Vikatan.com

www.vikatan.com would like to send you push notifications.

Notifications can be turned off anytime from browser settings.

'தேர்தல் அரசியலில் பெண்களின் பங்கு! - டேட்டா அலசல்'

ஆண்களின் ஆதிக்கமே பிரதானமாக இருக்கும் தேர்தல் அரசியலில், பெண்களின் பங்களிப்பு குறைவாகவே இருந்தாலும், வாய்ப்புக் கிடைத்த பெண்கள் தங்களுக்கான பணிகளில் மெச்சத்தக்க சாதனைகளைச் செய்திருக்கின்றனர். குறிப்பாக தேர்தல் பிரச்சாரத்தின்போதும், கட்சிக் கூட்டங்களிலும், ஆர்பாட்டங்களில் மட்டுமே பெண்களின் பங்கு அதிகமாகப் பயன்படுத்தப்படுகிறது. நாடாளுமன்ற, சட்டமன்றக் களத்திலும் பெண்களுக்கான பிரச்னைகளுக்கும், மற்ற பிரச்னைகளுக்கும் குரல் கொடுக்க எந்த அரசியல் கட்சிகளும் ஆண்களுக்கு இணையாக பெண்களுக்கு வாய்ப்புக் கொடுப்பதில்லை. ஆண்களே நீ, நான் என அடித்துக்கொள்ளும் தேர்தல் அரசியல் களத்தில், இந்தியா சுதந்திரம் பெற்ற காலம் முதல் தற்போது வரை பெண்களின் பங்களிப்பு எத்தகைய அளவில் இருந்துள்ளது என்பதை விரிவாகத் தெரிந்துகொள்வோம்.

நாடாளுமன்றத்தில்:  

 

 

 

 

* தற்போதைய மத்திய அரசின் பிரதமர் நரேந்திர மோடியின் அமைச்சரவையில் மொத்தம் உள்ள 75 அமைச்சர்களில், 8 பெண் அமைச்சர்கள் மட்டுமே உள்ளனர்.

* மக்களவையின் முதல் பெண் சபாநாயகராக மீரா குமார் (2009-2014), தற்போதைய சபாநாயகராக சுமித்ரா மகாஜன் (2014-லிருந்து) என இரண்டு பெண் சபாநாயகர்கள் இடம்பெற்றுள்ளனர்.

* தற்போதைய நாடாளுமன்ற மாநிலங்களவையில் மொத்தமுள்ள 243 உறுப்பினர்களில், 26 பேர் மட்டுமே பெண் உறுப்பினர்கள்.

* சுதந்திர இந்தியாவில் பிரதமராகப் பதவி வகித்த ஒரே பெண், இந்திராகாந்தி மட்டுமே. இவர், 1966-1977 வரை 11 ஆண்டுகள் 59 நாட்களும், 1980-1984 வரை 4 ஆண்டுகள் 291 நாட்களும் என இரண்டு முறை பிரதமராக இருந்திருக்கிறார்.

* சுதந்திர இந்தியாவில் 1951-ம் ஆண்டு நடைபெற்ற முதல் நாடாளுமன்றத் தேர்தலில், திருவள்ளூர் தொகுதியில் வெற்றிபெற்று, தமிழகத்தின் முதல் நாடாளுமன்ற உறுப்பினராகவும், மூன்று முறை மத்திய அமைச்சராகவும் இருந்தார், மரகதம் சந்திரசேகர்.

* இந்தியாவை விட குறைவான மக்கள் தொகைகொண்ட பாகிஸ்தான், வங்கதேச நாடுகளைவிடவும், நம் இந்திய நாடாளுமன்றத்திற்கு தேர்ந்தெடுக்கப்படும் பெண் பிரதிநிதிகளின் எண்ணிக்கை பெருமளவு குறைவு.

தமிழ்நாடு சட்டமன்றத்தில்:

 

 

 

* மொழிவாரியாக மாநிலங்கள் பிரிக்கப்பட்ட பிறகு, சென்னை மாகாணத்துக்கு (இன்றைய தமிழ்நாடு) 1957-ம் ஆண்டு நடைபெற்ற முதல் தேர்தலில் காமராஜர் இரண்டாவது முறையாக முதல்வரானார். காமராஜரின் அமைச்சரவையில் இடம்பெற்றிருந்த ஏழு அமைச்சர்களில், கன்னியாகுமரியைச் சேர்ந்த லூர்தம்மாள் மட்டுமே பெண். உள்ளாட்சி மற்றும் மீன்வளத்துறை அமைச்சராக இருந்த லூர்தம்மாள்தான், சுதந்திரம் பெற்ற பிறகு தமிழகத்தின் முதல் பெண் அமைச்சர் என்பது குறிப்பிடத்தக்கது.

* 1962-ம் ஆண்டு நடைபெற்ற சட்டமன்றத் தேர்தலில், காமராஜர் மூன்றாவது முறையாக முதல்வரானபோது, அவரது அமைச்சரவையில் இடம்பெற்ற 8 அமைச்சர்களில், சுகாதாரம், மகளிர், குழந்தைகள் நல மேம்பாட்டுத் துறையின் அமைச்சராக இருந்த ஜோதி வெங்கடாச்சலம் மட்டுமே பெண்.

* 1967-ம் ஆண்டு நடைபெற்ற சட்டமன்றத் தேர்தலில், அண்ணாதுரை முதல்வரானபோது, ஆதிதிராவிடர் நலத்துறை அமைச்சராக இருந்தார் சத்தியவாணிமுத்து. இவரே 1969-ம் ஆண்டு சுகாதாரம், பெண்கள் நலன் மற்றும் சுற்றுலாத் துறை அமைச்சராகவும் இருந்தார். தமிழகத்தில் இதுவரை, ஒற்றை இலக்கங்களிலேயே பெண் அமைச்சர்கள் இருந்துள்ளனர்.

* தமிழகத்தின் முதல் பெண் முதல்வராக 1988-ம் ஆண்டில் ஜானகி ராமச்சந்திரன் (எம்.ஜி.ஆர் மறைவுக்குப் பின்) பொறுப்பேற்றார். அடுத்து 1991-ல் ஜெயலலிதா முதல்வரானார்.

* அடுத்து 1991-ல் ஜெயலலிதா முதல்வரானார். பின்னர் இவரே நடந்து முடிந்த சட்டமன்றத் தேர்தலில் வெற்றிபெற்று, ஆறாவது முறையாக தமிழக முதல்வரானார்.

* தற்போதைய தமிழக முதலமைச்சர் ஜெயலலிதா தலைமையிலான அமைச்சரவையில், 32 பேர் கொண்ட அமைச்சர்களில் நான்கு பேர் மட்டுமே பெண் அமைச்சர்கள்.

- கு.ஆனந்தராஜ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ