Vikatan.com

www.vikatan.com would like to send you push notifications.

Notifications can be turned off anytime from browser settings.

’பிட்’ கலாசாரத்துக்கு கடிவாளம்... டிஜிட்டலுக்கு மாறும் பீஹார்!

 

பீஹார் அரசு, பள்ளித்தேர்வுகளில்' நடக்கும் ,முறைகேடுகளை தடுக்க டிஜிட்டல் தேர்வு முறைக்கு மாற முடிவு செய்துள்ளது.  இனி 10, 12 வகுப்பு தேர்வுகள் வினாக்கள் கம்ப்யூட்டரில் கொடுக்கப்படும். இந்த தேர்வு முறை அடுத்த கல்வி ஆண்டு முதல் நடைமுறைப்படுத்த பட உள்ளது. 


பீஹாரில் நடக்கும்னு 10வகுப்பு 12 வகுப்பு தேர்வுகள் உலக புகழ் பெற்றவை . தேர்வு அறையில் பரீட்சை எழுதிக்கொண்டிருக்கும் மாணவ–மாணவிகளின் பெற்றோர், உறவினர்கள் மற்றும் வேண்டப்பட்டவர்கள், தங்கள் பிள்ளைகளுக்கு, காப்பி அடிப்பதற்காக ஜன்னல் வழியாக பிட்டுகளை வழங்குவது உண்டு. சிலர் புத்தகத்தின் சில பகுதிகளை அப்படியே கிழித்தும் கொடுத்தனர்.ஏற முடியாதவர்கள், கீழே நின்றபடி ‘பிட்‘ காகிதங்களை சுருட்டி உள்ளே வீசினார்கள். இன்னும் சிலர் நீண்ட கம்பின் நுனியில் வைத்து ஜன்னல் வழியாக உள்ளே கொடுத்தார்கள். மொத்தத்தில் தேர்வு அறைகளில் இருந்த எல்லா மாணவர்களுமே பயம் இன்றி வெற்றிகரமாக தேர்வை எழுதினார்கள். இந்த காட்சியை, பத்திரிகை புகைப்படக்காரர்கள்  படம் பிடித்து, பீகாரில் பள்ளிக்கூட தேர்வு எப்படி நடக்கிறது? என்பதை வெளியுலகுக்கு அம்பலப்படுத்தினார்கள். இவ்விவகாரம் சர்வதேச அளவில் செய்தியானது.

கடந்த வருட பிளஸ் 2 தேர்வு முடிவுகளில் , அறிவியல் பிரிவில் முதல் மதிப்பெண் பெற்ற மாணவியை, செய்தியாளர்கள் பேட்டி எடுத்த போது, அவருக்கு அறிவியல் பற்றிய அடிப்படை அறிவு கூட இல்லாதது தெரியவந்தது. இதே போல, அதிக மதிப்பெண்ணுடன் டாப் ரேங்க் பெற்ற மாணவர்களும் உளறிக் கொட்டினர். இந்த விவகாரம்மும் நாடு முழுவதும் பெரும் அதிர்ச்சியை ஏற்படுத்தியது.

இதைத் தொடர்ந்து, டாப் ரேங்க் பெற்ற மாணவர்களுக்கு மறுதேர்வு நடத்தப்பட்டது. இதில், தேர்ச்சி அடையாத 13 மாணவர்களின் தேர்வு முடிவுகள் ரத்து செய்யப்பட்டன. இது குறித்து கருத்து தெரிவித்த பீகார் முதல்வர் நிதிஷ்குமார் . இனி எதிர்க்காலத்தில் இதுபோன்ற சம்பவங்கள் நடக்காத அளவுக்கு நடவடிக்கை எடுக்கப்பட்டு வருகிறது’ என்றார்.



10-ம் வகுப்பு தேர்வில் காப்பி அடிக்கும் மாணவர்களுக்கு ரூ.20 ஆயிரம் அபராதமும், அவர்களுக்கு உதவிசெய்யும் பெற்றோர்களுக்கு சிறைத் தண்டனை விதிக்கப்பட்டும் காப்பி அடிக்கும் மாணவர்கள் அடுத்த மூன்று வருடங்களுக்கு தேர்வு எழுத அனுமதிக்கப்பட மாட்டார்கள், என்றும் அம்மாநில கல்வித்துறை எச்சரித்தும் பார்த்தது. 

இதனை தொடர்ந்து கோவா ஒடிசா மாநிலங்களை போன்று டிஜிட்டல் தேர்வு முறைக்கு மாற உள்ளது பீகார்.

இது குறித்து பீகார் பள்ளி கல்வி துறை தலைவர் ஆனந்த் கிஷோர் கூறுகையில் டிஜிட்டல் தேர்வுகளை நடத்தும் மாநிலங்களில் அது செயல் படும் முறைகள் குறித்து பார்வையிடவுள்ளோம்.ஆசிரியர்களுக்கு இது குறித்த பயிற்சிகள் அளிக்கப்பட உள்ளது.இத் திட்டத்துக்கு அதிக எண்ணிக்கையிலான கம்ப்யூட்டர்கள் தேவை படுவதால் அடுத்த 2017 கல்வி ஆண்டு முதல் செயல்படுத்த உள்ளதாகவும். இம் முறையில் மாணவர்கள் தேர்வு எழுதிய விடை தாள்கள் ஸ்கேன் செய்யப்பட்டு ஆசிரியர்கள் திருத்துவதற்க்கு அனுப்பபடும்.ஒரிஜினல் விடை தாள்கள் பாதுகாப்பான இடத்தில் வைக்கப்படும்.திருத்துவதில் ஏதும் குளறுபடி ஏற்பட்டால் நகல் விடை தாள்கள் ஒரிஜினலுடன் ஒப்பிட்டு பார்க்க முடியும்.

-பிரம்மா

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

திருப்பதியிலிருந்து திருமலைக்கு நடந்து செல்பவர்களின் கவனத்துக்கு..! 

MUST READ