Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இடைக்கால தடை... வங்கி ஊழியர்கள் வேலைநிறுத்தம் தற்காலிகமாக ஒத்திவைப்பு!

புதுடெல்லி: நாடு முழுவதும் இன்றும், நாளையும் நடைபெறுவதாக இருந்த வங்கி ஊழியர்களின் வேலைநிறுத்தம், டெல்லி உயர் நீதிமன்ற இடைக்கால தடை காரணமாக தற்காலிகமாக ஒத்தி வைக்கப்பட்டுள்ளது.

பாரத ஸ்டேட் வங்கியின் கிளை வங்கிகளை, பாரத ஸ்டேட் வங்கியுடன் இணைப்பது
மற்றும் ஐ.டி.பி.ஐ வங்கியை தனியார்மயமாக்குவது என்ற மத்திய அரசின் முடிவை எதிர்த்து இன்றும், நாளையும் வேலைநிறுத்தப் போராட்டத்திற்கு, அகில இந்திய வங்கி ஊழியர்கள் சங்கம் அழைப்பு விடுத்திருந்தது.

இந்த வேலைநிறுத்தத்தை தடுத்து நிறுத்தும் வகையில் டெல்லியில் கடந்த வெள்ளிக்கிழமை மத்திய தொழிலாளர் நல ஆணையர் முன்பு தொழிற்சங்க நிர்வாகிகள், மத்திய நிதி அமைச்சகத்தின் அதிகாரிகள், வங்கி நிர்வாகங்கள் கலந்து கொண்ட முத்தரப்பு பேச்சுவார்த்தை தோல்வியில் முடிந்ததால், திட்டமிட்டபடி வேலைநிறுத்தம் நடைபெறும் என்று வங்கி ஊழியர்கள் சங்கம் அறிவித்து இருந்தது.

இந்நிலையில், ஸ்டேட் வங்கியின் மேற்குறிப்பிட்ட 5 துணை வங்கிகளின் நிர்வாகம் சார்பில் டெல்லி உயர் நீதிமன்றத்தில் இந்த வேலைநிறுத்த போராட்டத்துக்கு தடை கோரி மனு தாக்கல் செய்யப்பட்டது. அந்த மனுவை நேற்று விசாரித்த டெல்லி உயர் நீதிமன்றம், வங்கி ஊழியர்களின் வேலைநிறுத்த போராட்டத்துக்கு இடைக்கால தடை விதித்தது.

இதைத்தொடர்ந்து இன்றும், நாளையும் நடைபெறுவதாக இருந்த வங்கி ஊழியர்களின் வேலைநிறுத்த போராட்டம் தற்காலிகமாக ஒத்தி வைக்கப்பட்டு இருப்பதாக அகில இந்திய வங்கி ஊழியர்கள் சங்க பொதுச்செயலாளர் சி.எச்.வெங்கடாசலம் தெரிவித்து உள்ளார். மேலும், அனைத்து வங்கிகளும் வழக்கம்போல் இன்றும், நாளையும் செயல்படும் என்றும் அவர் கூறினார்.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

சமூக வலைதளத்தில் எதிரிகளை தாங்களே உருவாக்குகிறார்களா ட்ரம்ப்பும், மோடியும்?
Advertisement

MUST READ

Advertisement
[X] Close