Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

வெங்காயம், முள்ளங்கி, இஞ்சி... வியக்கவைக்கும் பலன்களைத் தரும் வேர் காய்கறிகள்!

வேர், தண்டு, இலைகள், விதைகள், பூக்கள்... என்று ஒரு செடிக்குப் பல பாகங்கள். சில செடிகளின் அத்தனை பாகங்களும் உணவுப்பொருள்களாகப்  பயன்படுத்தப்படுகின்றன. பொதுவாக, இவற்றை `காய்கறிகள்’ என்கிறோம். பூமிக்கு அடியில் புதைந்திருக்கும் வேரிலிருந்து முளைக்கும் காய்கறிகளும் உண்டு. அவை, `வேர்க் காய்கறிகள்’ எனப்படுகின்றன. முள்ளங்கி, கேரட், பீட்ரூட்... போன்றவை வேர்க் காய்கறிகளுக்கான சில உதாரணங்கள். இந்த வகைகளை அடிக்கடி உணவில் சேர்த்துக்கொள்ளவேண்டியது மிக அவசியம். ஏன்... இவை நம் ஆரோக்கியத்துக்கு எப்படி உதவுகின்றன? பார்ப்போம்...

வேர்க் காய்கறிகள் 

ஏன் சேர்த்துக்கொள்ள வேண்டும்?

தானியங்களுக்கு மாற்று

வேர்க் காய்கறிகள் தானியங்களுக்கு மாற்றாகப் பரிந்துரைக்கப்படுகின்றன. கோதுமை, பார்லி போன்ற தானியங்களில் `குளூட்டன்’ (Gluten) என்ற புரதம் உள்ளது. இது செரிமானப் பிரச்னைகளை உண்டாக்கும். வேர்க் காய்கறிகளில் குளூட்டன் புரதம் இருப்பதில்லை ஆனால், தானியங்கள் தருகிற அதே பயன்களைத் தருகின்றன. 

ஓர் உணவைச் சாப்பிட்டவுடன், அது ரத்த சர்க்கரையில் ஏற்படுத்தும் மாற்றம் கிளைசெமிக் இண்டெக்ஸால் (Glycemic index) அளவிடப்படும். தானியங்களைவிட, வேர்க் காய்கறிகளில் கிளைசெமிக் இண்டெக்ஸின் அளவு குறைவாக உள்ளது. 

நார்ச்சத்து

வேர்க் காய்கறிகளைச் சாப்பிடுவதால், குறைவான அளவில்தான் கார்போஹைட்ரேட் உடலில் சேரும். அதேபோல் இவற்றில் நார்ச்சத்தும் அதிகம். இது, மலச்சிக்கல் பிரச்னையைத் தீர்க்கும். கொலஸ்ட்ரால் அளவைக் குறைக்கும். இதனால் இதயநோய் ஏற்படுவதற்கான வாய்ப்புகளும் குறையும்.

இவற்றில் `பாலிசாச்சரைட்ஸ்’ (Polysaccharides) என்ற கார்போஹைட்ரேட் உள்ளது. இது புற்றுநோய், ரத்தம் உறைந்து கெட்டியாதல் போன்றவற்றைத் தடுக்கும். நோய் எதிர்ப்பு சக்தியை அதிகரிக்கும்.

வைட்டமின்

வேர்க் காய்கறிகளில் வைட்டமின் ஏ, வைட்டமின் சி மற்றும் கரோட்டினாய்டு நிறமிகள் காணப்படுகின்றன. இவை கண் மற்றும் தோலுக்கு நன்மை செய்வது. இவை கட்டி மற்றும் வீக்கங்கள் ஏற்படுவதைத் தடுக்கின்றன. இதனால் இதயநோய் மற்றும் புற்றுநோய் வருவதற்கான வாய்ப்புகள் குறைகின்றன.

எடை குறைக்கும்

வேர்க் காய்கறிகளில் கிளைசெமிக் எண்ணின் அளவு தானியங்களைவிடக் குறைவாக இருக்கிறது. அதோடு, இவற்றிலிருந்து கிடைக்கும் கலோரியும் குறைவு. இதனால் ரத்தத்தில் சர்க்கரையின் அளவு அதிகமாகாது. வேர்க் காய்கறிகளை சரிவிகித சத்துள்ள உணவுப்பொருட்களுடன் எடுத்துக்கொள்ளும்போது பசியைக் கட்டுப்படுத்தும். இதனால் எடை குறையும்.

ஃபோலேட்

வேர்க் காய்கறிகளில் `ஃபோலேட்’ (Folate) என்ற வைட்டமின் நம் உடலுக்குத் தேவையான அளவில் உள்ளது. இது கர்ப்பிணிகள், பாலூட்டும் தாய்மார்களுக்கு தேவைப்படும் மிக முக்கியமான சத்துகளில் ஒன்று.

வேர்க் காய்கறிகள்... ஏன் தவிர்க்கக் கூடாது?

பீட்ரூட் 

பீட்ரூட்

பீட்ரூட்டில் `பீட்டாலெய்ன்ஸ்’ (Betalains) என்ற நிறமி உள்ளது. இது கல்லீரலைப் பாதுகாக்கும். உடலில் உள்ள நச்சுகளை வெளியேற்ற உதவும். 

கேரட்

கேரட்டில் உள்ள வைட்டமின் ஏ கண்களுக்கு நன்மை செய்வது. தொடர்ச்சியாக கேரட் சாப்பிடால், அது நுரையீரலை நலமாக வைத்துக்கொள்ள உதவும்.

நூல்கோல்

இது ரத்தச்சோகை வராமல் தடுக்க உதவும். இதிலுள்ள வைட்டமின் சி நோய் எதிர்ப்பு சக்தியை அதிகரிக்கும். 

மரவள்ளிக்கிழங்கு

உடலுக்கு சக்தி தரும் கார்போஹைட்ரேட் மற்றும் நார்ச்சத்து இதில் உள்ளது. 

முள்ளங்கி 

முள்ளங்கி

இது புற்றுநோய்க்கு எதிராகச் செயல்படும். இதில் நீர்ச்சத்து நிறைந்த காய். இதைத் தொடர்ந்து சாப்பிடுவதால், உடலில் நீர் குறைவு (Dehydration) பிரச்னைகள் ஏற்படாது. 

சர்க்கரைவள்ளிக்கிழங்கு

சர்க்கரைவள்ளிக்கிழங்கில் வைட்டமின் ஏ, சி, ஈ போன்றவற்றோடு பொட்டாசியம், மக்னீசியம் போன்றவையும் உள்ளன. 

இஞ்சி 

இஞ்சி

செரிமானப் பிரச்னைகள், குமட்டல், சளி, தலைவலி போன்றவற்றைப் போக்க இஞ்சி சிறந்த மருந்து.

வெங்காயம்

வெங்காயத்தில் உள்ள ஃபிளேவனாய்டு (Flavonoids) பாக்டீரியாவுக்கு எதிராகச் செயல்படும் தன்மை கொண்டது. வெங்காயம், நடுத்தர வயதுப் பெண்களின் எலும்புகளை வலுப்படுத்த உதவும். வாய் புற்றுநோய் வருவதற்கான வாய்ப்புகளைக் குறைக்கும். 

சேனைக்கிழங்கு

இதிலுள்ள பொட்டாசியம் ரத்த அழுத்தத்தைக் குறைக்க உதவும். மூளை, நரம்புகள் மற்றும் ரத்தக்குழாய்கள் சிறப்பாகச் செயல்பட இதிலுள்ள வைட்டமின் பி6 உதவும்.  

பூண்டு 

பூண்டு

புற்றுநோய்க்கு எதிராகச் செயல்படக்கூடியது, வளர்சிதை மாற்றத்துக்கு உதவக்கூடியது எனப் பல்வேறு பயன்களை உடைய பூண்டும் தவிர்க்கக் கூடாத வேர்க் காய்கறிதான். 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close