Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஆருஷி கொலை வழக்கில் பெற்றோர் விடுதலை!

நாடு முழுவதும் பெரும் பரபரப்பை ஏற்படுத்திய சிறுமி ஆருஷி கொலை வழக்கில், குற்றவாளிகள் என அறிவிக்கப்பட்ட அச்சிறுமியின் பெற்றோர்களான  ராஜேஷ்–நூபுர் தல்வார் தம்பதியை விடுதலை செய்வதாக அலகாபாத் உயர் நீதிமன்றம் தீர்ப்பளித்துள்ளது.

ஆருஷி

டெல்லியை அடுத்துள்ள நொய்டா நகரில், கடந்த 2008-ம் ஆண்டு பல் டாக்டர் தம்பதியான ராஜேஷ் – நூபுர் தல்வார் ஆகியோரின் மகள் 14 வயது ஆருஷியும், வேலைக்காரர் ஹேம்ராஜும் (45) படுகொலை செய்யப்பட்டனர். ஆருஷி, அவரது படுக்கையறையில் பிணமாகக் கிடந்த நிலையில், ஹேம்ராஜ் மொட்டை மாடியிலுள்ள தண்ணீர் டேங் அருகே கழுத்து அறுபட்டு கொலையுண்டுகிடந்தார்.

ஆருஷியும், ஹேம்ராஜூம் படுக்கை அறையில் அலங்கோலமான நிலையில் இருந்ததை ஆருஷியின் பெற்றோர் பார்த்துவிட்டதாகவும், அதனால் ஏற்பட்ட ஆத்திரத்திலேயே இருவரையும் கொலை செய்ததாகவும் விசாரணையில் தெரியவந்ததாக சி.பி.ஐ தரப்பில் தெரிவிக்கப்பட்டது. முன்னதாக, நாடு முழுவதும் பெரும் பரபரப்பை ஏற்படுத்திய இந்த வழக்கின் முதல் கட்ட விசாரணையில், துப்பு துலங்காமல் தொய்வு ஏற்பட்டது. தொடர்ந்து சி.பி.ஐ. குழு நடத்திய விசாரணையில், ஆருஷியையும் ஹேம்ராஜையும் கொன்றது, ஆருஷியின் பெற்றோர்தான் என்பதற்கான ஆதாரங்கள் சிக்கின.

ஆருஷி வழக்கின் விசாரணை முடிந்த நிலையில், 2013-ம் ஆண்டு இவ்வழக்கில் தீர்ப்பு வழங்கிய காஸியாபாத் சி.பி.ஐ நீதிமன்றம், ஆருஷியின் பெற்றோர்களான ராஜேஷ்–நூபுர் தல்வார் தம்பதியே குற்றவாளிகள் என அறிவித்தது. மேலும், ஆருஷி-ஹேம்ராஜை கொன்ற குற்றத்துக்காக ராஜேஷ்–நூபுர் தல்வார் தம்பதிக்கு ஆயுள் தண்டனையும் வழங்கப்பட்டது. 2016-ம் ஆண்டு நூபுர் தல்வார் சிகிச்சைக்காக மூன்று வாரங்கள் பரோலில் விடுவிக்கப்பட்டார்.

இந்நிலையில், இந்த வழக்கின் இறுதிக்கட்ட தீர்ப்பு இன்று அலகாபாத் நீதிமன்றத்தால் வழங்கப்பட்டுள்ளது. ஆருஷி பெற்றோரின் மேல்முறையீடு வழக்கின் விசாரணை, கடந்த புதன்கிழமை நிறைவடைந்த நிலையில், தற்போது இந்தக் கொலை வழக்கிலிருந்து ஆருஷியின் பெற்றோருக்கு விடுதலை அளித்து உத்தரவிட்டுள்ளது நீதிமன்றம்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close