Vikatan.com

www.vikatan.com would like to send you push notifications.

Notifications can be turned off anytime from browser settings.

தொல்லை விலங்குகளை கொல்ல மத்திய அரசு முடிவு; தடை விதிக்க மறுத்தது உச்ச நீதிமன்றம்

புதுடெல்லி: மனிதர்களுக்கு தொல்லை தரும் "நீல்கய்' வகை மான்கள், குரங்குகள், காட்டுப் பன்றிகள் ஆகிய விலங்குகளைக் கொல்வதற்கு அனுமதி வழங்கியுள்ள மத்திய அரசின் நடவடிக்கைக்குத் தடை விதிக்க முடியாது என்று உச்ச நீதிமன்றம் கூறிவிட்டது.

பிகார், ஹிமாசலப் பிரதேசம், உத்தரகண்ட் ஆகிய மாநிலங்களில் முறையே "நீல்கய்' வகை மான்கள், குரங்குகள், காட்டுப் பன்றிகள் ஆகிய வனவிலங்குகளை, மனிதர்களுக்கு தொல்லை தரும் விலங்குகளாக அறிவித்து, அவற்றைக் கொல்வதற்கு மத்திய அரசு அறிவிக்கை வெளியிட்டிருந்தது. அந்த அறிவிக்கையை ரத்து செய்யக் கோரி, உச்ச நீதிமன்றத்தில் கெளரி மெளலேகி மனு தாக்கல் செய்தார்.

'எவ்வித விசாரணையுமின்றி விலங்குகளைக் கொல்வற்கு அனுமதியளிப்பது சட்ட விரோதச் செயலாகும். இது, அரசின் சர்வாதிகாரப் போக்கைக் காட்டுகிறது. "நீல்கய்' வகை மான்களும், காட்டுப் பன்றிகளும் சுற்றுச்சூழல் சமநிலையில் கடுமையான தாக்கத்தை ஏற்படுத்தும் என்ற உண்மையை மத்திய அரசு புறந்தள்ளி விட்டது' என்று அந்த மனுவில் கூறப்பட்டிருந்தது.

இந்த மனு நேற்று நீதிபதி ஆதர்ஷ் குமார் கோயல் தலைமையிலான அமர்வு முன்னிலையில் விசாரணைக்கு வந்தது. மனுதாரர்கள் சார்பில் ஆஜரான மூத்த வழக்குரைஞர்கள் ஆனந்த் குரோவர், சித்தார்த் லுத்ரா ஆகிய இருவரும் வாதிடுகையில், ""வனவிலங்குகள் குறித்து அறிவியல்பூர்வமான ஆய்வு எதையும் மேற்கொள்ளாமல், மத்திய அரசு அறிவிக்கைகளை வெளியிட்டுள்ளது. எனவே அந்த அறிவிக்கையை உச்ச நீதிமன்றம் ரத்து செய்ய வேண்டும்'' என்று வாதிட்டனர்.

 

எனினும், 'விலங்குகள் நல ஆர்வலர்களின் மனுக்களை பரிசீலிப்பதற்குத் தயாராக இருப்பதாகத் தெரிவித்த உச்ச நீதிமன்றம், விசாரணையை  ஜூலை 15-ஆம் தேதிக்கு ஒத்திவைத்தது. மேலும், விலங்குகள் நல ஆர்வலர்கள், தங்களது கோரிக்கைகளை மத்திய அரசிடம் தெரிவிக்க வேண்டும் என்றும், அந்தக் கோரிக்கைகள் தொடர்பாக, மத்திய அரசு 2 வாரங்களில் பரிசீலிக்க வேண்டும் என்றும் உச்ச நீதிமன்றம் தெரிவித்துள்ளது.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ