Vikatan.com

www.vikatan.com would like to send you push notifications.

Notifications can be turned off anytime from browser settings.

ஜெ.பிரசாரக் கூட்டத்தில் உயிர்ப்பலிகள்: அரசுக்கு மனித உரிமை ஆணையம் நோட்டீஸ்!

புதுடெல்லி: தமிழக முதல்வர் ஜெயலலிதா கலந்துகொண்டு பேசிய பிரசாரக் கூட்டங்களில்,  5 பேர் வெயில் கொடுமை தாங்காமல் பலியான விவகாரத்தில், தமிழக அரசுக்கு தேசிய மனித உரிமை ஆணையம் விளக்கம் கேட்டு நோட்டீஸ் அனுப்பியுள்ளது.

தமிழ்நாடு சட்டமன்ற தேர்தல் வருகிற 16ம் தேதி நடைபெற உள்ளது. இதற்கான ஏற்பாடுகளைத்  தேர்தல் ஆணையம் விரிவாகச் செய்துள்ளது. தேர்தலை முன்னிட்டு அனைத்துக் கட்சித் தலைவர்களும், சுட்டெரிக்கும்  கோடை வெயில் நேரத்திலும் தீவிர பிரசாரம் மேற்கொண்டு வருகின்றனர். அனைத்துத் தரப்பு மக்களும் வீடுகளில் தஞ்சம் அடைந்துள்ள சூழலில், அரசியல் கட்சிகள் பகல் நேரத்தில் செய்யும் பிரசாரம் பெரும் அதிருப்தியை மக்கள் மத்தியில் ஏற்பட்டுள்ளது.

கடந்த மாதம் நடந்த ஜெயலலிதா பங்கேற்ற இரண்டு பிரசாரக் கூட்டங்களில், கடும் வெயில் காரணமாக 5 பேர் அடுத்தடுத்து மயங்கிவிழுந்து உயிரிழந்தனர். இது கட்சிகள் கடந்து அனைத்து தரப்பினர் மத்தியிலும் கடும் அதிர்ச்சியை ஏற்படுத்தியது. இது தொடர்பாக அனைத்து எதிர்க்கட்சிகளும் தேர்தல் ஆணையத்தில் புகார் கூறி இருந்தன.  சமூக வலைத்தளங்களிலும், ஊடகங்களிலும் பிரசாரக் கூட்டம் சென்றால் சாக வேண்டுமா என்றும், இதில் தேர்தல் ஆணையம் தலையிட்டு உரிய நடவடிக்கை எடுக்கவேண்டும் என்றும், உச்சிவெயில் நேரத்தில் ஜெயலலிதா பிரசாரம் செய்ய தடை விதிக்க வேண்டும் என்றும் வலியுறுத்தப்பட்டது.     

இந்நிலையில் டெல்லியில் உள்ள தேசிய மனித உரிமை ஆணையத்தின் தலைவர் எச்.எல்.தத்துவை பாமக வை சேர்ந்த முன்னாள் மத்திய அமைச்சர் ஆர்.வேலு சந்தித்து ஒரு புகார் மனு கொடுத்தார்.

அதில், " அ,தி.மு.க. பொதுச்செயலாளர் ஜெயலலிதா பங்கேற்கும் தேர்தல் பிரசார கூட்டங்களில் கலந்துகொள்பவர்களுக்கு அடிப்படை வசதிகள் ஏதும் இல்லாததால் 5 உயிர்கள் பறிக்கப்பட்டுள்ளது. விருத்தாசலத்தில் நடந்த கூட்டத்தில் 2 பேரும், சேலத்தில் நடைபெற்ற கூட்டத்தில் 3 பேரும் உயிர் இழந்தனர். இந்த கூட்டங்களில் கலந்துகொள்ள ஒவ்வொருவருக்கும் தலா ரூ.3 ஆயிரம் மற்றும் கிராமப்புற வேலைவாய்ப்பு திட்டத்தின் கீழ் ஒரு நாள் கூலியும் தரப்படுகிறது. மக்கள் கடும் வெயிலில் திறந்தவெளியில் உட்கார வைக்கப்படுவதும், அவர்களுக்கு அடிப்படை வசதிகள் எதுவும் தரப்படாததும் மிகப்பெரிய மனித உரிமை மீறலாகும்.

தேசிய மனித உரிமை ஆணையம் உடனடியாக இதில் தலையிட்டு மனித உயிர்கள் பலியாவதை தடுக்கும் வகையில் நடவடிக்கை எடுக்க வேண்டும். ஜெயலலிதா மீது உரிய நடவடிக்கை எடுக்க வேண்டும் என்று கூறப்பட்டது." என்று குறிப்பிடப்பட்டிருந்தது.

இதனைத் தொடர்ந்து தமிழகத்தில் அரசியல் கட்சிகள். கடும் வெயிலில் தேர்தல் பிரசார பொதுக்கூட்டம் நடத்துவது பற்றி பதில் அளிக்குமாறு தமிழக அரசுக்கு. தேசிய மனித உரிமைகள் ஆணையம் நோட்டீஸ் அனுப்பி உள்ளது. அதில் 2 வாரங்களில் பதில் அளிக்குமாறு தமிழக அரசைக் கேட்டுக் கொண்டு உள்ளது.

பகலில் சுட்டெரிக்கும் வெயிலில் நடத்தப்படும் பொது கூட்டங்களில், மனித உரிமைகள் மீறப்படுவதாக குற்றச்சாட்டு எழுந்து உள்ளது. எனவே  இது தொடர்பாக தமிழக அரசின் தலைமை செயலாளர் மற்றும் டி.ஜி.பி. ஆகியோர் பதில் அளிக்குமாறு மனித உரிமைகள் ஆணையம் நோட்டீஸ் அனுப்பியுள்ளது.
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ