Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

தண்ணீரின்றி மக்கள் அவதி... அமைச்சர் ஹெலிபேட்க்கு தண்ணீர் வீணடிக்கப்பட்டதால் சர்ச்சை!

மும்பை: தண்ணீர் பஞ்சத்தால் மக்கள் அவதிப்படும் நிலையில், அமைச்சரின் ஹெலிகாப்டர் தரை இறங்குவதற்காக ஹெலிபேட் அமைப்பதற்கு 10 ஆயிரம் லிட்டர் தண்ணீர் வீணடிக்கப்பட்டு இருப்பது தற்போது மகாராஷ்டிராவில் பெரும் சர்ச்சையை ஏற்படுத்தி உள்ளது.

மகாராஷ்டிர மாநிலத்தின் மராத்வாடா பிராந்தியத்தில் உள்ள லாத்தூர் மாவட்டத்தில் கடும் தண்ணீர் பற்றாக்குறை நிலவி வருகிறது. இந்த மாவட்டங்களில் உள்ள நிலங்கள் வறண்டு காணப்படுகின்றன.

மராத்வாடா பிராந்தியத்துக்கு 27 லட்சம் லிட்டர் தண்ணீருடன் ராஜஸ்தான் மாநிலத்திலிருந்து ரயில் ஒன்று கடந்த வெள்ளிக்கிழமை புறப்பட்டது இதை தொடர்ந்து, 3 சிறப்பு ரயில்கள் மூலம் ராஜஸ்தானிலிருந்து மராத்வாடா பிராந்தியத்துக்கு தண்ணீர் அனுப்பி வைக்கப்பட்டது.

லாத்தூர் மாவட்டத்தில் நிலவும் வறட்சி குறித்து ஆய்வு செய்வதற்காக அம்மாநில பா.ஜ.க. வருவாய்த் துறை அமைச்சர் ஏக்நாத் கட்சே, பெல்குண்ட் எனும் கிராமத்துக்கு கடந்த வெள்ளிக்கிழமை வந்தார்.

அவரது ஹெலிகாப்டர் அந்தக் கிராமத்தில் தரையிறங்குவதற்காக, 10 ஆயிரம் லிட்டர் தண்ணீர் பயன்படுத்தப்பட்டு ஹெலிபேட் அமைக்கப்பட்டு இருக்கிறது.

இந்நிலையில், லாத்தூர் மாவட்டத்தில் நிலவும் கடும் தண்ணீர் பஞ்சத்தையும், மக்கள் படும் அவஸ்தையையும் பொருட்படுத்தாமல், அமைச்சரின் ஹெலிகாப்டர் தரையிறங்குவதற்காக தண்ணீர் வீணாக்கப்பட்டு ஹெலிபேட் அமைக்கபட்டு உள்ளதற்கு பொதுமக்களிடையே கடும் எதிர்ப்பு கிளம்பி உள்ளது.

மேலும், இந்த செயலுக்கு எதிர்க்கட்சியான தேசியவாத காங்கிரஸ் கடும் கண்டனம் தெரிவித்துள்ளதை தொடர்ந்து இந்த விவகாரம் மகாராஷ்டிர மாநிலத்தில் மேலும் சர்ச்சையை ஏற்படுத்தி வருகிறது.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close