Vikatan.com

www.vikatan.com would like to send you push notifications.

Notifications can be turned off anytime from browser settings.

பொற்கோயிலில் பாத்திரம் கழுவியது இதற்காகத்தான்! - அரவிந்த் கெஜ்ரிவால் விளக்கம்

புதுடெல்லி: பொற்கோயிலில் பாத்திரங்கள் கழுவியது குறித்து அரவிந்த் கெஜ்ரிவால் கூறும்போது, 'எங்கள் தேர்தல் அறிக்கையில் தெரிந்தோ, தெரியாமலோ நாங்கள் செய்த தவறுக்கு பரிகாரமாக நான் இங்கு வந்து இந்தச் சேவையில் ஈடுபட்டேன்' என்று கூறி உள்ளார்.

பஞ்சாப் மாநிலத்தில் அடுத்த ஆண்டு சட்டமன்ற தேர்தல் நடைபெற உள்ளது. இதில், ஆம் ஆத்மி கட்சி அதிக கவனம் செலுத்தி வருகிறது. இந்நிலையில், சமீபத்தில் ஆம் ஆத்மி இளைஞர் பிரிவு கொள்கை அறிக்கை வெளியிடப்பட்டது. அந்தப் புத்தகத்தில் இடம்பெற்ற பொற்கோயிலின் படம் அருகே, ஆம் ஆத்மி கட்சியின் சின்னமான துடைப்பமும் சேர்த்து அச்சடிக்கப்பட்டு இருந்தது.

இது சீக்கியர்கள் மத்தியில் அதிருப்தியைக் கிளப்ப, அது சர்ச்சையாக வெடித்தது. அதைத் தொடர்ந்து ஆம் ஆத்மி கட்சித் தலைவர் அரவிந்த் கெஜ்ரிவால் மன்னிப்புக் கேட்க வேண்டும் என்று கோரிக்கை வலுத்தது. எரியும் நெருப்பில் எண்ணெய் ஊற்றியது போல, ஆம் ஆத்மி கட்சித் தலைவர் ஒருவர் அக்கட்சியின் தேர்தல் அறிக்கையை சீக்கியர்களின் புனித நூலுடன் ஒப்பிட்டார். இதனால் மேலும் கனன்று எழுந்தது வெறுப்பு. இதனால்  சீக்கியர்களின் கோபம் தேர்தலில் வெளிப்படலாம் என்ற அச்சம் ஆம் ஆத்மி கட்சிக்கு ஏற்பட்டது.

இந்நிலையில் அக்கட்சியின் தேசிய ஒருங்கிணைப்பாளரும், டெல்லி முதல்வருமான அரவிந்த் கெஜ்ரிவால், அமிர்தசரஸ் பொற்கோயிலுக்கு வந்து வழிபட்டதுடன், அங்குள்ள சமுதாய சமையலறைக்குச் சென்று அங்கிருந்த பாத்திரங்களைக் கழுவி சுத்தம் செய்தார். சுமார் 45 நிமிடங்கள் பாத்திரங்களைக் கழுவி பரிகார பணிவிடை புரிந்தார் கெஜ்ரிவால்.

இது குறித்து கெஜ்ரிவால் கூறும்போது, ''எங்கள் தேர்தல் அறிக்கையில் தெரிந்தோ, தெரியாமலோ நாங்கள் செய்த தவறுக்கு பரிகாரமாக நான் இங்கு வந்து இந்தச் சேவையில் ஈடுபட்டேன். இங்கு, பாடப்பட்ட சபாத் கீர்த்தனை எனக்கு மிகுந்த மகிழ்ச்சியை கொடுத்தது. தற்போது எனது மனம் மிகுந்த அமைதி அடைந்துள்ளது" என்றார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ