Vikatan.com

www.vikatan.com would like to send you push notifications.

Notifications can be turned off anytime from browser settings.

'கோஹினூர் வைரத்தை பெறுவோம்'- அரசின் திடீர் மாற்றத்துக்கு காரணம் என்ன?

 

இங்கிலாந்திடம் உள்ள கோஹினூர் வைரத்தின் வரலாற்றை மட்டுமே சொலிசிட்டர் ஜெனரல் தெரிவித்தார் என்றும், கோஹினூர் வைரத்தை சுமுகமாக திரும்பப் பெற எல்லா முயற்சிகளும் மேற்கொள்வோம் என்றும் மத்திய அரசு திடீரென கூறியுள்ளது.

மிகவும் பழமையான, அரிய பொக்கிஷமாக கருதப்படும் கோஹினூர் வைரம், இங்கிலாந்துக்கு பரிசாக  இந்தியா கொடுத்தது. இந்த வைரம், இங்கிலாந்து மகாராணியின் மணிமகுடத்தில் பொருத்தப்பட்டுள்ளது. அவ்வப்போது, லண்டன் அருங்காட்சியகத்தில் காட்சிக்கு வைக்கப்படுகிறது.

இதனிடையே, கோஹினூர் வைரத்தை இங்கிலாந்திடம் இருந்து திரும்பப் பெற வேண்டும் என்ற கோரிக்கை நீண்ட காலமாக எழுப்பப்பட்டு வருகிறது. தற்போது, இக்கோரிக்கையை வலியுறுத்தி, உச்ச நீதிமன்றத்தில் மனு ஒன்று தாக்கல் செய்யப்பட்டுள்ளது. இதன் மீதான விசாரணையின்போது, ‘கோஹினூர் வைரத்தை திரும்ப கேட்கக்கூடாது என்பதுதான் மத்திய கலாசார அமைச்சகத்தின் நிலைப்பாடு’ என்று மத்திய அரசின் சொலிசிட்டர் ஜெனரல் கூறினார். இதனால், கோஹினூர் வைரம் மீதான உரிமையை இந்தியா விட்டுக்கொடுத்து விட்டதாக கருதப்பட்டது.

இந்நிலையில், மத்திய அரசின் நிலையில் ஒரே நாளில் மாற்றம் ஏற்பட்டுள்ளது. இதுகுறித்து நேற்றரவு மத்திய அரசு வெளியிட்ட செய்திக்குறிப்பில், கோஹினூர் வைரம் பற்றிய மத்திய அரசின் கருத்து, இன்னும் நீதிமன்றத்துக்கு தெரிவிக்கப்படவில்லை. ஆனால், ஊடகங்களில் தவறாக புரிந்து கொள்ளப்பட்டு செய்திகள் வெளியாகி உள்ளன. அந்த செய்தி, உண்மையின் அடிப்படையில் அமையவில்லை.

உண்மை நிலவரம் என்னவென்றால், நீதிமன்றத்தில் பொதுநலன் மனு இன்னும் ஏற்கப்படவில்லை. வைரம் பற்றிய இந்திய அரசின் கருத்தைக் கேட்குமாறு சொலிசிட்டர் ஜெனரலை நீதிமன்றம் கேட்டுக்கொண்டது. அதற்கு சொலிசிட்டர் ஜெனரல், கோஹினூர் வைரத்தின் வரலாற்றை மட்டுமே தெரிவித்தார். ஆகவே, இந்திய அரசு தனது கருத்தை இன்னும் நீதிமன்றத்துக்கு தெரிவிக்கவில்லை என்பதே உண்மை. அரசின் நிலைப்பாட்டை கேட்டுப்பெற கால அவகாசம் வேண்டும் என்று சொலிசிட்டர் ஜெனரல் கேட்டதால், உச்ச நீதிமன்றம் 6 வார கால அவகாசம் அளித்தது.

இந்த நேரத்தில், கோஹினூர் வைரத்தை சுமுகமான முறையில் மீட்டுக் கொண்டுவர எல்லாவிதமான முயற்சிகளும் மேற்கொள்ளப்படும் என்று அரசு மீண்டும் உறுதிபட தெரிவித்துக்கொள்கிறது. இதில் சுமுக தீர்வு உருவாகும் என்று இந்திய அரசுக்கு நம்பிக்கை உள்ளது" என்று கூறப்பட்டுள்ளது.

எடிட்டர் சாய்ஸ்

MUST READ