Vikatan.com

www.vikatan.com would like to send you push notifications.

Notifications can be turned off anytime from browser settings.

மக்கள் வரிப்பணத்தில் புடவை வாங்கினாரா மத்திய அமைச்சர் !? சர்ச்சையை கிளப்பிய வதந்தி

த்திய ஜவுளித் துறை அமைச்சராக இருப்பவர் ஸ்மிருதி இரானி. இதற்குமுன் மனிதவள மேம்பாட்டுத் துறை அமைச்சராக இருந்தார். வழக்கமாக, ஏதாவது ஒரு சர்ச்சையில் சிக்கிக்கொள்பவர். இந்தமுறை புடவை வாங்கிய விவகாரத்தில் சர்ச்சைக்கு ஆளாகி இருப்பதாக வட இந்திய ஊடகங்கள் செய்தி வெளியிட்டு இருக்கின்றன.

சமீபத்தில், தனது துறைக்குக் கீழ்வரும் கைவினைத் தொழிற்சாலை ஆய்வு ஒன்றுக்குச் சென்றிருந்தபோது அங்கு எட்டு லட்சம் மதிப்பிலான புடவைகள் மற்றும் விநாயகர் சிலையை வாங்கி இருக்கிறார். அதற்கான பில்லை தனது உதவியாளர் மூலம் தனது துறைச் செயலாளருக்கு அனுப்பி, கட்டச்சொல்லி இருக்கிறார். 


ஜவுளித் துறை செயலாளராக இருப்பவர் ராஷ்மி வர்மா. இந்தத் துறை அமைச்சராக ஸ்மிருதி இரானி நியமிக்கப்பட்டதில் இருந்து, இவருக்கும் அமைச்சருக்கும் ஏழாம் பொருத்தமாம். கடந்த ஜூன் மாதத்தில் அமைச்சரோடு கலந்து ஆலோசிக்காமல் வர்மா தன்னிச்சையாகத் துறை சார்ந்த முடிவெடுத்துவிட்டார் என்பதில் இருவருக்கும் முட்டல் மோதல் ஆரம்பித்து இருக்கிறது. அதோடு, இன்னொரு விவகாரத்தில் ஸ்மிருதி இரானி, வர்மாவை சக அதிகாரிகள் முன்னிலையில் திட்டி இருக்கிறார்.

தனக்கு அனுப்பப்பட்ட பில்லைக் கண்டு டென்ஷனான வர்மா, ‘‘இந்த பில்லை அரசு செலுத்த முடியாது. அமைச்சர் தனது தனிப்பட்ட பயன்பாட்டுக்காக வாங்கிய பொருட்களுக்கு அரசு பணம் செலுத்தத் தேவையில்லை’’ என்று சொல்லி இருக்கிறார். இதனால், பயங்கர கோபமடைந்திருக்கிறாராம் ஸ்மிருதி இரானி. இது சம்பந்தமாகப் பல புகார்களை அனுப்பியும் வர்மா மீது நடவடிக்கை இல்லை. அதற்குக் காரணம், உள்துறைச் செயலர் பி.கே.சின்ஹாவின் தங்கைதான் இந்த ராஷ்மி வர்மா. 

இந்த விவகாரங்கள் தற்போது பிரதமர் நரேந்திரமோடியின் காதுகளுக்கு எட்டி இருக்கிறது. இந்த விஷயத்தில் அவரது நடவடிக்கை எப்படி இருக்கும் என்று பிரதமர் அலுவலகம் எதிர்பார்த்து காத்து இருக்கிறது. இப்படி ஒரு விவகாரம் கடந்த இரண்டு நாட்களாக ட்விட்டரில் பரவும் இந்த வதந்தி பெரும் சர்ச்சையை ஏற்படுத்தி இருக்கிறது. ‘‘அமைச்சர் பார்க்கும்படி உங்கள் துணிகளைக் காயவைக்காதீர்கள்’’ என்றும், ‘‘இந்த விவகாரம் மட்டும் உண்மை என்றால் ராஜினாமா செய்யவேண்டும்’’ என்றும் சமூக வலைதளங்களில் அவரைக் காய்ச்சி எடுத்துக்கொண்டு இருக்கிறார்கள். இந்நிலையில் அப்படி ஒரு சம்பவம் நடக்கவில்லை என்றும், அது தொடர்பாக எந்த ஒரு பில்லும் ஜவுளித்துறைக்கு அனுப்படவில்லை என்றும் மத்திய அரசின் கைவினைப்பொருட்கள் நிறுவனம் மறுப்பு வெளியிட்டுள்ளது.

 

இதற்கு முன்பான சர்ச்சைகள்:


ஹைதராபாத் பல்கலைக்கழக மாணவர் ரோஹித் வெமுலா தற்கொலை பற்றி அவையில் பேசும்போது தவறான தகவல்களைக் கூறிச் சர்ச்சைகளை ஏற்படுத்தினார். அதற்குப் பிறகு, ஜவஹர்லால் நேரு பல்கலைகழக விவகாரத்திலும் சரியாகச் செயல்படத் தவறிவிட்டார் என்கிற குற்றச்சாட்டுக்கு ஆளானார். இதற்கு எல்லாம் முத்தாய்ப்பாகதான் பி.ஏ படித்திருப்பதாக 2004 தேர்தலில் குறிப்பிட்டு இருந்தார். 2014 தேர்தலில் பி.காம் படித்திருப்பதாக உறுதிமொழி விண்ணப்பத்தில் கொடுத்திருந்தது பெரும் சர்ச்சையை ஏற்படுத்தியது. இதோடு வெளிநாட்டில் இருக்கும் யேல் பல்கலைக்கழகத்தில் பட்டம் பெற்றிருப்பதாகக் குறிப்பிட்டு இருந்ததும், பொய் என்று சுட்டிக்காட்டிய பிறகு, அது ஆறு நாள் சிறப்பு வகுப்புகளில் கலந்துகொண்டதற்கான சான்றிதழ் என்று சமாளித்தார். ஆனால், இந்த விவகாரத்தில் இவர் மீது வழக்குப்பதிவு செய்யப்பட்டு இருக்கிறது. இதுபோல சென்னை ஐ.ஐ.டி-யில் அம்பேத்கர் பெரியார் வாசிப்பு வட்டத்துக்குத் தடை விதித்து பரபரப்பை ஏற்படுத்தினார்.

எப்படியோ சர்ச்சை என்றால் அங்கு ஸ்மிருதியும் இருக்கிறார்.

- சமரன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ