Vikatan.com

www.vikatan.com would like to send you push notifications.

Notifications can be turned off anytime from browser settings.

'தேச இறையாண்மையை விட்டுக் கொடுக்க முடியாது!'- அனைத்துக் கட்சிகளின் ஒற்றுமைக் குரல்

புதுடெல்லி: காஷ்மீர் வன்முறைக்கு தீர்வு காண எல்லா தரப்பினருடனும் பேச்சு வார்த்தை நடத்த வேண்டும். அதேநேரம் இந்தியாவின் இறையாண்மை விஷயத்தில் எவ்வித சமரசமும் செய்து கொள்ளக்கூடாது என்று அனைத்துக்கட்சி தலைவர்கள் வேண்டுகோள் விடுத்துள்ளனர்.

ஹிஸ்புல் முஜாஹிதீன் அமைப்பைச் சேர்ந்த பர்ஹான் வானி என்ற பயங்கரவாதி கடந்த ஜூலை மாதம் ஜம்மு-காஷ்மீரில் சுட்டுக் கொல்லப்பட்டார். அதைத் தொடர்ந்து, காஷ்மீர் பள்ளத்தாக்கில் வன்முறை வெடித்தது. கடந்த இரண்டு மாதங்களாக அங்கு நிலவி வரும் பதற்றமான சூழல் இன்னும் விலகவில்லை.

அதை முடிவுக்கு கொண்டுவர, மத்திய உள்துறை அமைச்சர் ராஜ்நாத் சிங் தலைமையிலான அனைத்துக் கட்சிப் பிரதிநிதிகள் குழு ஜம்மு-காஷ்மீருக்கு கடந்த 4 மற்றும் 5-ஆம் தேதிகளில் பயணம் மேற்கொண்டது. அப்போது, பொதுமக்கள், அரசியல் கட்சிகள், அரசு அலுவலர்கள் என பல்வேறு தரப்பினரிடம் அக்குழுவினர் கலந்துரையாடி கருத்துகளைக் கேட்டறிந்தனர். எனினும், அவர்களைச் சந்திக்க ஹுரியத் உள்ளிட்ட பிரிவினைவாத அமைப்புகளின் தலைவர்கள் மறுத்து விட்டனர்.

இந்நிலையில், ராஜ்நாத் சிங் தலைமையில் டெல்லியில் நேற்று நடைபெற்ற அனைத்துக் கட்சிப் பிரதிநிதிகள் குழுக் கூட்டத்தில் ஜம்மு-காஷ்மீர் பயணம் குறித்தும் இந்த விவகாரம் குறித்தும் விவாதிக்கப்பட்டது. சுமார் 3 மணி நேரம் நடைபெற்ற இந்தக் கூட்டத்தில், காஷ்மீரில் வன்முறை நிறுத்தப்பட வேண்டும் என்று அனைத்துக் கட்சிப் பிரதிநிதிகளும் வலியுறுத்தினர்.

அதன் பின்னர் அவர்கள் அனைவரும் ஒருமனதாக ஒரு அறிக்கையை வெளியிட்டனர். அதில், ''பிரிவினைவாதிகளை பற்றி நேரடியாக குறிப்பிடாமல், ‘காஷ்மீர் மக்கள் வன்முறைபாதையை விலக்கி அனைத்து பிரச்னைகளுக்கும் பேச்சுவார்த்தை மூலம் தீர்வு காணவேண்டும். வன்முறையை முடிவுக்கு கொண்டு வர மாநிலத்தின் அனைத்து தரப்பினரையும் அழைத்து பேச்சுவார்த்தை நடத்துவதற்கான நடவடிக்கைகளை மத்திய அரசும், காஷ்மீர் மாநில அரசும் எடுக்கவேண்டும்.

அதேநேரம் இந்தியாவின் இறையாண்மை விஷயத்தில் எவ்வித சமரசமும் செய்து கொள்ளக்கூடாது. கல்வி நிலையங்கள், வர்த்தக நிறுவனங்கள், அரசு அலுவலகங்களை விரைவில் திறக்க நடவடிக்கை எடுக்கவேண்டும். மேலும், அனைத்துக் குடிமக்களின் பாதுகாப்பை உறுதிப்படுத்தவும், வன்முறையால் பாதிக்கப்பட்ட ராணுவ வீரர்களுக்கும் பொதுமக்களுக்கும் மருத்துவ உதவிகளை வழங்கவும் தேவையான நடவடிக்கைகளை எடுக்க வேண்டும்" என்று கூறப்பட்டு இருந்தது.

 

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

13 நாட்களில் சரண் அடைந்த பாகிஸ்தான் இப்போது துள்ளுவது ஏன்?
கோல்... கோல்... கோல்..! ஐ.எஸ்.எல். ஆரம்பம் #LetsFootball
அரசியல்வாதிகளுக்கும் நெட்டிசன்களுக்கும் ஒரு நெருங்கிய ஒற்றுமை உள்ளது... அது என்னவென்று தெரியுமா...? (வீடியோ)

MUST READ