Vikatan.com

www.vikatan.com would like to send you push notifications.

Notifications can be turned off anytime from browser settings.

'ரகுராம் ராஜனால வட்டி ஏறுது... அவரை நீக்குங்கோ!' - சிடுசிடு சுப்பிரமணியன் சுவாமி!

புதுடெல்லி: ரிசர்வ் வங்கி கவர்னர் ரகுராம் ராஜன் நடவடிக்கையால் வட்டி விகிதம் ஏறுகிறது. எனவே, அவரை அப்பதவியில் இருந்து நீக்க வேண்டும் என சுப்பிரமணியன் சுவாமி கூறியுள்ளார்.

பா.ஜ.க.வின் மூத்த தலைவர்களில் ஒருவரான சுப்பிரமணியன் சுவாமி, அவ்வப்போது சர்ச்சைக்குரிய கருத்துக்களை கூறி வருகிறார். இந்நிலையில், சமீபத்தில் அவர் பா.ஜ.க.வின் மாநிலங்களவை எம்.பி.யாக நியமிக்கப்பட்டார். அதன் பின்னர் அவர், நாடாளுமன்றத்திலும் சர்ச்சைக்குரிய கருத்துக்களை வெளியிட்டு, அதற்கு கண்டனமும் தெரிவிக்கப்பட்டது.

இந்நிலையில், இந்திய ரிசர்வ் வங்கி கவர்னர் ரகுராம் ராஜனை பதவி நீக்கம் செய்ய வேண்டும் என சுப்பிரமணியன் சுவாமி கூறியுள்ளார்.

இதுகுறித்து அவர் செய்தியாளர்களிடம் கூறுகையில், ''ரிசர்வ் வங்கி கவர்னர் ரகுராம் ராஜன் நமது நாட்டிற்கு சரியானவர் கிடையாது. அவருடைய நடவடிக்கைகள் வட்டி விகிதத்தை ஏற்றுவதாக இருக்கிறது. பணவீக்கத்தை கட்டுப்படுத்தவும், பொருளாதாரத்தை நிலைப்படுத்தவும் அவர் எடுத்த நடவடிக்கைகள் நாட்டின் பொருளாதாரத்தில் பெரிய பாதிப்பை ஏற்படுத்தி இருக்கிறது.

என்னுடைய கருத்து என்னவென்றால், ரகுராம் ராஜனை, இந்திய ரிசர்வ் வங்கி கவர்னர் பதவியில் இருந்து எவ்வளவு சீக்கிரம் முடியுமோ, அவ்வளவு சீக்கிரத்தில் நீக்க வேண்டும்'' என்றார்.

எடிட்டர் சாய்ஸ்