Vikatan.com

www.vikatan.com would like to send you push notifications.

Notifications can be turned off anytime from browser settings.

'கராத்தே' பெண்ணிடம் பாலியல் வம்பு : தர்மஅடி வாங்கினார் உபேர் டிரைவர்!

கொல்கத்தாவில் காரில் வந்த பெண்ணிடம் பாலியல் தொந்தரவு செய்த உபேர் டிரைவர் 'தப்பித்தோம் பிழைத்தோம்' என ஓட்டம் பிடித்தார். ஏனென்றால் அந்த பெண்ணுக்கு கராத்தே தெரிந்திருக்கிறது.

கொல்கத்தா ஜதாவ்பூர் பல்கலையில் படித்து வரும் அந்த 27 வயது மாணவி, கடந்த திங்கட் கிழமை இரவு 10. 20 மணியளவில் வீட்டிற்கு செல்வதற்காக  உபேர் டாக்சியை   புக் செய்துள்ளார். ஆரன்ய பவன் என்ற இடத்தில் அவரது தோழி இறங்கி விட, கார் செல்ல வேண்டிய பாதையில் செல்லாமல் வேறு பாதையில்  சென்றுள்ளது. இதையடுத்து அந்த மாணவி கூச்சலிட்டுள்ளார். அதற்கு அந்த டிரைவர்,  'பேசால் இரு... கூச்சலிட்டால் உன்னை பாலியல் பலாத்காரம் செய்து விடுவேன்' என பதிலுக்கு மிரட்டியுள்ளர். 

இதையடுத்து  கராத்தே   தெரிந்த அந்த மாணவி, டிரைவரை கடுமையாகத் தாக்கத் தொடங்கியுள்ளார். இதனால் காரின் வேகம் குறையத் தொடங்க, அந்த சமயத்தில் காரில் இருந்து  வெளியே குதித்துள்ளார்.  டிரைவரும் காரை நிறுத்தி  மாணவியை விரட்டிச் சென்றுள்ளார். அப்போது அந்த  மாணவி, டிரைவரை தாறுமாறகத் தாக்கத் தொடங்கியுள்ளார். இதனால் அந்த டிரைவர் ஆத்திரத்தில் காரை ஏற்றி அந்த மாணவியை கொலை செய்யவும் முயற்சித்துள்ளார். அப்போது சாலையோரத்தில் இருந்த தடுப்பு கம்பியை தாண்டிக் குதித்து, அந்த மாணவி உயிர் தப்பித்துள்ளார். பின்னர் அந்த டிரைவர் காரை எடுத்துக் கொண்டு ஓடிவிட்டார்.

இது குறித்து அந்த மாணவி கொல்கத்தாவிலிருந்து வெளிவரும் ஆங்கில பத்திரிகை ஒன்றுக்கு அளித்துள்ள பேட்டியில் '' கடந்த 15 வருடங்களுக்கு முன் கராத்தே கற்றிருந்தேன். அந்த அனுபவம்தான் இப்போது எனக்கு உதவி செய்தது. அந்த டிரைவரின் முகத்தில் கையால் தாக்கினேன். அவரது பின்னங்காலில் உதைத்து கீழே விழ வைத்தேன். ஆனால் மீண்டும் எழுந்து என்னைத் தாக்கத் தொடங்கினார். நான் ஓடத் தொடங்கினேன். பாலியல் வன்முறைக்கு இலக்காக நான் விரும்பவில்லை. அதற்காகவே எனது பலத்தையெல்லாம் திரட்டிப் போராடினேன்''  என தெரிவித்துள்ளார்.

கடந்த செவ்வாய்க்கிழமை, அந்த பெண் இது குறித்து போலீசில் புகார் அளித்தார். தொடர்ந்து கார் டிரைவர் சந்து பிரமானிக் என்பவர் கைது செய்யப்பட்டுள்ளார்.

இப்போது அந்த 'தைரிய' மாணவிக்கு வாழ்த்துக்கள் குவிந்து வருகின்றன.

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ