Vikatan.com

www.vikatan.com would like to send you push notifications.

Notifications can be turned off anytime from browser settings.

மனைவியின் சடலத்தை தோளில் சுமந்த கணவர்..! அமரர் ஊர்தி தர மறுத்த அரசு . (வீடியோ )

 

பழங்குடியினர் ஒருவருக்கு மருத்துவமனை அமரர் ஊர்தி வழங்காததால், அவர் தனது இறந்த மனைவியை தோளில் தூக்கி கொண்டு சென்ற பரிதாப சம்பவம் ஒடிஷாவில் நடைபெற்றுள்ளது. 


அமங் தேய் என்ற 42 வயதான பெண்மணி காசநோயால் அவதிப்பட்டு வந்துள்ளார்.இதையடுத்து அவரது கணவர் தானா மஞ்சி தனது மனைவியை அரசு மருத்துவமனைக்கு அழைத்துச் சென்று சிகிச்சை அளித்துள்ளார்.இந்நிலையில், சிகிச்சை பலனளிக்காமல் அமங் தேய் இறந்துள்ளார். இதையடுத்து தனது மனைவியின் சடலத்தை வீட்டுக்கு எடுத்துச் செல்ல மருத்துவமனை நிர்வாகத்திடம் ஆம்புலன்ஸ் வண்டி கேட்டுள்ளார் தானா மஞ்சி. ஆனால், ஆம்புலன்சிற்கு பணம் கட்ட வேண்டும் என்று மருத்துவமனை அதிகார்கள் கறாராக தெரிவித்துவிட்டது. 

ஆனால், தானா மஞ்சியிடம் ஆம்புலன்சிற்கு கொடுக்க பணம், இல்லாமல் அதிகாரிகளிடம் கெஞ்சியுள்ளார். ஆனால், தானா மஞ்சி பலமுறை கேட்டுப் பார்த்தும் , அமங்கின் உடலை எடுத்துச் செல்ல மருத்துவமனை அமரர் ஊர்தி தரவில்லை.விரக்தியடைந்த தானா மனைவியின் உடலை ஒரு துணியில் சுற்றி தனது கிராமமான மெல்காராவுக்கு நடக்க ஆரம்பித்துவிட்டார். பவானிபட்னாவில் இருக்கும் மருத்துவமனையில் இருந்து அவரது கிராமத்திகு 60 கிலோமீட்டர்.
தானாவுடன் அழுதபடியே, அவரது 12 வயது மகளும் சாலையில் நடக்க ஆரம்பித்தனர். அதைப் பார்த்த சில பத்திரிக்கையாளர்கள், அந்த மாவட்டத்தின் கலெக்டரிடம் விஷயத்தைத் தெரிவித்து, மீதி பயணத்துக்கான ஆம்புலன்ஸ் வசதி செய்து தரப்பட்டது.

 

 


தனியார் தொலைக்காட்சிக்குப் பேட்டியளித்த தானா, " மருத்துவமனை அலுவலர்கள் வாகனங்கள் இல்லையென தெரிவித்துவிட்டனர்.நான் மிகவும் ஏழை, மனைவியின் உடலை எடுத்துச் செல்ல வாகன வசதி ஏற்படுத்திக்கொள்ளும் அளவு பணம் இல்லை என கூறினேன். நான் பலமுறை அழுதும், அவர்கள் மனம் இறங்கி எனக்கு உதவ முன்வரவில்லை" என்றார்
 

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

பரப்பன அக்ரஹாரா சிறை முதல் அப்போலோ அறை வரை...! - ஜெயலலிதாவின் இரண்டு வருட டைம்லைன் #2YearsOfBangaloreVerdict
placeholder

தமிழகமே எதிர்பார்த்துக்கொண்டிருந்த வழக்கில், இரண்டு ஆண்டுகளுக்கு முன் இதே நாளில்தான் தீர்ப்பு வந்தது. வருமானத்துக்கு அதிகமாகச் சொத்து சேர்த்ததாகத் தொடரப்பட்ட அந்த வழக்கில், அ.தி.மு.க பொதுச் செயலாளர் ஜெயலலிதாவுக்கு, நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு அளித்தது. தீர்ப்பு வந்து 731 நாட்கள் ஆகிவிட்டன. அந்த வழக்கிலிருந்து அவர் விடுதலையும் செய்யப்பட்டு, அதன்பின் ஒரு பொதுத் தேர்தலில் மீண்டும் வென்று முதல்வராகவும் பொறுப்பேற்றுவிட்டார். எல்லாம் அவருக்கு நன்றாகப் போய்க்கொண்டிருந்தபோது, ஒரு வியாழக்கிழமை இரவு உடல்நிலை சுகவீனம் அடைந்து அப்போலோவில் அனுமதிக்கப்பட்டார்.

MUST READ