Vikatan.com

www.vikatan.com would like to send you push notifications.

Notifications can be turned off anytime from browser settings.

மாணவர்களுக்கு பயிற்சி அளிக்கவே ஜிப்மர் தேர்வு எழுதினேன்: பள்ளி முதல்வர் விளக்கம்!

புதுச்சேரி: எனது அனுபவத்தின் மூலம் பள்ளி மாணவர்களுக்கு கூடுதல் பயிற்சி அளிப்பதற்காகவே ஜிப்மர் தேர்வு எழுதினேன் என 44 வயது தனியார் பள்ளி தலைமையாசிரியர் கூறியுள்ளார்.

புதுச்சேரி, கோரிமேட்டில் இயங்கி வருகிறது மத்திய அரசின் ஜிப்மர் மருத்துவக் கல்லூரி மற்றும் மருத்துவமனை. ஒவ்வொரு வருடமும் இந்தக் கல்லூரியில் இருக்கும் 150 மருத்துவப்படிப்புக்கான இடங்களை இந்தியா முழுவதிலும் இருந்து தேர்ச்சி பெறும் மாணவர்களைக் கொண்டு நிரப்பப்படும். இந்த வருடம் முதல் காரைக்காலிலும் ஜிப்மரின் கிளை தொடங்கப்பட்டு அதில் 50 மருத்துவப்படிப்புக்கான இடங்கள் சேர்க்கப்பட்டிருக்கிறது.

இந்த 200 மருத்துவ இடங்களை நிரப்புவதற்கான அகில இந்திய அளவில் நுழைவுத் தேர்வு கடந்த 5-ம் தேதி 270 மையங்களில் நடைபெற்றது. பின்னர் இந்தத் தேர்விற்கான முடிவுகள் கடந்த 14-ம் தேதி வெளியிடப்பட்டது. அந்தப் பட்டியலில் 44 வயதுடைய புதுச்சேரியைச் சேர்ந்த சரவணன் என்பவர் பெயர் இருந்தது பெரும் சர்ச்சையை ஏற்படுத்தியதுடன், அனைவரையும் அதிர்ச்சியடைய வைத்தது. இது தொடர்பாக நடந்த விசாரணையில் தேர்வில் வெற்றி பெற்ற சரவணன் என்பவர் லாஸ்பேட்டையில் இயங்கிவரும் ஒரு தனியார் பள்ளியின் தலைமை ஆசிரியர் என்பது தெரிய வந்தது.

இதற்கிடையே, தட்டாஞ்சாவடி தொகுதியைச் சேர்ந்த என்.ஆர்.காங்கிரஸ் எம்.எல்.ஏ அசோக் ஆனந்து, 1972-ம் ஆண்டு பிறந்த ஒருவர், நுழைவுத் தேர்வில் வெற்றி பெற்றிருப்பது எப்படி சாத்தியமாகும் என்றும், இதில் பெரிய அளவில் முறைகேடு நடந்திருக்கிறது என்றும் குற்றம் சாட்டினார்.

ஜிப்மர் தேர்வு எழுதியது ஏன் என்பது குறித்து தலைமையாசிரியர் சரவணனிடம் கேட்டபோது, “மத்திய அரசின் கீழ் இயங்கி வரும் ஜிப்மர் நுழைவுத் தேர்வை 55 வயது வரை யார் வேண்டுமானாலும் எழுதலாம் என்று விதிமுறையில் இருக்கின்றது. அதன் அடிப்படையில்தான் நான் நுழைவுத் தேர்வை எழுதினேன்.

மேலும், எங்கள் பள்ளியில் கடந்த ஆண்டுதான் +1 வகுப்பு தொடங்கப்பட்டு மாணவர்கள் சேர்க்கப்பட்டனர். இந்த வருடம் +2 தேர்வு எழுத இருக்கும் அந்த மாணவர்களுக்கு ஜிப்மர் நுழைவுத் தேர்வு எழுதுவது குறித்தும் நாங்கள் பயிற்சி அளித்துக் கொண்டிருக்கிறோம். எனது அனுபவத்தை வைத்து மாணவர்களுக்கு கூடுதல் பயிற்சி அளிக்க முடியும் என்பதால் மட்டுமே நுழைவுத் தேர்வில் கலந்து கொண்டேன். ஆனால், தற்போது நான் அதில் வெற்றி பெற்றிருப்பது உண்மையில் மகிழ்ச்சி. மேலும், பள்ளி நிர்வாகம் அனுமதி அளித்தால் 'மாணவனாக' ஜிப்மர் மருத்துவக் கல்லூரிக்கு செல்ல தயாராகவே இருக்கிறேன்” என்றார்.

இவர் கல்லூரியில் சேரவில்லை என்றால் அந்த வாய்ப்பு அடுத்த இடத்தில் இருக்கும் மாணவருக்கு சென்றுவிடும். எது எப்படி இருந்தாலும் மாணவர்களுக்கு சொல்லி கொடுக்க வேண்டும் என்பதற்காக தேர்வெழுதிய இந்த நல்லாசிரியரை நாம் பாராட்டியே ஆக வேண்டும்.

-ஜெ.முருகன்


படம்: அ.குரூஸ்தனம்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ