Vikatan.com

www.vikatan.com would like to send you push notifications.

Notifications can be turned off anytime from browser settings.

புதுவையில் 6ம் தேதி நாராயணசாமி தலைமையிலான அமைச்சரவை பதவியேற்பு: தொண்டர்கள் போராட்டம்!

 

ரு வழியாக புதுச்சேரியில் சட்டமன்றத் தேர்தல் முடிவுகள் வெளிவந்து இரண்டு வாரங்களுக்குப் பிறகு காங்கிரஸ் கட்சி பதவியேற்பு விழாவிற்கான தேதி குறிக்கப்பட்டுவிட்டது. தேர்தலில் வெற்றி பெறுவதற்குக் கூட காங்கிரஸ் இவ்வளவு பிரச்னைகளை சந்தித்திருக்காது. ஆனால், வெற்றி பெற்று அமைச்சரவையை முடிவு செய்தவதற்குள் துவண்டுதான் போய்விட்டனர் அதன் தலைவர்கள்.

புதுச்சேரியில் நடைபெற்ற சட்டமன்றத் தேர்தலில் காங்கிரஸ்-தி.மு.க கூட்டனி 17 இடங்களில் வெற்றி பெற்று ஆட்சியை கைப்பற்றியது. ஆனாலும், முதலமைச்சர் பதவிக்கு கடும் போட்டி நிலவியதால் அனைத்து முன்னணித் தலைவர்களும் டெல்லிக்கும், புதுச்சேரிக்கும் மாறி மாறி பறந்தார்கள். பதவியேற்பு தள்ளிப்போனதால், எதிர்கட்சிகளும், ஊடகங்களும் காங்கிரஸ் கட்சியை வறுத்தெடுக்க ஆரம்பித்தன.

இந்நிலையில், கடந்த 28-ம் தேதி புதுச்சேரிக்கு வந்த காங்கிரஸ் மேலிடப் பார்வையாளர்கள் முகுல் வாஸ்னிக்கும், ஷீலா தீட்ஷித்தும் எம்.எம்.ஏ.க்கள் கூட்டம் நடத்தி நாராயணசாமியை முதலமைச்சராக அறிவித்துவிட்டு, அப்பாடா என்று அமருவதற்குள், அமைச்சர் பதவிகள் யாருக்கு என்ற அடுத்த சிக்கல் எழுந்தது. இதற்கிடையில் நாராயணசாமியை முதல்வராக அறிவித்ததற்கு எதிர்ப்பு தெரிவித்து காங்கிரஸ் தலைவர் நமச்சிவாயத்தின் ஆதரவாளர்கள் கடும் போராட்டத்தில் குதிக்க ரணகளமானது புதுச்சேரி.

இந்நிலையில், அமைச்சர் பதவிகளுக்கும் கடும் போட்டி நிலவியதால் மீண்டும் அனைவரும் டெல்லி நோக்கி படையெடுத்தனர். அமைச்சர் பதவி வேண்டும் என்று கேட்டதைவிட சபாநாயகர் பதவி வேண்டாம் என்று சொன்னவர்களே அதிகம். சபாநாயகர் பதவியில் இருந்தால் அடுத்த தேர்தலில் வெற்றிபெற முடியாது என்ற நம்பிக்கையால் அந்தப் பதவியை ஒதுக்க ஆரம்பித்தனர் அனைவரும். அதற்காக முதல் ஆளாய் டெல்லிக்கு பறந்தது முன்னாள் முதல்வர் வைத்திலிங்கம். இந்தப் பிரச்னையினால் பதவியேற்பு மேலும் ஒரு வாரம் தள்ளிப் போனது. இதற்கிடையில் அமைச்சர் பட்டியலை இறுதி செய்வதற்காக முதலமைச்சர் நாராயணசாமியும், காங்கிரஸ் தலைவர் நமச்சிவாயமும் டெல்லி சென்று காங்கிரஸ் தலைவர் சோனியாவையும், ராகுலையும் சந்தித்தனர்.

இந்நிலையில், நேற்று (3-ம் தேதி) டெல்லியில் நடந்த காங்கிரஸ் கட்சியின் மூத்த தலைவர்கள் கூட்டத்தில் வைத்திலிங்கத்தை சபாநாயகர் பதவியை ஏற்றுக்கொள்ளும்படி அறிவுறுத்தப்பட்டது. தொடர்ந்து, இன்று (4-ம் தேதி) காலை நமச்சிவாயம், கமலக்கண்ணன், கந்தசாமி, ஷாஜகான், மல்லாடி கிருஷ்ணாராவ் போன்றவர்களும் அமைச்சர்களாக அறிவிக்கப்பட்டனர். அதோடு, முதலமைச்சர் நாராயணசாமி உட்பட புதிய அமைச்சர்கள் அனைவரும் வரும் 6-ம் தேதி திங்கட்கிழமை நன்பகல் 12.10 மணியளவில் கடற்கரை காந்தித் திடலில் பொதுமக்கள் முன்னிலையில் பதவி ஏற்பார்கள் என்று அறிவிக்கப்பட்டதோடு, உடனே கடற்கரை சாலையில் அதற்கான பணிகளும் துவங்கப்பட்டுவிட்டது.

இந்நிலையில், முன்னாள் முதல்வர் வைத்திலிங்கத்திற்கு அமைச்சர் பதவி அளிக்காததைக் என்பதை கண்டித்து அவரது ஆதரவாளர்கள் மடுகரை மற்றும் கரியமாணிக்கம் உள்ளிட்ட பகுதிகளில் போராட்டத்தில் குதித்தனர். மேலும், நாராயணசாமியின் வீட்டை முற்றுகையிட்டதோடு வைத்திலிங்கத்தின் வீட்டையும் முற்றுகயிட்டு, அமைச்சர் பதவி தரவில்லை என்றால் ராஜினாமா செய்யுங்கள் என்று கோஷம் எழுப்பினர்.

அதேபோல, முன்னாள் அமைச்சர் லட்சுமி நாராயணனுக்கு அமைச்சர் பதவி வழங்கவில்லை என்பதை கண்டித்த அவரது ஆதரவாளர்கள் காங்கிரஸ் கட்சி அலுவலகத்திற்கு பூட்டு போட்டு போராட்டத்தில் ஈடுபட பரபரப்பு தொற்றிக் கொண்டது புதுச்சேரியில்.

கோஷங்களும், கோஷ்டிப் பூசல்களும் இல்லாதது காங்கிரஸ் கட்சியாக இருக்க முடியுமா என்ன?

-ஜெ.முருகன்

படங்கள்: அ.குருஸ்தனம்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ