கான ஆபத்து உள்ளது.

அசைவ உணவுகளில் இருக்கும் புரதம் சரியாகச் செரிமானம் ஆகாமல் நச்சுக்களாக மாறுகிறது. அவை நம் உடலின் நோய் எதிர்ப்பு சக்தியைப் பாதித்து, நம்மைப் பலவீனமாக மாற்றுகிறது. அசைவ உணவுகளுடன், நார்ச்சத்து நிறைந்த உணவுகளையும் சேர்த்து உண்டால், எளிதாகச் செரிமானமாகிவிடும். 

காபி

காபி, டீ

காபியும் டீயும் நம் மூளையைச் சுறுசுறுப்பாக வைத்திருக்க உதவுகின்றன. அதுமட்டுமல்ல, பார்கின்சன் நோய் (Parkinson's disease) மற்றும் அதிரோஸ்கிளிரோசிஸ் (Atherosclerosis)  போன்றவை வராமல் தடுக்கின்றன. ஆனால், அதிக அளவில் காபி, டீ அருந்துவது நமது  இதயத்துடிப்பையும், ரத்த அழுத்தத்தையும் அதிகரிக்கச் செய்யும். மனஅழுத்தத்தை உருவாக்கக்கூடிய அட்ரினலின் மற்றும் கார்டிசோல் எனப்படும் ஹார்மோன்களின் உற்பத்தியைத் தூண்டும்.இதனால் மனஅழுத்தம், பதற்றம், சோர்வு, கவனமின்மை ஆகியவை உண்டாகும். 
உணவுகளில் இருந்து கிரகிக்கப்படும் கால்சியத்தை காபியில் உள்ள `காஃபின்’ தடுப்பதால், `ஆஸ்டியோபொரோசிஸ்’ எனப்படும் எலும்பு சம்பந்தமான நோய்களும் உண்டாகும். அதே நேரத்தில் பால் உணவுகளும் சளி, இருமல், சுவாசப் பிரச்னைகள், ஆஸ்துமா ஆகியவற்றை அதிகப்படுத்தும். இரவில் பால், தயிர், மோர் போன்றவற்றைத் தவிர்க்க வேண்டும். அவற்றுக்குப் பதில் சுக்கு காபி, மூலிகைச் சாறு, காய்கறி சூப், சத்துமாவு கஞ்சி போன்றவற்றை அருந்தலாம்.

வெள்ளை சர்க்கரை

வெள்ளைச் சர்க்கரை

வெள்ளைச் சர்க்கரை சேர்க்காத இனிப்பு உணவுகளே இல்லை என்கிற அளவுக்கு அதன் ஆதிக்கம் இன்றைக்கு அதிகமாகிவிட்டது. பெரும்பாலான பெண்களுக்கு வரும் ஆஸ்டியோபொரோசிஸ் நோய்க்கும், பல புற்றுநோய்கள் வளர்வதற்கும், சர்க்கரைநோய்க்கும் சர்க்கரைதான் காரணம். உற்பத்தியான நாளிலிருந்து ஆறு மாத காலத்துக்கு மேற்பட்ட சர்க்கரையைச் சாப்பிடக் கூடாது. காரணம், அதில் உள்ள ரசாயனம் நஞ்சாக மாறிவிடும்.

பல் வலி, பல் சொத்தை, குடற்புண், சளித்தொல்லை, உடல்பருமன், இதய நோய், ரத்த அழுத்தம், சர்க்கரைநோய் போன்ற பெரிய வியாதிகள் அனைத்துக்கும் இதுதான் முக்கியக் காரணமாக இருக்கிறது.பேரீச்சை, உலர் திராட்சை, பனைவெல்லம், நாட்டு வெல்லம் ஆகியவற்றை வெள்ளைச் சர்க்கரைக்கு மாற்றாகப் பயன்படுத்தலாம்.

நொறுக்குத்தீனிகள்

நொறுக்குத்தீனிகள்

இன்று 18 வயது   இளைஞர்கள் சிலரே 80 கிலோ எடை வரை இருப்பதற்கு முக்கியக் காரணம் நொறுக்குத்தீனிகள்தான். எண்ணெயில் பொரித்த உணவுகளில் அதிகமான கொழுப்பு மற்றும் கலோரிகள் உள்ளன. உதாரணமாக 10 கிராம் சிப்ஸில் 10கிராம் கொழுப்பு மற்றும் 154 கலோரிகள் அடங்கியுள்ளன. சிப்ஸ்களில் சேர்க்கப்படும் உப்பு உடல் உறுதியைக் கெடுக்கக்கூடியது; ரத்த அழுத்தத்தை அதிகரிக்கச் செய்வது. அடிக்கடி எண்ணெயில் பொரித்த உணவுகளைச் சாப்பிட்டால், ரத்தத்தில் கொழுப்பின் அளவு அதிகரிக்கும். 

வீட்டில் நாம் பயன்படுத்தும் உணவுகளில்கூட சாதாரண உப்புக்குப் பதிலாக இந்துப்பு, எலுமிச்சை, புளி, தக்காளி ஆகியவற்றைச் சேர்த்துக்கொள்ளலாம். வடை, பஜ்ஜி, சிப்ஸ்,  துரித உணவுகளுக்குப் பதிலாக பாதாம், முந்திரி, வேர்க்கடலை, சுண்டல் போன்ற சத்தான ஸ்நாக்ஸ்களைச் சாப்பிடலாம்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close