Vikatan.com

www.vikatan.com would like to send you push notifications.

Notifications can be turned off anytime from browser settings.

பட்ஜெட் ரகசியம் முன்கூட்டியே வெளியானதா? - விளக்கும் முதல்வர் நாராயணசாமி

புதுச்சேரி: பட்ஜெட் ரகசியம் முன்கூட்டியே வெளியாகவில்லை என்று சட்டப்பேரவையில் முதல்வர் நாராயணசாமி விளக்கம் அளித்து உள்ளார்.

புதுவை சட்டப்பேரவையில் முதல்வர் நாராயணசாமி நேற்று 206-17 ஆம் ஆண்டிற்கான முழு பட்ஜெட்டை தாக்கல் செய்தார். அப்போது, பட்ஜெட் ரகசியம் முன்கூட்டியே கசிந்து விட்டதாக என்.ஆர். காங்கிரஸ் மற்றும் அ.தி.மு.க.வினர் பிரச்னையை எழுப்பினார்கள். மேலும், பட்ஜெட் ரகசியம் கசிந்து விட்டதால் அரசு ராஜினாமா செய்ய வேண்டும் என்று கூறியதுடன் அ.தி.மு.க.வினர் கவர்னர் கிரண்பேடியை சந்தித்து அரசை டிஸ்மிஸ் செய்ய வேண்டும் என்று மனு அளித்தனர்.

இந்நிலையில், இன்று சட்டப்பேரவை கூட்டதில் காங்கிரஸ் உறுப்பினர் அனந்தராமன் உரையாற்றும்போது, ''நேற்று சட்டப்பேரவையில் என்.ஆர்.காங்கிரஸ் உறுப்பினர்களும், அ.தி.மு.க.வினரும் பட்ஜெட் ரகசியம் கசிந்து விட்டதாக கூறி மோசமான வகையில் நடந்து கொண்டனர். பட்ஜெட்டில் அறிவிக்கப்படும் வரி விகிதங்கள் முன்கூட்டியே வெளியானால் தான் அது பட்ஜெட் ரகசியமாக கருதப்படும்.

அப்படி வெளியானால் வியாபாரிகள் பதுக்கல் போன்ற நடவடிக்கையில் ஈடுபடுவார்கள் என்பதால் அது ரகசியமாக கருதப்பட்டது. துறைகளுக்கு ஒதுக்கப்படும் நிதி தொடர்பாக தகவல் வெளியானால் அது ரகசியம் ஆகாது. இது தெரியாமல் முன்னாள் முதல்வர் தவறான முறையில் பேரவையில் நடந்து கொண்டார், இதை கண்டிக்கிறேன்" என்றார்.

இது குறித்து முதல்வர் நாராயணசாமி கூறும்போது, ''பட்ஜெட் தாக்கல் செய்யும் முன் நாங்கள் அனைத்து கட்சிகளையும் கூட்டி ஆலோசனை நடத்தினோம். அப்போது, ஒவ்வொரு துறைக்கும் எவ்வளவு நிதி ஒதுக்கப் போகிறோம் என உத்தேசமாக தெரிவித்து கட்சியினரின் கருத்துக்களை கேட்டோம். இந்த தகவல் அடங்கிய குறிப்புகளையும் அவர்களிடம் கொடுத்தோம்.

இதைதான் இப்போது வெளியிட்டு பட்ஜெட் ரகசியம் கசிந்ததாக அவர்கள் கூறுகிறார்கள். பட்ஜெட்டில் அறிவிக்கப்படும் வரி தொடர்பாக முன்கூட்டியே வெளியே தெரிந்தால் அது ரகசியமாக கருதப்படும். துறைக்கான நிதி ஒதுக்கீடு ரகசியங்கள் பட்ஜெட் ரகசியம் ஆகாது. அதனால், எதிர்கட்சிகள் கூறிய குற்றச்சாட்டுகளை வாபஸ் பெற வேண்டும். இது தொடர்பான அவர்களின் புகார்களையும் திரும்ப பெற வேண்டும்" என்றார்.

இதையடுத்து சபாநாயகர் வைத்திலிங்கம், ''பட்ஜெட் ரகசியம் என்பது பட்ஜெட்டில் உள்ள வரி சார்ந்தது, மற்ற வி‌ஷயங்கள் ரகசியமாக கருதப்படாது என 1974-ம் ஆண்டே அப்போதைய அ.தி.மு.க. சபாநாயகர் தீர்ப்பு வழங்கி உள்ளார். அதனால், இப்போது பட்ஜெட் ரகசியம் வெளியாகி இருப்பதாக கூறுவதையும், ரகசியம் என்று கருத முடியாது என்று தீர்ப்பு அளிக்கிறேன்" என்றார்.

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ